自從北京回港之後, 講o左好耐要去韓國搵我以前一齊o係北二条住o既 roommates... （你o地如果仲記得, 我o係京城時同2個分別係韓國妹妹同埋內蒙妹妹同住), 兩年後, 終於實行o左呢個承諾了！
都唔係第一次去韓國啦，個人唔係太喜歡 Seoul 呢個地方， 唔係佢唔好，只係，無咩特色... 同香港差不多... 所以，今次11月底o既呢個5天韓國旅程，對我o黎講，主要目的都真係同两個妹妹聚舊一番~
来到 Seoul o既第一日, 只有我同埋内蒙妹妹 (簡稱 A），而韓國妹妹（簡稱 S）因為有事做，所以第二天先會 join 我o地。 一年無見 A，因為佢最近工作壓力特别大，所以有一 d 健康問题，心情不太好。我两晚上10點多随便搵o左一間小店，食o左煲熱辣辣o既豆腐煲，傾o下計，雖然好耐無見，仲係可以無所不談，舊朋友在彼邦相聚，樂事也。
第二日，當我同 A 預備落樓逛逛o既時候，電梯門一開，竟然係 S，以前就係瞓o係我隔壁o既妹妹，以前總係好似學生那樣上课下课o既摸樣，而家，成熟o左好多，穿上米色大衣，深色的長褲，頭髮绑到後面，睇落去，真係有一秒o既時間，認唔出佢... 哈哈〜
時間，真係可以將一切從此變得不再一樣~
呢一日，S带我o地去o左昌德宫，梨泰院，3D博物馆等旅游景點，晚上我o地坐火車回到佢
靠近郊區o既屋企... 佢同我o地講，o係韓國租房，都唔係容易o既事，你要先付上2年o既租金，如果無足够o既钱，就要向银行贷款吧... 唉，點解，房屋呢個問题，不論o係香港，中國定係韓國，對大家o黎講，都係o甘艱難o既一件事？？
o係火車上，我o地三個各自坐着，感觉有點累，睇住呢两個妹妹，好似大家生活得都很不容易，回想起3年前o係北京o既學生生活，大家開開心心，輕輕鬆鬆o甘，真係有點感概。。。 可能，人長大o左，大家都無可避免o甘要為生活营营役役，随波逐流...
S 而家o係韓國南恰島o既花家怡園做店長佢o係中國2年學o既中文，總算無浪费 = P 第三四日，我同 A 就跟住佢去南恰島玩，呢個小岛, 我倒是有點期望，應该會好舒服，好漂亮吧！
坐火車到o左近南恰島o既站，跟住仲要搭 taxi 去碼頭，再坐船先可以到岛上，確實好迂回... o係船o既時候，已经可以feel 到 S 很緊張，並無任何笑容，我問佢做咩事，係唔係唔舒服，佢就話每一次返工，都會精神壓力好大，因為實在有太多太多o既事等住佢去處理... 有d 抖不過氣o既感觉... 唉，睇到佢o甘樣， I don't know... 真係覺得好可悲，曾經好有夢想o既一個女孩，就係因為生活， 被折磨到o甘樣... 现實，真係讓人唔可以開懷嗎？
o係南恰島o既两日，S 都真係非常忙碌，完全無時間陪我o地玩，佢自己都話，o係度工作o左2年多，都無去過岛上o既旅游地點， 聽到都覺得有 d 無奈 -_- 南恰島其實真係一個好舒服o既地方, 到處都係樹林，湖泊，小屋，游客可以好逍遥自在o甘係岛上享受；可憐我o既韓國妹妹，要不停o既工作到晚上，10 點多先可以處理完公事收工...
旅游同埋生活，真係對立呢~
最後一日，两個妹妹搭船送我出岛外，因為我要先返香港，A仲會留係韓國多4 日，臨别在巴士站，我同佢o地2個講：希望大家唔好生活得太辛苦， 期待下一次o既重遇。。。
但願我o地三個o係往後o既日子中，可以活出我o地想活出o既生活吧~
沒有留言:
張貼留言