金揸

妹妹不知不覺 9 個月啦, 女仔真係發展比男仔快, 佢已經可以扶住o野慢慢行, 又發出好多聲音同埋做好多表情... 非常可愛... 

上個禮拜妹妹又有一個新技能... 就係當我o地講 bye bye o既時候, 佢自己會拎高隻手仔搖搖下, 有時仲會開合開合... 好好笑~

公公有日行過, 見到妹妹向住佢揮手, 就話: 金揸、金揸。我問公公咩係金揸, 原來係老一輩形容 BB 隻手揸下揸下o既呢一個動作... 點解係金? 應該同金豬金鼠o既原理差唔多吧... 好意頭 = P