酷熱之城

這剛過去的一個禮拜, 真的是非常非常o甘熱...據說, 自8月14日發佈高溫紅色預警後，上海市內15日更錄得 40.5℃的最高氣溫, 創下有氣象紀錄以來的新高!! 怪不得走在街上的時候, 就有如走在一個大火爐中, 我媽問我究竟有多熱, 我就形容給她說: ''就好像你关了厨房門時, 在裡面煲緊湯o既感覺~~'' haha, 跟住, 佢即刻身同感受: '' 嘩, o甘又真係好熱喎!''

上周五,有一個香港朋友到了上海, 她也說這裡熱得不可接受, 好似快要溶o左o甘, 同以前在美國 Las Vegas 的街頭溫度差不多, 但, 大佬, Vegas 係沙漠區呀~ 在本地的報章上, 很有趣的是, 他們有2個不同的溫度: 舉個例子, 就好像星期二, 天文台錄得既溫度係 39.5 度, 然而在這之下, 有另一行叫做體感溫度, 就係 43 度....haha, it's quite amazing that there are two types of temperatures~ 也是頭一次看到~

點解有2個 figures?? 我估因有政治因素, 有人說, 在中國, 永遠溫度的上限是 39.5度, 因為有條例如果溫度高於 40度, 便要停工停課, 所以在中國大陸, 是很少機會會見到 Official Reported Temperature 係 40+, 就好似香港天文台也被投訴在周一至五掛8號風球, 令經濟有大捐失之說法...或者係甘, 所以附加左呢個體感溫度吧...anyway, 我總覺得, 有 d 攪笑...

有時我會諗, 現在個地球, 好似真係愈來愈反常, 天災不斷, 又地震, 又泥石流o甘, 不時又有南北極既冰層斷裂, 氣溫創新高新低等...可能, 2012, 真的離大家不遠矣...盡我地所能, 珍惜地球, 嘗試過一個綠色一點o既生活吧~