港人的 911

很久沒有被 breaking news 所牽動情緒至這個程度了...對上一次, 可能係美國既 911, 當2架飛機撞進 New York既 World Trade Center時...今次, 規模當然不可相比 911 既戰爭式挑釁行為, 但昨晚菲律賓軍警既愚昧行動與不知所謂既救人策略, 間接把我o地o既人害死, 在家看着 Live, 真係好震驚同忿怒~

昨晚7時多, 剛回家, 煮o左晚飯, 便預備看<天天天晴>, 誰不知有 breaking news... 電視上剛播放槍手開o左2槍, 然後個司機逃脫, 仲話所有巴士上o既人質已經被殺, 那一刻, 真係好shock, 亦都好失落, 因為我諗大家仲抱住希望個槍手會安全释放d 遊客, 所以一時間, 完全接受唔到話佢地全部已遇害, 好心痛...跟住d軍警便開始有所行動, 一群人湧到旅遊巴附近, 又用鐵鎚嘗試打碎個玻璃窗, 又用繩想拉開對門...真係要幾原始就有幾原始...仲要成粒鍾都未攪掂, 真係車上o既人, 無事都變有事...睇到扯火~

終於開到後面o既門, 有3個 officers 準備入去, 但突然間, 槍聲又起, 佢地即刻好怕死o甘縮返o黎, 係, o係人之常情, 但, 佢地d strategy 同 efficiency, 真係超唔掂...之後, 槍手被殺, 很幸運的, 陸續有香港人被救出...o個一刻, 真係好感動, 好想喊...呢d係唔係血濃於水?!

整件事件真係好不幸, 人為o既因素好高, 處理得好差, 但, 我有2個反思:

1. 在這事件中, 傳媒的角色和道德究竟應該點去 measure?
有公信力如新華社, 都為o左要報導第一手消息, 而把未經証實o既''所有人質被殺''公佈, 這做法是否正確? 如家屬和其他有關人士誤信了, 會有何影響? 這是值得探討的. 還有, 如果直播真有可能影響警方行動, 哪怕這是藉口, 只要有萬分一的機會會出問題, 是否傳媒應該配合?

2. 從菲律賓方面, 上至總統, 下至執行行動的警員, 都給大家 ''I don't care'' 既感覺, 好似唔係自己人o既話, 真係理得你死, 官方仲要用不同藉口和事例, 去掩飾佢地o既無能, 真係要再講一次: 不知所謂...但背後點解佢o地o甘冷血, 我個人認為, 有排華心態 (當然,菲律賓這國家的低水平有重要关系）. 雖知道他們國家很大部分人也到香港打工, 就算係有學歷的都要離鄉別井o既去做工人, 久而久之, 就累積了不滿和憤恨, 這態度真係完完全全 reflect 係佢o地在這次事件中既冷血行動.

在此, 願所有有幸生還的勇敢地生存下去, 珍惜得來不易的生命...也願受害的能夠安息.
PS. Pray for 梁太的兒子千祈唔好有事, 你媽媽現在只得你, 你是她活下來的意義.....

Pray for all of them~