性格決定命運

<性格決定命運>呢句說話, 唔知大家有幾多成認同呢?

對我已然, 我真係好認同. 雖然好多時話: 一命, 二運, 三風水...但好多時, 真正決定你成功與否o既, 都係你自身o既思想, 做事方法同埋行為... 我諗 60%自身因素 (Internal) + 40% 運仔 (External) = 成功吧 ~

在職場都有5-6年o既時間... 小於10人o既公司做過, Fortune 500 o既公司亦都做過, 雖然好多時都只係一個 Office Politics o既旁觀者或邊緣人... 但係, 好感受到當中一 d 因性格及處事方式唔同而出來結果有天淵之別o既 case...睇得多, 真係化化o地...

成功上位o既人, 來來去去都係o個 d 性格o既人...而俾人''恰''o既亦然... 所以, 上位 formula 其實都真係幾明顯, however, 係唔係o甘, 就人人都可以成功?? 答案又梗係 NO 啦... 因為, 你性格會係幫/累你o既主因~ 係, 無錯, 人係可以改變, 你亦都可以在人前做出''上位行為'', 可是, 就好似一對情侶o甘, 分手o既時候成日都話''我會改, 我一定會改'', 但係, 幾個月, 甚至幾個禮拜後, 咪又係打回原型!!

性格, 好難改~

HAHA, 我信一定有 d 人可以改, 但, 一定唔多... 性格駒動你o既思想同行為, 而呢d factors, 往往就係你步向成功o既路... 一個唔 aggressive o既人, 可以學/嘗試做得 aggressive 些, 但對比起一 d 天生o既''職場達人'', 肯定會事倍功半, 有苦自己知...

只是突然間有感而發... 但願各位都可以找到一個適合自己而又做得開心既工作崗位吧!!