今日在朋友的Service Apartment ''屈蛇'', 夜晚我o地打算洗衫, 於是就好似操作普通洗衣機o甘, 放衫 + 落洗衣粉, 然後按製...但係, 我o地攪唔清究竟按咩製好...因為成排製, 雖則有圖示, 但係,又真係唔係好睇得明 lor~ 結果, 我o地就隨手選左個1號製... 1 應該係最 common, 最 safe 啦o下...
結果, 個 timer 出o左 2:05... er, 唔通係2個鐘頭零5分鐘... er...點解要洗o甘耐既? 我倆大惑不解... 但係都由得佢... 點知, 過左30分鐘...我個friend 去 check 下個洗衣機, 摸一摸佢, 竟然熱到好似摸緊個煮面o既煲o甘... 跟住我o地2個都好驚, 好似想爆炸o甘... 都唔知由得佢好定继续洗好...
當然, 最後我o地叫o左個維修人員o黎睇...佢話, 我o地按o左個歐洲常用o既 mode, 德國同意大利o個邊常用90度o既水o黎洗衫...會乾淨d...佢隨即解答到2:05既疑問, 因為o架洗衣機要時間o黎將水煲滾...my god, 完全無諗過...
我地d衫既下場係點??
我件冷衫d毛冷大部分無晒...真係冬天衫變成夏天衫; 而我個 friend 其中2件衣物就好不幸o甘變o左色...
真係俾個意大利洗衣機玩殘~~
沒有留言:
張貼留言