黨的話劇

今日, 有一個o係國家軍事博物館做事o既朋友, 帶我o地去o左睇佢單位sponsor,甘肅眷 organize o既一個名為''情暖陇南''o既舞台劇... 大家都可以預料到, 呢個應該又係一個刷中央鞋o既特備節目(事關而家人大o係北京開緊十二.五大會)...所以, 個場刊大大隻字個標題為:感谢党中央、国务院和全国人民....

講真, 真係一個好好o既經歷, 因為如果唔係有friend係黨機關做, 真係唔會有得去睇...就當係去見識下...個劇當然係充滿o左勵志o既氣氛, 何謂勵志?? 就係一個窮鄉僻壤, 出左一個好有熱忱,愛民愛國既村長, 然後將個村由無志氣變為自力更新, 終於成功致富!! 完全係幾十年前o既 storyline... haha, 更impressive o既係, 連做劇o既人, 背景都非常50/60年代, 真係幾''得意''(未睇過呢d甘o既 live drama show)...好特別o既一個體驗!!

但係很不好意思o既係, 因為全劇都係用甘肅省 accent o既國語, 雖則有字幕, 但係個頭要不斷向左向右擰o黎睇字幕加真人演出, 真係好累, 所以, 我中間頂唔順訓左15分鐘, 仲被我d朋友笑, haha...

終場後, 有10幾個我諗係黨 or 政府高官o既人物, 俾好多記者包圍影相同採訪...然後,突然間有個記者行過o黎問我可唔可以做過 interview, 嘩, 我即刻推我朋友過去, 說: ''他的國語比較好...'' 其實, 我做訪問真係無咩問題, 但我怕我控制唔到自己, 講 d 好反動o既 comments,唔想香港同胞被指為唔愛國, o甘就唔好啦...係唔係??!