大家有無睇我o地親愛o既政府特別為各位廣大市民預備o既聖誕禮物呢? 嘩, 完全係令人頂唔順, haha, 亦都係一個雙輸o既局面...何以見得? 因為個 crossover MV, 一方面令到我o地o既特首看似反應遲鈍, 另一方面, 將 MC Jin 攪到好唔型 lor~~
又有一篇好好笑o既社論, 來自蘋果日報 @ 12月20日:
<隔牆有耳:玩rap版聖誕歌 煲呔露 chok樣>
北京有位溫影帝,香港都有個小生權。特首煲呔曾剩番嗰年幾任期,佢疑似對影藝界極有興趣,繼農曆新年惡搞麥兜合拍咗段《回家真好》動畫後,聖誕流流又獻新猷,搭上曾經講過唔知邊個係曾蔭權嘅 MC JIN,整咗首 Rap歌同市民賀聖誕。
揮舞雙手跟唔切 beat
八方睇完個 MV,睇見煲呔 Fing手 Fing腳擺出一副政壇 chok樣,非常驚嚇。
呢首聖誕歌叫"Rap Now 2010",失驚無神喪嗌香港市民起錨,話要同市民賀聖誕,但喺大部份歌詞都似喺度擦煲呔鞋,例如「我同特首估唔到咁有緣」、「好想要一條特首嘅 Bow Tie」等等。煲呔冇 rap埋一份,但喺 MV度都有幾句對白,包括好鬼生硬咁講咗句「係? check it out!」又不時跟住節拍揮舞雙手,但總係跟唔切個 beat。
套 MV上咗 fb、 YouTube後網民劣評如潮,直到噚晚 9點半,有 2,615人 dislike、 800人話鍾意。有網民話自從陳岳鵬入左特首辦之後,煲呔戲路闊咗;有人就覺得聽到起錨兩個字,就好似喺佳節被人問候屋企人一樣咁無奈。
沒有留言:
張貼留言