尋日早上去o左聖安德烈堂悼念司徒華, 去到尖沙咀時, 已經有一條長長o既人龍, 很多人更手持鮮花, 秩序井然o甘排隊進場... 為o既, 只係想向呢位為民主同教育界獻上一生o既前輩表達最後敬意, 僅此而然.
行上教堂o既樓梯, 遠遠聽到 Amazing Grace 0既旋律, 到場外花園處, 圍杆滿是市民綁上的黃絲帶, 各人懷住不捨的心情, 在弔唁冊上簽名, 然後獻上花到華叔o既跟前, 再在草地上立正深深鞠躬...望著華叔o既照片, 再看看這駱驛不絕o既人群, 我深信, 佢在到場o既人心目中, 已經係一個偉人... 在入教堂前面, 最''搶眼''o既分別係由王丹，吾爾開希同埋天安門母親送上o既花牌, 亦都代表華叔畢生o既心願: 平反六四.
可能好多人都唔同意佢政治o既立場, 但真係唔可以否認華叔對社會做o既貢獻, 如果一個人走o左之後可以有o甘多人唔捨得佢, 同埋懷念佢從前做過o既事跡和表揚其為人, 我真係相信, 佢既一生, 已經画上完美o既句號!
沒有留言:
張貼留言