好運的一年?

今天晚上, 一個朋友因公司Annual Party 中o左獎, 係抽到一圍免費o既酒席...所以佢請左我o地10多個 friends, 到九龍灣o既 Megabox 去赴宴...一去到, 原來係 Jusco o既禮品宴, haha, 有成20幾30圍枱, 認真熱鬧!! 感覺都有d奇怪!!

大會先o黎一個抽獎, 然後8點多便開席, 係 typical 去飲o既菜色, 跟住, 請左2個超級巨聲o黎表演, 有何雁思同埋胡鴻均 (Hubert)... Hubert係我在巨聲２幫較為喜歡o既一個...我2日前, 先 arm arm 同我細佬邊睇歌唱節目邊講, ''佢(Hubert)唱歌d評判成日都話好感動, 真係好想係現場聽o下, 係唔係真係o甘有 feel...'' 誰不知, 真係o甘快可以聽到佢唱 Live, 仲要係唱我近期最鍾意, 最有 feel o既歌: 天梯 (相信如果有睇我之前 blog o既朋友, 一定有印象, 因為我用o左2個 entries 去寫!!) 在現場聽住天梯, 雖然沒有想像般o甘感動人心, 但係, 我真係好開心~~

到o左尾聲, Jusco安排之前中o左獎o既客戶上台攞獎, 頭獎係某信用咭o既免签帳額數 $88,000... 大家都嘩嘩聲，真係幾正, then 又到現場抽獎，大家估o下緊接住這８萬８o既係咩獎，係唔係好期待呢？笫一份係磁石貼日歷 ......... er........大家都啞口無言, haha, 因為，真係天同地呀～　抽到都唔想要！！

我不嬲都無抽獎命的，所以好安心o甘继续食我o既紅豆羔，到左２獎時，突然間竟然聽到我個 number, 嘩, 真係我喎，然後上台，領o左個座台 Hi-Fi, haha, 真係 N 甘多年，未試過中獎，對份禮物無咩感覺，但係，好開心呀~最後，of course 係把這禮物送俾我地o既’’請客主人家’’啦!!

希望新o既一年，可以事事順利，開開心心啦!!