尼泊爾春日行之行之回家了 - Day 9

今日終於係 last day o係 Nepal, 我o地o係度已經第9日啦, 都好 ready 返屋企了...

早上,去o左一間 ranking 幾高o既 Chikusa Cafe 食過早餐後, 我o地就返 hotel check-out 啦, 然後, 就開始我o地o既 city tour... 首先係去最有名o既 Dubar Square... 等我 google o下佢o既來頭先:
---------------------------------------------------------------------------

加德滿都 Durbar Square (舊皇宮廣場或杜兒巴廣場)

離遊客集散地 Thamel (泰茂 / 泰米爾) 區約二十分鐘步程的加德滿都 Durbar Square，散佈著多座古色古香、富有尼泊爾特色的舊建築。它們有的歷史可上溯至公元十二世紀，但以建於十六至十九世紀的為主。

廣場粗略可分成兩部分。西南部分包括著名的 Kumari Bahal (「庫瑪莉廟」或「活女神廟」)、加德滿都名字由來的 Kastha Mandap (「木屋」) 、其中一座最重要的祭祀象頭神 Ganesh 的 Ashok Binayak 神廟、屋簷上刻有「色情公仔」的 Maju Deval 等。

廣場東北面則是舊皇宮 Hanuman Dhoka，一個蓋上紅披肩的「猴神」 Hanuman 守衛在門口，皇宮內現已改為博物館，介紹尼泊爾的歷史和歷任國王的生平。皇宮外的空地佈滿鴿子，東北出口處的 Taleju 神廟是廣場最大的廟塔，但平時不開放。

遊 Durbar Square 不能錯過欣賞各建築物上的雕刻、柱廊和尼泊爾很有名的窗框雕刻裝飾，各式各樣的神像也很有特色。

Durbar Square 外還有另一個廣場 － Basantapur Square (巴山塔布廣場)，那裡卻不再是古廟建築，而是售賣各式紀念品的市場，有時還會舉行大型活動。廣場旁邊的「奇異街」(Freak Street) 曾在六十年代成為「嘻皮士」(hippies) 的樂園，盡情在當地塗炭生靈。如今「嘻皮」不再，只剩下少量廉價旅館和幾間旅行社，無甚可觀。

----------------------------------------------------------------------------------

haha, google 真係好偉大, 因為我o地無 guide, 所以去到 Dubar Square, 真係到此一遊, 都唔係好知道佢o既 history 同 background 等 information...

去完 Dubar Square, 我o地就去o左Ffreak Street o既 Firefly Cafe 食 lunch... 因為我o地已經 over-budget, 所以好攪笑地盡量去省錢, 飲支 coke 都要諗過度過, haha~

之後, 我o地好好人o既 trekking guide Santu, 因為剛好o係 Kathmandu, 所以佢 suggest 帶我o地去 Monkey Temple... 有個 Local  帶路, 真係唔同 d, Taxi, 問路都唔會俾人呃啦~

okay, 再次 Google 一下 "Monkey Temple'':

-----------------------------------------------------------------------------------

Swayambhunath (俗稱「猴廟」)

這座佛寺位於加德滿都市區以西約 2 公里外的一座山丘上，傳說有 2,500 年以上歷史，除了在廟內隨處走的猴子外，最著名的還要數中央大佛塔上四邊各有一對的大眼睛。其實兩隻大眼之外還有一代表智慧的小眼，而鼻子位置的大問號則是尼泊爾數字的「一」，象徵和諧一體。

到猴廟最好選擇下午近黃昏的時候，站在猴廟所在的山丘上，可以飽覽東面山下的加德滿都市全景，黃昏時昏黃的光線亦可令猴廟中央的大佛塔看來更金碧輝煌。
----------------------------------------------------------------------------------

上到 Monkey Temple o既頂, 剛剛好係 Sunset... 望住 Kathmandu 城市o係日落餘暉下o既景色, 真係唔只 dusty... 仲加o左一份古城o既美...

日落時,  我o地繞住 Monkey Temple 行落山, 經過一 d 城市民居同學校, 真係體現到當地人o既生活... 好有意思...

晚飯 Santu 請我o地去o左一間應該係 For-Tourist o既 Nepal Restaurant... 有當地o既表演, 跳舞,唱歌, 等我o地可以 feel 下 Nepal 唔同 city o既一 d culture 同習俗... Last night, last dinner at such a special dining place... 真係不枉此行呢!!

尼泊爾春日行之行之滑翔飛行記 - Day 8

Plan 呢個 trip o既時候, Emily 同 Tina 都好興奮o甘話想玩 Paragliding... 當時我都有 d 猶豫, 因為本身有些少畏高, 而且上個月o岩o岩有香港旅行團o既熱氣球意外,對於空中o既活動, 真係會擔心... 所以, 出發前, 特意 research 邊間 Insurance 會保空中o既危險活動, 結果買o左 Zurich o既旅遊保, at least 家人有個保障呀~

當日8:30am, 我o地去o左當o地o既 Phoenix Paragliding 集合, 員工就帶我o地上o左一架 SUV, 客人連飛行教練一共8人, 驅車上山準備飛行... 一路上山, 見到 Annapurna I, II 同埋 South, 仲有 Fish Tail 山峰, 天氣亦都好好, 個天好清, 無咩霧... 好期待一陣o既 Paragliding!!

上到山後, 已經有幾 Group 人o係度排隊等滑翔, 我o地4個要等多30分鐘先可以飛... 就o係我o地坐係度等o既時間, 我細心觀察其他人點飛... 首先係 d 助手要打開滑翔傘, 然後慢慢o甘將個傘打開, 再鋪平, 跟住要 check o下 d 線有無纏住, 教練就會同學員检查一下安全設備如頭盔, 背後o既安全架同安全扣有無扣好... 最後, 當然係教練會企o係學員後面, 等風勢一到, 2個人一齊向前跑, 向前直衝, 再o係崖邊一同跳出去, 然後藉住滑翔傘向上飛起...

睇睇o下, 都真係好過癮, 大家飛起o個一刻, 都因興奮或者畏懼而大叫, 然後2人徐徐o係空中飄去... 空中由只有幾個滑翔傘到有幾十個滑翔傘, 呢個空中o既構圖真係好美麗, 五顏六色o既滑翔傘, 加上藍天, 雪山同埋山下o既湖泊, 呢個畫面, 完全可以成為一張 poster = )

快到我o地啦, 先同我o地各自o既教練會面後, 佢幫我o地著上安全設備, 再講解一下一陣起飛時要做o既 preparation 同 steps, 然後亦都 brief o下我o地大概o係空中會遇到o既情況, 就 Ready to Go 啦~

教練要我放鬆, 當佢大叫 RUN o既時候, 真係唔理得o甘多啦, 勇往直前, 一直向山邊跑啦, 當跑過山邊後, 腳離開地下, 我o地2個真係飛上天空啦... woahhhh~~

由起飛到飛上天空盤旋, 又無想像中o甘驚喎...  Paragliding 時, 正確姿勢係坐直身, 但可能我起飛後o既 posture 唔岩, 所以我係45度''攤''係我教練到, haha, 我諗, 佢都好無奈~ o係高空時, 我o地隨住風慢慢o甘滑翔, 教練特意o係空中打圈, 等我o地可以360度睇到 Pokhara o既全景... 由起飛o既山坡, 到 Himalayas o既雪山, 再見到另一邊山上o既田原同民居, 看一下腳下o既湖泊同埋頭上o既滑翔傘同藍天太陽, 真係有大地在我腳下o既感覺, 自由自在 = )

''我是一隻小小小小鳥...''

''See me fly, I am singing in the sky...''

有時, 做一隻小小鳥, 可能會更開心, 更灑脫~

就o係我o地好 chill o甘o係空中慢慢飛翔時, 教練問我有無頭暈同埋想嘔, 我話: ''I am fine.'' 點知, 佢o係講o左一句 ''Good.'' 之後, 就立即玩起花式o黎, oh my god... 佢以好高速o黎轉圈, 仲上下o甘飛, 有d Free-falling o既感覺... 嘩, 大佬, 唔該唔好玩o野啦, 我有畏高架, 空中過山車, 唔係好適合我...

就o係佢好 proud of 佢o既 tricks 之際, 我同佢講, ''Stop.''... 佢話: ''You don't like it?'' 我即刻回應: ''No.'' 教練就好似好失望o甘, back to Basic o既 Paragliding... haha, 可能佢覺得o甘平凡o甘飛, 真係好無聊, 但 sorry 呀, 我心血比較小, 教練, 將就下吧!!

成個滑翔飛行差唔多30分鐘, 費用係 $ 90 USD, 相片 video 另計... 但當教練係空中預備同我影相時, 佢忽然發覺個 camera 唔 work (!!)... oh no, 如果有 d 人好想影相留念o既話, 佢真係對唔住我呀!

我o地慢慢往湖邊o既草地上降落, 我問教練應該點 land, 佢話到時隨風勢而定, 一係 stand up, 一係 lay down... 結果, 快著陸o既時候, 教練話 ''Stand Up!'' 我竟然反應唔切, 瞓o左o係地上面... of course 佢都要被迫一樣o甘瞓係度, haha, 教練再次好無奈o甘話: ''Oh...'' Anyway, we landed safely! That's the most important!

完o左 Paragliding 後, 真係一次好 enjoyable o既 experience.. 我o地即刻要趕去 Pokhara Airport 趕飛機去 Kathmandu... 今次係搭 Buddha Airline... um... 好似又係唔係o甘安全o既 budget airline... but again, no choice...

3點幾左右, 終於又到 Kathmandu... 感覺無變, 依舊係好 dusty 同埋 insecure... 撘車去到 Hotel 後, 我o地休息o左一陣, 就去 hotel 附近 食一餐地道o既 Nepal Meal... 又有 MoMo 同湯面... 味道都唔錯... 但其中一個 key selling point, 就係個 waiter 好似柯震東... haha, 佢亦都好 chok... 仲約我o地去飲o野... of course, 我o地為安全計, turn down o左尼泊爾柯震東啦~

食完o野後, 我o地去o左 shopping, 主打買 Pashmina / Cashmere 頸巾同埋茶葉... Tina 又一次表演佢o既 bargaining skills, 大家都為買到好o野同好 deal 而高興~

夜晚回到 Hotel, 睇o左一陣電視, 竟然有中文電視台,仲要播緊香港 SARS 10年特輯, 真係有緣~ 10點多, 我o地就瞓覺啦, 終於可以瞓到自然醒啦~

尼泊爾春日行之行之漂流記 - Day 7

仲有1日半o係 Pokhara, 今日會去玩漂流, 我o地先坐Shuttle Bus 由 Pokhara 去 Kathmandu 方向o既漂流起點, 再玩 rafting 大概2個鍾頭回到 Pokhara 附近… 以前未玩過 d 好激o既激流,而且我唔太熟水性,希望可以安全,但同時,都好期待呢次Raftingo既經驗呀~


晨o甘早起o左身,即刻趕落樓 meet up with Santu, 今次 Rafting 亦都係佢幫我o地安排o既, 我o地要趕到 7:30am o既 Tourist Bus, 如果唔係,就要搭 Local Bus 喎, 一樣可以去到,但架車應該 condition 唔係o甘適合外國人, haha~

我o地遲o左到巴士站,好彩 Santu 識得人多,打個電話, 個司機就等我o地10分鐘,果然,唔理你係咩國家,做咩職業, connection 都係o甘重要! 大約坐o左2個幾3個鍾,終於到o左我o地 rafting o既起點啦… 我o地一早已經著o左泳衣打底,而因為我唔想曨黑,所以亦都預備著我件薄薄Reebok風褸… 教練要我o地穿上救生衣同頭盔後, 一人俾o左一支船仗我o地,一船7人立即起行!

船上除o左我o地3個, Santu, 教練外,仲有一對北京o黎o既 couple… 原來佢o地o黎 Nepal 之前,已經去o左西藏玩o左 17日, 我o地問佢仲咩有o甘多假,佢話因為 quit o左一份做o左 17年o既工,而家轉工期間, 就的起心肝去一個遠行, 輕鬆一下… haha, 我諗, 真係只有 quit o左份工, 先可以 allow 你去一個o甘 exotic o甘 爽o既悠長旅行~

開始 rafting 前, 教練例行要教我o地一 d 救生o既 procedure 同埋如果遇到唔同型式o既 current, 應該點應對, 佢有一套指令要我o地學, 咩人坐咩位要點樣 row, 大家點樣坐先可以唔被拋落水等等… 各人都好認真o甘記住 d 主要o既 steps…

Rafting 終於正式開始啦, 我o地一行7人慢慢o甘 row 隻橡皮艇出河中心, 再順住河水o既流向漂下漂下, 今日o既風唔太大, 感覺有些少曬同熱, 好似乾煎o甘, 有少少辛苦… 但唔駛好耐, 北京o個個男仔就開始玩o野, 用仗將水潑去我o地身上, haha, 跟住大家就互相報復… 上身o既衫都濕o左… 好不涼快!

途經一個山頭, 感覺特別熱, 抬頭一看, 原本係山火正熱烈o甘燃燒, 我o地問教練, Nepal 有無消防員o架, 佢竟然話無, 山火都係等佢自己熄… er… okay…

接落o黎, 終於會遇到我o地第一個激流啦, 感覺 d 水只係快o左些少, 唔係好激 ja wor… 當教練發出指令, 要我o地起勢o甘 row時, 我o7個就用力o甘 row 向前, 要衝過呢個 current 位… 突然間, 架艇拋上天o甘, 我因為太努力顧住 row 而無留心坐定定, 結果, 一失重心, 向後飛去, 幸好 Santu 坐我後面, 一手捉住我o既 Life Vest, 再將我拉回座位, 好認真o甘叫我做好坐穩o既姿勢, 將雙腳插入艇底, 再將人o既重心靠艇內, alright… 唉, 第一個弱o既 current 已經差 d 被 KO, 真樣衰~

我o地發覺, o個個北京黎o既哥哥仔 rafting 真係好掂, 又大力, 又好似好專業o甘, 原來, 佢話佢細細個o既時候, 成日會攞住個汽車輪軚去佢家鄉山西o既汾河去玩, 所以, 真係訓練有素! 有o左佢係度 row, 我o地就省力好多 啦, 哥哥仔,努力加油呀~

因為風勢不強勁o既原因, Rafting 時都有 d hea hea 地o既感覺, 經過第一個 current o既洗禮後, 我已經掌握到點樣坐先唔會跌落水同點先可以 row 得快些少; 好快,就要過教練口中最長o既一個激流, 大家都嚴陣以待. 過o既時候, 我都用力o甘握住艇邊o既繩, 以防被拋出去, 北京哥哥仔一不小心, 真係被震o左落條激流到, 嘩, 個一刻, 真係發生得好快, 無人反應得到, 而佢o既女朋友就淨係識得尖叫… 幸好, 佢水性好好, 一落水就依足教練指示, 唔好用力游, 而係個人仰天浮起, 隨住水漂回艇邊… 跟住教練就一把將佢扶返上艇啦... 睇落有 d 驚險, 但哥哥仔好似好興奮o甘~

緊接落o黎就係最強o既激流, 大家都有少少緊張, 準備就緒, 過o既時候, 架艇都被強勁o既激流拋來拋去, 大家都依然照教練部署奮力 row, 我o地被激流沖到架艇轉o左個圈, 然後, 成功衝過去! 大家都好開心…

去到最後o既一個激流, 教練問我o地邊個想落河游水? Emily 首先落河游過春泳, 然後, 北京哥哥同佢女朋友亦都跳o左落水, 仲好 sweet o甘 kiss kiss~ Tina 同 Santu 都好開心o甘落水玩… 只有我唔係好想落水, haha, 又真係無咩interest, d 水望落唔太乾淨… 所以艇上只剩低我同教練2個…

佢地玩o左一陣, 突然教練一幅不懷好意o既樣走近我, 我已經知道佢想點… 唉, 結果, 當然係俾佢踢o左我落水啦… 落水個刻, 因為有 d 緊張, 所以飲o左啖河水, 真係嘔心死, 唉… 我在水中, 只係聽到大家係o甘笑, 真係無良心~ 雖然話有 Life Vest 唔會沈, 但不受控o甘浮, 都唔係o甘好玩…

上到艇, 打o左教練幾下, 大家跟住開開心心o甘 row 返岸, 結束今次o既激流之旅.

話說有一段小插曲...o係我o地上岸之後, 入o左去一間應該係 Store 房o既地方換乾衣服, 就o係我著返風褸後, 突然間聽到 ''啪'' 一聲, 跟住背後好似有d o野跌o左落我o既背脊..重量有返甘上下... 就係我望住地下搵一搵究竟跌左咩之際, 見到 Emily 同 Tina o既神情變得有些少奇怪... 我就問做咩呀, 佢o地無回答... um... 似乎, 有 d o野唔係好妥喎... 跟住, 見 Tina 跑o左出去搵 Santu, Emily 就即刻攞張 tissue 出o黎, 向我背脊掃o左幾下... 然後, 就見到地下出現左一隻好大既生物... ohhhhh, 原來, 有隻好大o既白色 Lizard 爬o左上我背脊, goshhhh, 真係嚇死人, 隻o野真係有成人o既腳板o甘大呀~

回程時, 因為 timing 問題, 所以要搭 Local Bus 返 Pokhara… er… 架車上面全部都係男人, 仲要目光兇狼o甘望住我地 d 女仔… 如果無 Santu 係度, 真係走為上著…

途中我o地撞到一個由上海o黎o既女仔, 佢完完全全係 freestyle travel, 佢話佢咩都無 plan, 仲要酒店都無 book, 去到邊, 住到邊, 遇到咩人就 stick with 咩人喎… 佢話, so far 都遇到好多中國人願意幫佢… well, 我個人o黎講, 唔太 agree 佢呢 d 安排, 始終都係得一個女仔, Nepal 又唔係o甘安全, 真係有咩事, 後悔都o黎唔切…

結果, 落巴士時, 天已經黑, 四周又好多男人, 我o地唔忍心掉個女仔一個人係個度, 所以就帶佢返我o地酒店再算… 但,因我o地o既車只可以坐5個人, 多o左佢一個, 唯有 Tina 要打橫瞓係後座我地大家既腳上面… 都真係大家都好唔舒服o下…

有時, 因為自己o既隨心同任性, 為其他人造成不便, 都唔知係正確定唔正確?!

希望個女仔之後係 Nepal 既旅程, 可以安全渡過罷…

尼泊爾春日行之行之Trekking 完成了 - Day 6

今日係 Trekking o既最後一日，我好早就起o左身，５點幾左右，於是便順便出去睇下有無日出，o係草地上，已經見到 Santu 同幾個團友啦... 估唔到，大家都起得好早... 帶住牙刷，走去草坪o既一角，呢度刷牙係係 outdoor o既，所以，一路刷，大家都可以一路望住個雪山同山谷景，刷牙洗面都o甘巴閉，真係人生如此，夫復何求！！

早餐時，亦係o係 outdoor 對住個 Annapurna South 同 Fish Tail 食，坐o係草地中，有和暖o既陽光同山風伴住，最後o係山上o既 breakfast, 大家都格外珍惜～好快，大家就要分道揚鑣，各自回到各自o既生活，回復城市人o既身份同習慣... 

其中４人o既香港團友，將會多 trek 一日，　所以，我o地好快就要分頭行啦，大家互相交換 contacts 後，希望回港之後會有時間再約出o黎行下山 = )

今日會行４，５個鍾左右，３點多就會返到 Pokhara... 因為再無行程，所以大家都好 relax o甘行。天氣不錯，唔係太熱，間中有 d 山風，行得幾舒服。因為只會係落山，膝蓋o既負擔會大d, 但 last day, 無所謂啦～去到一個 resting area, 見到一個寫上 Never Ending Peach And Love (N.E.P.A.L) o既地圖，好有意思o既 phrase... Nepal 真係一個好有愛，好和平的國度~

下午，o係一個位於河邊o既 restaurant 食完 lunch 後，真真正正踏上我o地最後o既路段，經過一d 田園，村民們都好友善o甘同我o地打招呼，Santu 都同我o地講一下 Nepal o既一些人文知識同生活習慣俾我o地知... 去過 Nepal 後，真係對呢個國家好有好感... 有機會o既話，絕對會再o黎過～

其他 Macau 團友們因為忙於影相，而我同 Tina 就一值跟住 Santu 行，所以，雖則之前日日都包尾，但到終極終點時，我倆就成為第一隊到達o既 Group... haha, 真係龜兔賽跑呀~

搭巴士回到 Hotel Tara 時，Emily 已經o係 Lobby 等我o地啦，o黎o左一個擁抱後，我o地便急不及待上樓，share 我o地o係山上o既見聞同照片俾 Emily... haha, 好安慰知道佢呢２日都去o左另一個地方睇日出同 City Tour, 似乎，佢都有唔少o既收穫！

晚上，去o左一間 Italian Restaurant 食 Pizza 同意粉，然後，返回酒店沖一個乾乾淨淨o既 shower 同終於可以瞓係一張又軟又暖o既床 - 直到天明啦～

尼泊爾春日行之行之日出之日 - Day 5

４點３０分， alarm 響起來，大日子到啦~

好開心發現雨已經停o左啦，多謝上天！好快刷完牙，洗個面後，帶住手電筒，相機，仲有最緊要o既冷帽同保暖衣物都穿上身後，就落樓集合去了～

Santu 俾o左２杯熱水我o地飲，個身暖o左之後，就起行啦... 出面一片漆黑， 真係伸身不見５指，天氣都真係好凍，應該離０度不遠... 用電筒o既燈光帶路，唉，又係上山o既路，可能因為有些少高山反應同冷天氣，上唔夠５分鐘，心跳已經好快，亦都有喘氣，再多行o左１０分鍾，不斷o既梯級真係好攞命，停低休息o既次數漸多... 好多團友都有相似o既反應，都係心跳勁快，有 d 仲頭痛，大家都半條命o甘 chur 上山...

o係我又再一次停落o黎休息之際，亦都好 puzzled 究竟我幾時先可以上到山頂，趕唔趕得到日出之前登頂，定係究竟上唔上到山頂o既時候，Santu 及時出現，幫我’’咩’’晒所有行裝 (yes, again... 我都知好唔好意思）, 一手拖住我上山... 有好幾次，真係行到有 d 暈低o既感覺，可能 altitude 高缺氧加狂上坡o既原故... Santu 真係要拉我上某 d 斜位, 我諗，如果無o左佢，應該真係上唔切 Poon Hill 睇日出... once again, thank you for saving me!

沿住山路，因為尋日落過雨，再加上氣溫低，遍山o既草木都铺上一層厚厚o既雪，滿山都係白濛濛o甘，加上右邊隱約見到o既喜瑪拉雅雪山山脈，實在漂亮得令人窒息 (雖然，physically,都因為缺氧而好想窒息！）... 呢種 physically 同 mentally 都同時有窒息o既感覺，haha, 我諗，一生人都應該無幾多次可以體現到!!

６點多，已經可以見到第一線o既晨光，但係，似乎仲有一段山路，我問 Santu 究竟仲有幾耐，佢叫我唔好諗o甘多，盡力上就係啦... um... o甘講，即係會趕唔到睇咸蛋黃出o黎o個刻? 就係o甘，俾到我一舜間o既力量，我加快腳步，終於，發揮我最後o既 potential (!!), 成功o係日出前趕到啦～ 仲有時間影o下晨光o既相同雪山景。山上已經有好多遊人，太陽冒出山頭o個一刻，大家都併息靜氣, 驚嘆於眼前o既一刻，Poon Hill 山頂上，環繞住喜瑪拉雅雪山山脈o既日出景致，真係好好好好好靚... 雖然真係好辛苦，但係呢一刻，所有 physical pain 都已經被拋誅腦後，非常值得...

No Pain, No Gain!! Right?

就係o甘，我o地o係山頂玩o左個幾鍾，又影相，又玩雪，又跑跑跳跳，真係好開心... 最後，我o地呢團 Hong Kong + Macau Group影完大合照後，就滿足地落山了~

回到 Guest House, 早餐亦 ready 啦，嘩，我o地呢個 guide, 真係細心到無話可說，佢安排大家o係 restaurant 外o既地方，開一張長枱，俾我o地對住個超級無敵雪山景食早餐，大家都為呢個 arrangement 好興奮，唔怪得o甘多 Asian o係網上推荐 Santu 啦！　

我o地一邊食野，一邊望住個雪山，真係漂亮得有 d 唔實在... 大家都好享受呢一刻，完全唔捨得走，但願呢一秒可以永遠停低，我o地永遠可以擁有呢個畫面同時刻！！

大家都好攪笑，完全唔捨得走， Santu  催o左我地幾次，我o地都不為所動，我攞住我杯 coffee, 靜靜o甘望住個雪山，真係以為自己o係瑞士！呢個景，真係LIKE 爆!

享受過後，所有o野都終需一別... 大家收拾細軟後，就出發下山啦。今日o既路程係最長o既一日，但會主打落山，所以，希望無o甘辛苦 (而且，落山我比較 ok)。

今日 lunch 前都係行入森林，其實，都係有好多上斜 lor!! 我o地一路上山，一路向 Santu complain, 話佢 ''呃’’我o地，又話只係落山，點解會有山坡架?? 我o地連要上幾級梯級都俾說話佢聽，haha, 真慘!!

上完第一個小山之後，我又再次 breathless... 團友叫我影相我都無精力過去，呢個 trip 後，我諗，我真係要 train up 下我o既心肺功能... 因為真係好差勁~ 跟住，我o地再行第２個山坡，上到一處好廣闊o既山丘，回頭一看，wow, 又係另一個令人難以忘懷o既景色，我o地身處山上，群山就在我o地腳下，仲要滿山都紅色 (with the National flowers),　藍天白雲，人間仙景，都不過如此吧?

我o地用 Panoramic 全景拍攝，影低呢個仙景，我亦都影o左好多 video, 都唔知呢輩子仲有無時間同機會 (well, or 體能）再o黎呢度，真係好想用現代科技，將呢一刻盡量留低 = )

接落o黎我o地再向山谷前行，Macau 團友開始唱起歌黎，’’在森林和原野是多麼的逍遙，親愛的朋友呀，你在想什麼...'' haha, 好舊好親切o既一首歌，應該係我o地小學時唱過的吧... 真係o係呢一刻唱出o黎，好岩 feel~

落山o既路唔太難走，相比起尋日，真係好輕鬆！午餐於某山谷中，今日食 Nepal 湯拉麵，唔錯唔錯，醫完肚，休息過後，再向我o地o既 Day 3 Guest House 進發! 下午落山o既路開始難走，好斜，而且好多沙石，一不小心真係會滑倒... 各人互相扶持，我o地吃力o甘沿住山型落山，一直走到山谷下o既河流，跟住，Santu 話要再上另一個山頂... 唔係o下嘩，點解唔起條橋呀，大佬~

無計，只可以頂硬上...

我o地去到一段平路時, 突然見到一個外國女孩子,自己一個好似好唔舒服o甘呆企係度, 仲想嘔,我o地上前問佢做咩,佢話尋日開始唔舒服,唔知係唔係高山反應定感冒,亦都有 d 發燒, 但係 so far 都 ok, 佢話可以自己走落去,佢o既同伴就o係前面, 佢只不過想慢慢行... Santu 真係好好,佢二話不說,就走入樹叢中, 攞起一枝樹枝, 切走個 d 枝葉,將條樹枝整到顺滑, 成為一枝行山竹俾個女仔可以行得方便快捷 d...同時亦都俾左 d 藥佢傍身... 個女仔都好感動~

前面o既路又o黎一段比較斜滑o既路,  Santu 叫o左一個 porter 過o黎扶住我, 但落山o既路我真係幾有信心, 好想靠自己o既力量去完成, 所以, 拒絕o左佢o既好意... 但可能個 porter 受佢 boss 所托, 依然緊隨我o既左右, 好驚我出事, 真係 bair 一聲... 所以, 有 d 險要些少o既路段, 我都俾佢扶住, 等佢安樂 d.. haha, 突然間, 覺得自己有 d 似老佛爺, porter 就係我o既小貴子!! 

最後一段路, 突然落起好大雨, 看住雨水打在樹葉地上, 面上都感到雨點俾我o既涼快, 真係好爽呀！ 終於到o左呢個 trip 最後一間 Guest House, 名叫 Snow Land, um... 應該係可以如其名, 見到雪山吧... 但今日太大霧, 聽日朝早再睇過啦~ 個 Guest House 前面有個大草坪, 我同 Tina 因為又係最後到達o既關係, 所以比較好o既2層主屋o既房間已經俾人撰o左, 我o地只可以睡在一間我o地覺得以前係養雞鴨鵝o既棚屋中, 從房外望, 真係以為係間公廁囉, 唉, 無計, 邊個叫我o地行得慢?!

到沖涼時間, 又係要排大隊, Tina 先沖, 我o地特意叮囑佢要沖快 d, 因為佢頭髮長,用水多呀! 外面落住大雨, 偶爾仲行雷, o係度排住隊, 同 d 團友吹下水, 望住個約隱約現o既雪山, 對面山o既梯田, 田地裡種o既蔬菜, 真係好過癮. 到我沖時, 好清楚o甘聽住雨聲雷聲, 同門外團友傾下大家o係香港做咩呀, 玩咩呀o甘, 呢個 shower o既 experience , 真係好 special...  

最後晚餐就係炒辣雞, 味道真不錯, 飲埋最後o係山上o既 Nepal Milk Tea... 好滿足了... 晚飯之後, 大家睇o下 Hollywood and Bollywood o既 movies, 玩下 Uno 同 Candy Crush... 然後再出去 yard o既睇星星，嘩，o係山上，無城市o既光害污染，真係可以睇到滿天星星，好美的夜空，拾頭嘗試數一數天上星星既數目，完來，真係數唔盡架 = ) 突然間見到流星飛過，我同另一個團友立即許願，haha, 其他人都話睇唔到，一定係我o地眼花喎~ 

呢一夜， 大家都開始為旅程快將結束而依依不捨...

尼泊爾春日行之行之向 Poon Hill 出發 - Day 4

雖然尋晚我o地３個已經將所帶o既衣服都著o左上身瞓，但係，山上o既夜晚實在太凍，加上無被o既原故，半夜真係凍醒o左幾次, 加上張床好硬，又應聲，大家o既睡眠質量都好差... 食完早餐後 (今日係 Nepal Pancake, not bad!), 我o地就要同 Emily 分別啦... 有 d 唔捨得同伴要提早離開, ３日後 Hotel Tara 再見啦... 影完張 ’’最後合照’’後，我o地就各行各路啦...

大伙兒起行啦，今日係不停o既爬上山，諗起都腳仔軟... haha, 但無計啦，目標已定，一定要睇到 Poon Hill o既日出同 Himalayas o既山脈，只可以咬緊牙關向前衝吧!! 加油吧，同伴們!

雖然好似鬥志好旺盛o甘，但... 只維持左１５分鐘，到真係要上山，不停行上幾百，甚至幾千級o既梯級時，唉，真係好快無氣，可能真係自己o既心肺功能不佳，上o左唔夠2００級，就已經要慢落o黎，再行多幾十級，就要坐低抖抖，有幾位團友都上得好辛苦，大家上o下坐o下o甘，真係唔知幾時先完成到呢條’’天梯’’呀，大佬!!

沿途遇到一隊韓國行山隊，唔好睇佢年紀大，都成５０幾６０歲，人地不知幾健壯，拿拿聲就超越我o地呢班’’壊鬼後生’’，真係睇到都令人敬佩，老而彌堅大概就係o甘既意思吧~ 我o地墮後o既幾個人，以蟻速向上爬，Santu 見到我都忍唔住提出要同我’’咩’’個小背包，雖然我都有 d 唔好意思，但呢一刻，真係唔介意得o甘多，最重要係完成行程... 無o左小背包o既重量，真係輕鬆o左好多，最初，我仲堅持要帶住o架 Sony 相機，以便可以隨時影低 d 靘景，但愈行得耐，愈無精力 or 心情去影，上到山都萬幸呀，Santu 最後連相機都幫我’’咩’’埋，我只留我o既 iphone 同我共患難也～　Once again, thank you so much for my trekking guide's help in this trip...

最初由自己’’咩’’背包相機上山到１個鍾後要 Santu 幫我負晒重同拖住我上山路，大家應該都可以大概感覺到呢條山路o既辛苦度... 有幾個外國人，甚至騎馬上山，有一個身型非常有份量o既女士，坐係隻白馬上面，而隻馬亦都異常吃力地往上走, 眾人都不約而同向呢隻馬大哥寄以無限憐惜，好擔心佢會唔會過勞死架?? Let's pray for the horse~

o係我o地行去 lunch o既 restaurant 途中，遇到好多香港人，真係無諗過香港人原來o甘鍾意行山o既.. 我亦都撞到２個北大人，佢o地無請 guide 無請 porter, 就係靠自己o既力量去 ABC (Annapurna Base Camp), 真係非常佩服~ 經過差唔多３個鍾o既不斷上山，雖然有好攞命o既 moments, 但係，沿路o既風光，真係好正，我o地面對住群山，行過村莊，見到草原森林，真係好舒服，身體上o既痛苦都覺得 worthwhile 些少...

等 Santu 同我o地講話 lunch place 已經近在眼前時，心裡o既感動，真係非筆墨可以形容 = P

今日 lunch 係 Tomato 意粉為主打，再有當地有名o既 MoMo (其實就係中國人o既餃子）, Santu 同 porters 都有份煮，有時，真係覺得佢o地好勁，好似咩都識做o甘。山上o既知識，路線，風土人情，甚至連煮飯，都好到家，Nepal o既男人，真係唔錯~

嘆完杯奶茶後，又要出發啦，難頂o既一日，只完成了１／２，下午將會進入森林，加油吧~  望望天，有點兒灰灰暗暗，唔知，會唔會落雨呢?

食飽飽後，心情都開朗 d , 同 porters  有傾有講，我o地問佢o地，’’咩’’我o地 d backpacks 辛唔辛苦呀? 係唔係好重呢?  點知，佢地好 serious o甘話: ''No, it's not heavy at all...'' Especially 我o個o個，佢話好輕喎 -_- 跟住，我同 Tina 問佢o地，我o地今朝行o個段大上斜路，難度 1-10, 佢o地會俾幾分？佢o地又好 serious o甘話... 1 分啦... errrr... 真係有 d speechless... 我o地行到想死，佢竟然話 SO EASY~ 真係 Bair 一聲~

行入森林了，陽光都俾樹葉擋住，但四周圍滿佈不同種類o既花同植物，色彩繽紛的，令人行呢段路都行得好開心，有一種鮮紅粉紅色o既花，係尼泊爾o既國花，名叫 Rhododendron, 係大大朵，由幾個花朵型狀組成，好特別～　過了一條河後，天開始黑起上o黎，烏雲亦都趕到，雨都落下來啦，漸漸落得愈來愈大，我o地亦快快手穿起防水風褸。走在湿湿的路上，由乾石變成泥巴路，真係要加倍小心，但都幾好玩... 幸好，我o地剛好經過一個亭，一群人就火速避雨去了～ 聽住雨哇啦哇啦o既聲音，再加上出面o既鳥聲，蟬聲同河水聲，大自然o既交響樂，也真令人感到陶醉 = )

等o左大概２０分鐘，雨無停o既意思，但就開始細落o黎， Santu 叫大家可以開始行啦，我o地就聽領隊o既話，開步行了～　接落o黎o既路，又係我最憎o既上斜路... Oh No, 仲要上幾多呀，大哥，我對腳，就o黎唔聽駛o架啦... 一路上山，　又見到一隊香港爬山隊，佢o地裝備好 pro, 年紀都同韓國耆英團不相伯仲，亦都活力十足... 唉，我o地呢隊’’打壞後生’’，又被 KO 了~

上山o既路途，當然，我又係要 Santu 拖住走，背包同相機，亦都暫時屬於我o地呢位型仔領隊 (haha!)... 我o地 trek 到去一處地方，嘩，滿山都係紅花，大家都被呢遍漂亮o既 Rhododendron 花海所震撼，駐足o左好耐先捨得離開... 影o左好多相，但只希望，呢個絕美o既景色，可以永遠留o係我o地o既記憶當中！

Santu 佢真係好 sweet, 特意摘o左２朵 Rhododendron 俾我同 Tina, 仲同我地綁o左朵花o係 Hiking Pole o既手柄上面，裝飾一下～　行到今日最後一段，大家o既心態都適應o左，無再覺得好辛苦，只係默默o甘前行，欣賞眼前o既美景。終於o黎到 Guest House 前最後一個村落，人們簡簡單單o既生活，友善o既神情，無拘無束o既態度，真係唔係我o地城市人可以相比同做得到；快樂國度，只容許在簡單純真的國度存在吧了，是嗎?

隨住山勢，徐徐走上村落o既石級，見到好多顏色搶眼又英姿颯颯(無吹水喎，尼泊爾 d 雞真係俾到我呢個 feel!) o既公雞，好神氣o甘望住我o地，仿佛守護住佢呢片土地... 經過大概７個鍾o既艱辛，我o地終於到達係 Poon Hill 山腳 Ghorepani o既 Guest House - GoodView!! 

一如其名，Guesthouse 外o既 view 真係無話可說，正正對面就係一連串o既 Himalayas 山脈雪山, 山腳下係一望無際o既 Rhododendron 花海同草原, 雖然快日落又大霧,但蒙蒙o既景象,更添迷人! 

我同 Tina o既房間係3樓, 窗外係無敵喜瑪拉雅雪山景, can we stay here forever?!

我o地快快手o甘去沖完涼, 今日個 shower room quality 好好喎, 又大又乾淨, 最重要係有熱水呀~ 排隊沖涼其間, 遇到一個 Portugese, 佢原來同佢同學2個人, 一齊o黎 Nepal 寫佢地o既論文, 有關 study Nepal 女性o既生活同呢個國家o既人文情況... haha, 真係世界之大, 無其不有! Very interesting to meet these people = )

因為好肚餓o既關系, 我o地等唔切晚飯, 就決定落樓食我o地由香港帶o黎o既紅燒牛肉大碗面... 加熱水,等3分鐘, haha,  熱辣辣,香噴噴o既美食, 就 ready 啦~ o係尼泊爾大山裡, 可以品嚐到家鄉味道,真係人生一大樂事件!! 有時,快樂, 真係可以好簡單~

因為沿途落雨, 大家o既衫都有不同程度o既湿, 所以, 我o地將我o地o既衫褲鞋襪, 通通拎落o黎 Lobby o既大熱爐前烘乾!! Porter 幫我o地不斷加炭, 團友們都坐o係大熱爐前取暖同傾o下計... 無 internet, 無 smartphone o既時間, 原來都可以好 connected!!

到晚飯時間啦, 今日食o既o野真係好令人 surprised... 估o下係咩??

係鐵板雞肉餐!! 嘩, 真係以為自己去o左大家樂 or 扒王之王!! 好好食喎...

就o係我o地嘆茶其間, 突然全屋停電... gosh, 停電呢家o野, 係 Nepal 真係家常便飯! Santu 立即攞o左個燈出o黎, 但我o地話好唔浪漫, 結果佢幫我地點 candles.. haha, 好 romantic 呀~

回房後，大家好早就休息，因為要迎接我o地o既 Big Day --> 上 Poon Hill 睇日出!! o個一晚，雨完全無停過，仲落得好大 tim, 唉，大家心裡都好擔心聽日上唔上到山睇日出... 晴天公仔呀，請你幫幫我o地吧!!

o個一晚，大家都極度疲累，我同 Tina, 在貼上每人１０多塊撒隆巴斯後，就速速搵周公去也... 

但願，聽日有個大晴天...

尼泊爾春日行之行之行山去也 - Day 3

今日一早醒來, 感覺充滿力量, 可能因為瞓得唔錯... 食過早餐後, 執拾好行山要用o既必須品後 (雖然有 porter 會幫我地 carry 個 backpack, 但係, 都唔好o甘陰公要人'咩'住o甘重o甘多o野上山啦), 我o地便將唔會用得著o既東東, 放係一個紅白藍袋, 寄存係酒店, 等我o地落山後再攞返...

10點鍾, 我o地個 Trekking Guide (名叫 Santu) o黎到 hotel 接我o地, 突然話俾我o地聽, 個團會有多2 Group 人加入, 一共 14 人... 嘩, 最初聽到, 我o地都有 d 不滿, 因為原本以為只係我o地3個人, Emily 比較 prefer 自己一 Group 玩, o甘多人, 唔係好係佢o既原意... 當然, 我o地諗諗o下, 多 d 人都係好o既, 只係得3個女仔上山, 真係有咩事都唔知, 山上亦都唔會有 reception, 到時真係叫天不應, 叫地不聞... okay, 14人, 安全 d 都好o既... 可能多 d 人會好玩 d 呢!!

Santu 帶我o地到o左o架 Shuttle Bus, haha, 都真係有 d 舊, 無冷氣o既老式中型巴士... 呢個 trip, 真係完全可以體現 Back to Basic... 住又 basic, 食又 basic, 坐車都係 basic... 不失為住慣城市o既大家一次好好o既 experience~ 上到車後, 團友都漸漸出現, 有1 Group 係由香港o黎o既, 一行4人, 同我o地差唔多年紀; 另一 Group 就係o係澳門o黎o既, 有7個人o甘多, 25, 26歲, 好 young 呀~ 原來佢o地有幾個人都係大學同學, 讀同一個 major: Tourism... 所以經常去 exotic o既地方... 其中一個更加係 Freelance 導遊... 大家都識聽識講中文, 亦都唔係被 spoiled o既港仔港女 (去得 Nepal, 都應該唔係o既, haha), 希望可以夾得到, 一齊經歷一個難忘o既旅程~

車程約一個多小時, 我o地就到o左起點... 1個導遊, 7個 Porters 再加14個團友, 22人浩浩蕩蕩o甘向大山出發... 先係經過民居, 再過o左條鐵索橋, 我o地輕輕鬆鬆o甘行o左1個鍾到, 就到o左一間餐廳, 位於河畔, take 我o地第一個 break... surprisingly, 食o既o野都真係唔錯, 先o黎一杯令人精神為之一振o既 Lemon Soda... 跟住, 有碟貌似印尼炒飯o既炒飯, 再o黎有鍋 Cheese Macaroni (好西化下喎!), then 有清下腸胃o既蔬菜... 最後, Santu 好細心o甘帶o左幾種水果... o係呢幾日o既行山行程, 發現佢o地真係好鍾意茶, 每一次食完飯, 一定有 Tea Time~ 有 Black Tea, Mint Tea, Milk Tea, Ginger Tea 等飯後飲品, 當然, 以我呢個奶茶王o黎講, 一定係飲 Milk Tea 啦~

食飽後, 再上路了... 因為係正午, 所以都好曬同埋熱...行得比朝早辛苦. 經過一 d 本地人o既小房子， 設計無咩特別, 但係有幾間外牆好用心o甘用d好鮮艷o既顏色, 有粉紅色, 藍色, 黃色... 我好喜歡呢 d 屋仔... 好浪漫o既感覺~ 山野田間, 尼泊爾小孩子好開心o甘o係山裡跑跑跳跳, 小動物如小雞, 小鴨, 小狗, 都好悠閒o甘走來走去,或者係睡覺... 成個地方俾我o既感覺真係山裡的一切, 都係好自然, 全無世俗壓力, 人們o既生活都係無憂無慮...  係唔係, 每一個住係呢度o既人, 都可以真真正正享受快樂??

一路上, 享受住藍天白雲, 翠綠o既山野林間, 高高o既山峰同埋清澈o既流水... 間中, 仲有驢群馬群趕路. 呢一刻, 真係完全忘記生活上o既大小煩惱, 感受住世界o既浩大, 凡人o既渺小...

Santu 講過, 第一日o既行程係最輕鬆o既, 大概行3個小時左右, 亦都唔會有好多斜坡... 第2日就會開始o黎料, 要6個鍾, 仲要不停上山, 因為 Day 3 要上到 3300 米o既 Poon Hill 睇日出... 第3日會開始下山, 而亦都係最長o既 hiking... 要8-9個鍾到... 第4日就只會係 Half Day, 便回到 Pokhara 啦... 只係聽到 Day 2, Day 3 o既 Schedule, 都暈得一陣陣... 呢個 Trip 之前, 都無咩點 train, 唉, 希望可以順利完成吧~

以 Santu o既 Schedule, Day 1 應該無咩大難度... 但 Emily 因為旅行前唔舒服, 呢個 Trip 期間仲係恢復中... 所以, 原本簡單輕鬆o既行程, 對佢o既身體, 都真係幾大o既負擔... 雖然大部分都係平路, 但係, 佢都走得好吃力... 每20-30分鐘 就要抖一抖, 上斜時, 更需要 Santu 拖住上山... 我同 Tina 睇到o甘o既情況, 心裡都好擔心... Day 2 Day 3, 走o既路要比今日難頂10倍... 好驚 Emily o既身子承受不到， 點算好??

結果, 原本3個小時o既路, 我o地3個足足行o左 5個半鍾... 睇到 Santu 都覺得好無奈... 鼓勵 Emily 用意志力盡力完成... 到最後個段路, 太陽都正在落山, 天更落起雨, 我同 Tina 坐o係一個小村莊外o既石梯等 Emily, 我倆安靜o甘望著山裡o既小屋o既小煙囪, 因為人們開始做晚飯而冒出縷縷輕煙, 雨點打在面上... 感覺, 好不真實... 我是這大山裡的一份子嗎?

天黑前, 終於到我o地當晚要住宿o既 Indra Guess House... 團友們早已到達啦... 亦已經沖完涼... 我o地3個, 去o左安排好o既房間放低 backpacks 後, 就快快手手落樓下沖涼... 因為已經好累... 山裡o既 Guest House, 同 Pokhara o既 Hotel 差好遠... 設備係超簡陋, basic 到唔 basic, 木板牆, 隔離細聲講咩都可以聽到, 2張只有白布同枕頭, 連被都無o既床... 乾唔乾淨... ummm.... 都係唔好睇, 唔好諗啦... 瞓一晚o者... 是但啦~

沖涼刷牙開大細, 都係o係 outdoor o架... 夜晚, 真係可以一路刷牙, 一路抬頭睇星星o架... 好有 feel~ 水o既來源, ummm... again, 都係唔好問, 唔好諗啦... 沖涼室... well, 係無燈o既, 但係都好o既, 暗暗地, 唔好睇得o甘清楚, 仲安心!! 我o地3個 teamwork, 一個沖涼, 一個攞住電筒照住入面, 一個負責攞衣物用品... 真係缺一不可呀~ That's real teamwork!!

攪掂完個人衛生後, 即刻趕上樓食晚飯, 團友們已經在開懷地唱歌, 因為隔離枱有一個外國人生日, 大家就對唱起來...氣氛真好... 晚餐係 Nepal 碟頭飯, 有 potato, veggie 同埋我喜愛o既 Nam = )
食飽休息中, Santu 拿出一杯 Buffalo Milk俾我o地飲，又有 d 類似 potato o既小食俾我o地試... 又真係幾好食，幾特別喎～

最後, 回房瞓覺前, Emily 就要決定究竟聽日要唔要继續行程，因為佢身體情況確實唔太好，要再往山上行，佢自己都唔係o甘有信心，雖然 Santu 話上山o既路可以以驢仔代步，但落山就一定要自己o黎，因為驢仔落山會好危險... 但我o地將要落山o既山程，都唔簡單... Emily 認真考慮過後，決定唔再上路，提早結束行程... 聽日返回 Pokhara 休息... 雖然好無奈，但係對佢身體o黎講，係最安全o既安排..

雖然有 d 遺憾, 但人生，有時就係o甘...

希望在明天呀，各自努力吧!

尼泊爾春日行之初到 Pokhara - Day 2

Pokhara 就係我o地將會 spend 4日3夜行山o既城市, 我o地早上9點機, 但原來 Local 機唔駛太早到機場 standby, 只要30分鐘前去到就 ok, 仲要 d 人話例遲...  Delay 係司空見慣... 我o地 7:30 am 起身,  Check-out 後, 同個 owner chit-chat o左15分鐘左右, 仲有時間上 hotel rooftop 睇下市中心o既風景... 跟住就背起我o地作為 Backpacker o既專業背包 Taxi 往機場去也 = P

好彩地, 班機只係 delay o左 10 分鐘, 我斯斯然買o左杯 Local coffee and milk tea, 就上o左 Shuttle Bus 去我o地o既飛機處... errrrrrr... 終於見到架機, 唉, 原來係細機，同我以前由 Chicago 飛 Omaha o既 2-1 size 差唔多，呢架，好似仲要細些少，仲要係螺旋槳式o既 style... Oh my god.. 最驚就係細機，仲要係o甘細，o甘危險o既機  -_-

雖然只係短短o既３０分鐘機程，但個心真係好唔安穩，起飛時好彩有 ipod 聽住歌 distract 下，o係空中，睇住個螺旋槳轉下轉下，飛過喜瑪拉雅山宏偉o既山脈，見到雪白o既雪山山群，真係好感動，好壯觀～　

興奮過後，快要降落，gosh, 真係好似睇緊戲o甘，架飛機仔以極快速度以及傾斜o既角度，係低高度飛越城市中o既屋村同建築物，如果個機師一不小心，真係無眼睇... 唔該佢真係開慢些少啦...

去到我o地 book o既 Hotel Tara 後，呢間酒店係 Emily o係網上 research o既，台灣 blog 友極力推介，果然真係唔錯，酒店好新，房間好乾淨整齊，終於可以舒舒服服o甘沖一個靚涼啦 = )

我o地３個小休o左一陣，就出去食 Lunch, 找到一間 Trip Advisor 上 Top Ranking o既餐廳，係座落於 Lake Fewa 旁邊，有 Reading Corners, 亦都有張大床俾客人係度 hea, 仲有 owner 養既貓呀, 鴨呀等動物到處走, 真係好舒服悠然自得o既一個好去處... 我o地係湖畔o既枱坐低o左，叫左 Salad and Grilled Chicken 同埋熱飲，一邊飲住我杯 Hot Chocolate, 一邊遠望 Lake Fewa, 見到遊人好逍遙o甘係湖中泛舟, 有人更游過春泳, 湖風吹過, 我o地3個静静的坐著, 享受住當地o既美食, 也都各自傾談起各人對生活的理想... 好平靜o既一個下午...

食飽飽之後, 我o地去o左 International Mountain Museum, 跟住都上o左世界和平塔, 剛剛好日落之時, 我o地o係一個 Tea House 休息 (Nepal o既 Tea House 真係好 Popular), 個好客老細 show 俾我o地睇佢親自影o既雪山照片, 因為茶座位高於山上,所以可以眺望到 Lake Fewa 同埋周邊o既村落同山脈, 但係, 如果要睇雪山 (Most famous is Fish Tail and Annapurna), 就要9點前上山先睇到, 因為9點後就會起霧... 我o地3個決定, Trekking 之後回到 Pokhara City, 如果有時間, 一定會返黎呢個 Tea House 食早餐謙睇日出!

下山後, 我o地先去買聽日行山o既用品, 包括 Hiking Poles, 腰包同 Backpack o既 Cover  等等... 跟住又去o左另一間 Top Ranking o既 Italy Cuisine... Moon Dance Restaurant, 食過上山前好好o既一餐後, 回到酒店, 舒舒服服o甘躺在軟軟o既床上, 唔駛好耐, 就進入夢鄉了!

養精蓄銳, We are ready for tomorrow's Hike!! 

尼泊爾春日行之出發了 - Day 1

今個復活節假, 因為一個朋友 (Tina) 快要去 Oxford 讀 MBA, 所以攪o左個 Fairwell Trip... 原本係去世界最開心o既國度不單, 但係因為太貴啦, 所以轉去不單附近o既尼泊爾! 一行3人, 仲有一個台灣人 Emily, 大家開開心心o甘 plan o左個9日8夜o既 Kathmandu 加 Pokhara o既行山, 漂流同埋 Paragliding o既旅程...

3月28日, 香港天氣唔太好, 天黑黑, 不時仲落住雨... 去到機場, 結果班機 delay o左, 唉, 仲要原本以為直飛, 結果係要停 Daka 落客, 以我呢個有 d 驚搭飛機o既人, especially 係好怕起飛, 真係出師不利呀~

我o地3個等呀等, 由 5:30 pm 等到 7:30 pm, Dragon Air 都仲未有 confirmed 起飛時間, 嘩, o甘攪法, 去到 Kathmandu, 分分鐘過半夜12點?? 3個女仔, 去一個好似治安唔太好o既地方 (最近 India 仲有好多對女性不利o既事件), 我o地心裡面都有些少不安... 只好 hope for the best 啦... Fingers crossed = P

終於, 好消息到啦... 由於 delay 得太耐, 所以 Dragon Air 決定改做直飛, 4個半鍾機程, 11點前就會到... Yes! 實在太好啦, 不但唔會遲太多到 Kathmandu, 仲省o左一次 take off ... 果然係船到橋頭自然直 = )

太概11點到o左 Nepal o既 capital Kathmandu, 因為係旅遊季節 (4月後就係 Monsoon Season, 會成日落雨, 唔適合行山), 所以都有幾多外國人... 過境時, 遇到一個香港人, 原來佢係 CCTV o既攝影師, 特意o黎尼泊爾拍等輯, 山林,老虎o既自然景色... 佢話呢次係佢第2次o黎尼泊爾啦, 但佢唔係好鍾意呢個國家, 因為感覺有d亂, 治安又唔太好, 再加上食物唔太衛生... 有選擇o既話, 佢唔想再o黎o甘話喎... um... 聽完之後, 個心真係怯怯地... 希望我o地3個可以平平安安o甘完成呢個 Trip 吧~

過關真係好耐, 因為每個旅客都要俾 Visa Fee... 香港明明話免签, 但唔知點解都係要交 $25 USD... o個個 CCTV 人都話唔明解... 

出到去攞行李後, 都已經12點幾, 出面已經天色全黑, 機場外有好多尼泊爾司機o係到拉客, 東拉西扯o甘, 又會講埋 d 唔正o既國語, 都唔好話唔驚... 好彩我o地酒店有專車接我o地, 上o左佢架車後, 我地極速锁o左對門... 以防有人o係路邊打劫! 都係小心駛得萬年船~ 一路上, d 路真係好唔掂, 無條平坦順暢o既路, 沙塵滾滾... 經過好多村屋, 又好似空無一人, 冷清得令人心寒... 係一個紅綠燈位, 突然前面見到一隊蒙面軍人, 全部都攞住支機艙... 嘩, 如果佢o地無啦啦行過o黎, 真係唔知會發生咩事, 因為 Emily 話, o係 Nepal, 有2隊敵對o既軍力, 亦都係點解呢個國家時有動亂事件... luckily, 我地好順利o甘到o左酒店... 

Check-in 後, 發現厠所燈係壞o既, 但大家都太累, 而且聽朝晨早要趕早機去 Pokhara, 隨便刷牙換衫就上床瞓啦... 迎接我o地接下來緊密o既行程... 但願, 一切安好~

ARE YOU WITH THE RIGHT PARTNER?

Read this on Facebook:

During a seminar, a woman asked," How do I know if I am with the right person?"

The author then noticed that there was a large man sitting next to her so he said, "It depends. Is that your partner?" In all seriousness, she answered "How do you know?" Let me answer this question because the chances are good that it's weighing on your mind
replied the author.

Here's the answer.

Every relationship has a cycle… In the beginning; you
fall in love with your partner. You anticipate their calls,
want their touch, and like their idiosyncrasies. Falling in love wasn't hard. In fact, it was a completely natural and spontaneous experience. You didn't have to DO anything. That's why it's called "falling" in love.

People in love sometimes say, "I was swept of my feet."Picture the expression. It implies that you were just standing there; doing nothing, and then something happened TO YOU.

Falling in love is a passive and spontaneous experience. But after a few months or years of being together, the euphoria of love fades. It's a natural cycle of EVERY relationship.

Slowly but surely, phone calls become a bother (if they come at all), touch is not always welcome (when it happens), and your spouse's idiosyncrasies, instead of being cute, drive you nuts. The symptoms of this stage vary with every relationship; you will notice a dramatic difference between the initial stage when you were in love and a much duller or even angry subsequent stage.

At this point, you and/or your partner might start asking, "Am I with the right person?" And as you reflect on the euphoria of the love you once had, you
may begin to desire that experience with someone
else. This is when relationships breakdown.

The key to succeeding in a relationship is not finding the right person; it's learning to love the person you found.

People blame their partners for their unhappiness and look outside for fulfillment. Extramarital fulfillment comes in all shapes and sizes.

Infidelity is the most common. But sometimes people turn to work, a hobby, friendship, excessive TV, or abusive substances. But the answer to this dilemma does NOT lie outside your relationship. It lies within it.

I'm not saying that you couldn't fall in love with someone else. You could. And TEMPORARILY you'd feel better. But you'd be in the same situation a few years later.

Because (listen carefully to this):

The key to succeeding in a Relationship is not finding the right person; it's learning to love the Person you found.

SUSTAINING love is not a passive or spontaneous experience. You have to work on it day in and day out. It takes time, effort, and energy. And most importantly, it demands WISDOM. You have to know
WHAT TO DO to make it work. Make no mistake about it.

Love is NOT a mystery. There are specific things you can do (with or without your partner), Just as there are physical laws Of the universe (such as gravity), there are also laws for relationships. If you know how to apply these laws, the results are predictable.

Love is therefore a "decision". Not just a feeling.

Remember this always: God determines who walks into your life. It is up to you to decide who you let walk away, who you let stay, and who you refuse to let GO! ♥