十級凍

最近北京真係正式步入嚴寒o既冬天, 早晚溫度 at least 都負10度... 中午時份, 當太陽伯伯出來後好些少, 有負6、7度...

尋日夜晚, 去左王府井附近食飯, 朋友說等 Taxi 等o左45分鐘, o係條街被d冷風無情o甘吹, 真係凍到爆~
(PS. 截Taxi係北京除o左塞車以外o既另一難題)

回程時, 我見勢色唔對,都見唔到有空 Taxi, 而o係街上等車o既人亦好多, 所以決定搭城鐵罷啦... 返到知春路, 仲要 drive o架 e-bike 成10分鐘先到家, 諗起都有d暈, 但無計啦, 都要頂硬上...

沿路上, 雖然我已經著左3件衫, 一件好勁o既羽絨中褸, 2條褲, 1 頂冷帽, 手套同 ear muff後, 在''飛車''回家途中, 真係十級凍... d風吹埋黎, 嘩, 真係凍到''標''眼水... 再o黎o既係, 漸漸風已經將塊面, 鼻呀, 嘴唇呀, 面颊呀都凍到麻痹晒, 無咩感覺... (haha, 眼唔算, 因為係度流緊眼水, 仲有活動能力!!)... 最後, 只開o左5分鐘, 就要減速一半, 并以一隻手o黎開o架 e-bike, 另一隻手用o黎做咩? 咪要用o黎護住眼以下o既面部部位, 要俾返d溫暖佢o地... 我唔想個鼻甩o左!!

返到屋企, 因為北方室內係有暖氣o既, 完全係''天堂與地獄'' o既 feel......所以, 最近香港有冷風吹襲, 有d人話, 北京 overall 係仲暖過香港 (given 你唔出街)......

有時做人好簡單, 你問我尋日最幸福o既 moment 係幾時?? 一定係我開住暖氣, 蓋住綿被, 好舒服溫暖o甘訓覺既時候啦~~