人哋成日話細嗰個小朋友會醒目啲、古惑啲，我初時都諗，係咪㗎？！
直到見到妹妹嗰啲搞笑事，就真係 feel 到呢句好中 ：p
其中一個例子，好似尋晚咁，哥哥沖完涼，除完拖鞋就上床預備訓覺⋯平時我哋都唔俾妹妹玩拖鞋嘅，所以佢對拖鞋呢件事非常好奇～
今晚，佢見到我地同哥哥吹緊頭，佢突然靜雞雞咁自己落床，我用眼尾望一望佢，佢就若無其事咁；然後我繼續忙緊哥哥，小姐就好快速咁攞住哥哥對拖鞋，等我未有時間叫停佢之際，就手拿住呢雙oversize 嘅藍色企鵝拖鞋，ta ta ta 的跑出房間，直至去到走廊，就好放心咁放低對鞋，然後好期待咁著住o係佢對腳仔度。最後，仲好 proud o甘著住行出客廳！
呢個古惑妹，真係睇少眼都唔掂！
今日妹妹特別麻煩，可能因爲唔舒服，成日要抱抱，一刻都唔可以放低，一放低就追住你，然後用好渴望，好可憐既眼神，伸手叫你抱。。。
我同我老公不嬲都係心軟派，見到o甘既神情，當然敵不過啦。。。結果今日抱到有d手斷既感覺~
另外,妹妹食飯又食得唔好，食少少o野就 lur，開o左奶又唔肯飲，極度浪費！哥哥同佢玩，又要搶人o地o野，搞到哥哥都 mung，有時都會發脾氣，輕輕力打反妹妹，唉，總之，今日我同我老公好 exhausted...
晚上，同大小姐冲完涼，同佢著片時，又用佢既無敵力量（不知道哪來的力量），左扭右扭，完全唔可以訓平，好好o甘著o左條片！幾經辛苦，終於要用拉拉褲先可以完成。。。個一刻，我同老公講：唉，呢 d 就係兒女債呀，我o地上輩子應該欠呢2個人錢，今世要好好o甘還！
我老公突然加左一句，指住阿女，問佢：我地上一世係唔係借o左你好多錢買樓呀？
笑死我 = P
PS.幸好, 阿仔應該上一世只係我地既小債主 je 。。。 lol 。。。
妹妹呢個禮拜病左，已經3日無去嬰兒園啦，呢個女特別活躍，唔似 Tyler o甘文靜。。。 which means 只要照顧佢一個下午，已經好似做o左好多日苦力o甘，臨老先生個o甘 active 既，真係救命！
今日下午，我o地要喂妹妹食藥，佢唔係 d 好合作，肯乖乖就範個種type既 BB。。。 我o地以前試過同佢搏鬥o左15-20分鐘，佢都可以好堅持將個嘴合埋，完全無空隙 ~ 硬頸程度係非一般！
我同老公今次決定試下用其他方法，硬o既唔得，就試下軟既，首先o係老公拿住支針筒藥，好誇張扮到好好味o甘，然後假裝放入口，妹妹居然好好奇o甘望著，然後到我出場，亦都係交足戯o甘，yummy呀，妹妹,好好食呀,妹妹。。。 接住，居然Tyler都主動行過來，加入呢場大龍鳳戯場, 亦都戲味十足 = P
結果，妹妹好似被我o地成功’感動‘o左，覺得d藥可能好好味， 佢 surprisingly 自動願意自己拿住針筒放入口，然後我就輕輕按 d 藥，haha，o甘就 ’歷史性‘ o甘，好和平地第一次喂到藥！當然，一支藥，我o地一家就要表演俾妹妹四五次先可以成功飲曬！
但是，呢個 experience 好值得記錄低，好有 team work and family bonding feel 呢~
今晚 Tyler 拖住妹妹o既時候，妹妹突然加速， 又自己轉o左一個小圈，然后失去平衡快跌倒o既時候，Tyler原本拖住妹妹o既手，居然放開o左，妹妹當然向后頭着地，然后大喊。。。我o個一刻，情绪爆發o左，好惡o甘話o左佢，Tyler就好委屈o甘跑出去客廳，坐係 sofa上偷偷o甘喊。。。
之后到我幫佢冲凉o既時候，我同佢講，點解媽媽o岩o岩o甘嬲，係因為媽媽希望你可以學識保護妹妹，你頭先o係妹妹跌到一刻放手o既話，妹妹係會受傷o既；他就話， 我唔覺得爸爸媽媽會保護我。。。 唉，二胎就有呢 d 煩惱，小朋友o既心理感受，真係要好小心照顧。。。 我承認我頭先係有d激動左，應該就係甘，讓Tyler覺得我地不再錫佢。。。 我就同佢解析， 爸爸媽媽有時候好緊張妹妹，係因為佢年紀細，咩都唔識，o甘樣唔代表爸爸媽媽只係愛妹妹一個，佢聽后感覺好o左 d，但係，當然依然係唔開心o既，因為頭先我反應實在有d 大，我都應該检討一下...
我老公都同 Tyler pillow talk o左一陣，但係我感覺到佢都未有解開心结。。。到我陪 Tyler 訓覺o既時候，佢依然唔開心，仲好可憐o甘係到喊。。。 我就同佢講，“o黎媽媽呢度，媽媽抱抱先！” 之后，佢就好快o甘撲入我懷中，好似 bb o甘大喊。。。其實，佢都只係一個大 bb。。。
我再同佢講：你永永遠遠都係爸爸媽媽第一個 bb，我o地永遠都會o甘愛你。。。 但係你要知道， 當爸爸媽媽老o左， 你60歲o既時候，爸爸媽媽可能已经上o左去天堂啦。。。 而妹妹就係唯一係度陪住你o既人， 所以你要學識照顧妹妹，愛妹妹~
佢聽完爸爸媽媽之后可能唔會o係佢身邊時，就喊得更加傷心。。。 然后問我，到時爸爸媽媽點樣認得出我呢個小天使呀？我o係度諗, 無啦啦仲咩又關小天使事? 小朋友 d 諗法有時真係好難觸摸... 我就話，等媽媽諗o下先，啊! 不如我o地做個 V 字手勢，我o地咪認到大家咯!
講到呢 d topic，我都忍唔住喊，我o地两個互望，看到大家眼里都有眼淚，我無諗過，會o甘早同個仔 (5歲) 有呢 d deep level o既 conversation = P
但願，爸爸媽媽可以陪你同妹妹很多很多o既時間，愛你地两個很耐好耐o既日子 ~
尋晚發生左一件好好笑嘅事，忍唔住要記錄低 🤣
平時阿仔會訓上o黎我哋張大床，等老公訓嘅時候就會搬返佢去自己張細床仔... 其實都幾傷大人條腰，但無辦法，阿仔佢係要我o地陪訓 -_-
如果係我輪更嘅話，通常我會等阿仔訓o左之後（佢會訓o係我o地個枕頭），我就會移走個大人枕頭，因為太高怕對頸椎唔好...
尋晚，我訓到好熟睡時，隱約感覺到阿仔都訓著o左，所以我就好條件反射咁拎開佢個枕頭... 點知今次有啲奇怪，個頭點解咁重嘅？條頸又咁粗嘅？仲有「阿仔」um左一聲... ohhhh，原來係老公！！
個一刻佢都shock左，唔知俾咩反應好，結果我 sorry sorry ... 勁唔好意思 🤣
我哋兩個今日回想返個 moment，都覺得超搞笑～
今日為咗返工嘢好 down... 網上見過呢啲 Churchill 嘅名言，好有共鳴⋯⋯
Especially the first one:
1. 堅持下去，並不是我們真的足夠堅強，而是我們別無選擇。
2. A pessimist sees the difficulty in every opportunity; an optimist sees the opportunity in every difficulty.
3. Men occasionally stumble over the truth, but most of them pick themselves up and hurry off as if nothing ever happened.
4. It's not enough that we do our best; sometimes we have to do what's required.
5. Those who can win a war well can rarely make a good peace, and those who could make a good peace would never have won the war.
6. Attitude is a little thing that makes a big difference.
7. If you talk to a man in a language he understands, that goes to his head. If you talk to him in his language, that goes to his heart.
8. To improve is to change; to be perfect is to change often.
9. I have not failed. I've just found 10,000 ways that won't work.
10. The pessimist complains about the wind; the optimist expects it to change; the realist adjusts the sails.
每一晚希希訓覺之前， 都會叫我o地講一個自創o既故事， 今日我就同佢講輪到佢啦， 叫佢自己講個故事俾我聽！佢最初唔肯， 扭扭擰擰， 最後我堅持， 佢就唯有開始佢o既創作了！我好期待佢o既創作係點o既~
故事o系係屋企開始，佢話佢要去街街， 出門口啦， 希希話: "我约o左個女仔呀!" 聽到呢句, 媽媽我即刻心頭一酸， 衰仔, o甘细個约咩女仔o者... 然後佢繼續: "我约o左個女仔叫媽媽!" 當然, 媽媽我又即刻 lum 晒 （哈哈）。。。
好，返返去希希o既故事先。。。
然後個女仔出o黎啦， 我要拖住佢o既手一起行 （又lum一次)... 我o地搭飛機去森林玩, 玩完之後呢就返屋企啦, 夜晚就食晚饭啦， 食完晚饭就玩一陣玩具， 差唔多訓覺爸爸就同我去刷牙， 然后洗脚， 再上床同爸爸妹妹 say goodnight，然后同媽媽一起訓覺啦。
The End~
我問佢, o下, o甘就完啦? 佢仲好 proud o甘話, 係呀, 係咪好好聽呀 = P
小朋友o既故事， 系o甘上下啦， 感覺好寫實... 但又好可爱！
妹妹不經不覺已經出左世七個月啦，阿仔so far 都算係一個「稱職」嘅哥哥，好就妹妹，亦都好少呷醋（on the surface)，同埋好幫屋企人手，對於一個四歲小朋友黎講，已經好乖架啦 ❤️
當然，小朋友始終都係小朋友，有時情緒唔好，易左發脾氣同嗲咗都係事實，始終都係由一個人獨佔爸爸媽媽到有一個三唔識七嘅BB黎分享左自己最愛嘅人嘅愛、陪伴同時間，所以作為媽媽，我有時會特登誇張d同阿仔表達我嘅愛，同如果妹妹唔乖，會係佢面前「嚴正處理」，希望俾佢知道妹妹黎唔係要同佢搶野，而係陪伴佢嘅手足，一輩子會同佢相伴嘅人...
相親相愛係我同我老公對佢2個嘅期望！
有時，我都會心裏面諗，究竟阿仔會唔會唔鐘意妹妹，但係我哋面前唔敢反映出黎？因為有時候佢發脾氣時會話：我唔要妹妹、唔好帶妹妹出街等...
今日下午 work from home 時，妹妹大爆屎，成身都係，結果要的入厕所沖身，可能因為未試過的住佢企喺浴缸，妹妹好驚所以喊，好surprised, 阿仔第一時間衝過嚟，好溫柔咁同妹妹講：妹妹，唔駛驚，好快沖完啦，哥哥係度～ 個一刻， 媽媽我聽到後好感動，阿仔真係好緊張妹妹...之後我抱住妹妹出廳，阿仔仲一路輕輕拍拍妹妹心口，叫佢：搞掂啦，唔驚啦！
好希望佢兩兄妹可以一路都相親相愛，互相扶持！
