蛇齋餅糉 out

有一則有關于區議會選舉的趣聞:

From Appledaily @ 2011年11月9日

「蛇齋餅糉」被譽為建制派贏選舉四大法寶，但原來呢啲小恩小惠已經落伍！有人報料畀八方，話家陣籠絡街坊，已經要升呢到送手機，單靠飲飲食食， out啦。

屯門地區團體慧心社搞咗個江門一天遊，全程直通巴來回、包兩餐，收 338元，咁睇，都算好抵啦，未算，報團仲有樣着數嘢，就係送多功能手機一部，講到明包一嚿電同叉機，據講係 Nokia。八方噚日致電查詢，負責人話已額滿，想攞着數，下次請早。

慧心社據說係民主黨友好團體，舉辦明益街坊旅行團，唔少地區人士都刮目相看，原來民主黨做地區益街坊工作青出於藍，送手機，點睇都犀利過蛇齋餅糉，不過該黨區議員黃麗嫦好識做，提醒街坊切勿貪小便宜，唔係監都有得坐。