跑客

呢2個禮拜, 學校有一個名叫 ChinaLab o既 Project, 係我地同MIT各派8個人, 4個人幫一間 sponsor 公司做一個 consulting o既 job... 我選o左一間做 Microfinance o既公司. 佢o地最近被一間有名o既外資 VC 投資o左幾千萬美金, 所以正在快速 expand, 特意叫我o地研究 customer service 呢個範疇, 希望o係不久o既將來可以提高客戶服務質素.

我o地o既首要工作, 就係 draft 一份 customer service survey,然後由公司安排佢o地o既等選客戶,安排俾我地 team 受訪, 以獲得些 primary 既data...我o地再會分析, provide recommendation 等程序... haha, 好彩我o地team 有一個 McKinsey 人, 呢個美國女仔好有呢方面o既經驗...所以大致o既 task 同 planning, 大家都做得幾順.

從周三起, 我 team 人每日分別要去唔同地方見4個客戶, haha, 對我o黎講, 呢個經驗真係好有趣, 因為, 我以前o既工都係坐 office 多, 好少要對客...今次, 我o地要跟住佢地公司 d Sales 係北京城跑來跑去, 四出探訪客戶, 同佢地傾計,了解佢o地o既需求同埋收集意見, 我覺得好好玩!

周四,我o既第一個客係一對退休夫婦, 男o既以前係解放軍空軍, 個仔而家都o係軍界做事, 所以可以住o係 government housing, 千祈唔好以為好似我o地 d 公屋或者警察宿舍o甘 ''casual'' 喎, 佢間屋, 真係好大, 大概1500尺吧, 我同個伯伯講, 你個廳已經大過我香港成間屋, 佢就笑住話, 香港串金尺土ma... 有時, 唔怪得內地人o甘想搵政府工, 我終於深深明白到啦~~ 呢對 couple 係山東人, 所以好好客, 我同 Sales 姐姐一入去, 佢两老已經為我o地送茶送小食...又叫我去參觀佢地屋企...我感覺佢好信個 sales 姐姐, 好似當佢係女o甘, 可能, 做 sales 既其中一個必殺技, 就係要讓你o既客好信任,依賴你...o甘先可以 mark 實佢地...

再去另一個客啦, 呢個係一個中年女士, 佢老公自己做生意, 家住一處叫做海濱1號o既地方, 佢住o既係 flat, 但o係佢同我地講, 好後悔o個時唔買佢o地隔離o既別墅喎, 佢話又唔係好貴, 幾千萬 ja ma -_- 好想佢分d身家俾我!! 佢人好好, 好用心o甘回答我o既問題, 亦都俾o左好多 constructive o既意見... 再一次, 個客又係好信我o地個 sales 姐姐, 佢o地直情以姐妹相稱, 個老公剛剛放工返o黎, 佢既刻叫佢''姐夫''...嘩, 佢個表情+語氣, 我聽完後, 真係有 shocking 既感覺~ 但個男既 of course 好 lum 啦~ (我諗, 我無咩做 sales 既天份...)

最後, 做o左一個 phone interview, 又係一個退休人士, 佢有豐富o既投資經驗, stock呀, PE呀, VC呀, Trust呀, Funds呀, 咩都有投... rate of return 24% 佢會話太低, 因為佢o既 target 係個d PE firms 幫佢投 plan 住上市o既各類爌同原料項目喎...要同佢地3/7分帳, 但收益 of course 唔可以用我地''平民百姓''既投資活動相比吧...淨係聽, 都學到好多o野...做 survey 之前, 循例要 explain 下我o地o既目的, 我就同佢講我o地清華同呢間公司o既一個合作項目, support 佢地 improve 客戶服務等... 然後, 佢就自己 comment, ''啊,就是你們清華和 XXX 的戰略合作, 你們清華這高等學府, 為他們作出深入的學術科研吧, 好的, 我好高興可以參與這偉大項目, 我會盡力配合的!!''

um.....er.....真係唔知講d咩去回應佢呢段說話.....係我空白o既脑海中，只有5隻大大o既字飄過:

你諗多o左啦!!!!!!!