古惑妹妹

人哋成日話細嗰個小朋友會醒目啲、古惑啲，我初時都諗，係咪㗎？！

直到見到妹妹嗰啲搞笑事，就真係 feel 到呢句好中 ：p

其中一個例子，好似尋晚咁，哥哥沖完涼，除完拖鞋就上床預備訓覺⋯平時我哋都唔俾妹妹玩拖鞋嘅，所以佢對拖鞋呢件事非常好奇～

今晚，佢見到我地同哥哥吹緊頭，佢突然靜雞雞咁自己落床，我用眼尾望一望佢，佢就若無其事咁；然後我繼續忙緊哥哥，小姐就好快速咁攞住哥哥對拖鞋，等我未有時間叫停佢之際，就手拿住呢雙oversize 嘅藍色企鵝拖鞋，ta ta ta 的跑出房間，直至去到走廊，就好放心咁放低對鞋，然後好期待咁著住o係佢對腳仔度。最後，仲好 proud o甘著住行出客廳！

呢個古惑妹，真係睇少眼都唔掂！