今日阿仔有啲心事咁，原來佢o個班要換班長啦⋯ 班主任下學期啱啱轉全日制後，就揀咗佢做班長，家長日時話因為佢做嘢有交帶，爽手，同埋搞得掂自己嘢😂
不經不覺就做咗差唔多三個月，佢都好鍾意做班長，因為可以摘名同入教員室，好勁喎！
所以，今日要親手將個班長牌交俾下一個小朋友時，佢應該好唔捨得，但都係一次好好嘅經歷～
然後，我問佢，做完班長之後，你有咩班務呀？佢就答：我做善長呀。
我心諗，吓，善咩長呀，東華籌款呀？
我問：咩黎㗎？
佢話，膳長呀，食午餐時，派完飯負責寫低小朋友食咩餐呀⋯咁都唔識！
Oh… sorry 呀，阿媽我真係第一次聽到呢啲職務😂
沒有留言:
張貼留言