我要美斯

我得承認，我係美斯嘅 fans, 所以2022世界杯，我都買咗2件美斯波衫俾 阿仔同妹妹著住，支持一下偶像，結果，阿根廷贏咗冠軍 🏆🇦🇷

可能妹妹成日聽我講美斯啲新聞同睇比賽，佢都好熟識呢個名字，今日晚飯，佢突然跑去婆婆到大叫：我要美斯，我要美斯！

我哋完全唔明佢咩意思，所以大家都望住佢，然後，佢指住枱上碟節瓜蒸粉絲，大叫：添美斯呀！

結果，又係笑到我地肚痛！