I Love Melbourne!! (Part Two)

第2日, 我o地o既行程就係去(Twelve Apostles) 12門徒石啦~ 呢個景點, 真係好期待. 因為成日o係電視劇呀, 電影中睇到呢個地方, 一定好靚... 但係睇靚景, 係要付出代價o既, 因為只係開車, one-way 都要3-4粒鍾... 真係諗到都頭暈...


但沿途我o地開o既路, 叫做 Great Ocean Road (大洋路), 呢條路係非常出名o既自駕遊路段, 因為沿住一望無際o既海洋，仲有曲折o既海岸线，高山, 懸崖同埋奇特o既地貌可以遊覽... 做乘客o既真係好 enjoy, 因為可以不停影靚相同欣賞風景, 但當然, 開車o個個, 真係好考定力. 因為當你o既 travel buddies 不斷讚嘆風景之美o既時候, 為o左安全, '司機大佬'仍然要高度 focus, 好小心開呢條又彎又窄o既路...o甘, 有時有 d scenic spots, 我o地都會停低, 欣賞o下個無敵海景~ 


其中一個休息點真係超大風, 我o地開車門都要用好大o既氣力... 出到去, 真係要著返件厚o既外套, 因為風速勁o既地方, 氣溫都會下降... 我o地行到去海邊, 真係好似會被風吹得動... 頭髮唔駛講, 已經亂到一餅o野o甘啦... 但係望出去遠處, 見到白頭浪, 風呼呼聲吹到眼水都標埋... 此地雖然好想久留, 但真係不宜久留也!


差唔多到目的地時, 竟然落起雨來... 我o地唯有開慢小小, 安全為上呀... 結果, 成程路, one-way 就已經用o左5個鍾... 可能停中途景點再加食lunch同埋落雨, 我o地去到都4點幾...o甘亦都意味住, 我地可以o係黃昏時份, 睇到不一樣o既景色: 日落之美 = )


一落到車, 風依然好大... 再加上落雨, 吹到人都企唔穩, 把傘都吹到就o黎反! 


係o甘''惡劣'o既環境下... 又好得意喎, 人o既官能感覺, 可能受到刺骨o既强風同低溫下o既刺激所影響, 個一刻, 望住12門徒石個 view, 真係覺得好神聖,時間停頓o左o甘. 加上日落o既背景, 望住海浪衝擊住巨石o既浪花...雖然大風同凍到個人開始有d唔舒服, 但見到夕陽o既餘暉係厚厚o既雨雲中透出''龍友''所謂o既耶稣光再映射到巨石中, 真係好想永遠保存呢一刻...


唔怪得, o甘多電影係度取景啦!! 真係一生人點都要o黎一次o既地方!

I Love Melbourne!! (Part One)

又係另一篇要 Back-date o既文章. 今次係寫返5月頭同一個好朋友去澳洲o既8天遊. 行程差唔多4日 Sydney 加4日 Melbourne... o係 Sydney o個時,因為有親戚住o個邊, 所以唔係自駕遊, 多數搭火車同巴士... 先後去o左 Hunter Valley啦, Blue Mountain 啦, Opera House 啦, Downtown and Fish market 啦, Bondi Beach 等等... 感覺無咩特別, 可能因為細個o個時去過2次, 今次舊地重遊, 探親目的主導... 但 Sydney 都不失為一處好好 hea o既 city...


到o左我o地 trip o既 part 2, 當然係我期待o既 Melbourne, 雖然10幾年前都去過, 但今次加埋我表哥, 一行3人自己開車玩, 感覺爽好多!! 一大早飛到 Melbourne, 然後見到將會陪伴我o地o既寶藍色 Cruze Sedan... yeah~ Here we go, Melbourne!!


因為 Melbourne o既自然景點如 Phillip Island 同 Twelve Apostles, 都要開好耐車先到, 我o地第一站就決定去 Phillip Island 睇神仙企鵝回巢... 去完 Downtown 食一間有名o既越南o野之後, 就啟程啦... 我表哥當然係主要o既'司機'啦, 但係我都可以短暫幫佢開一段路o既... haha, maybe 佢o地2個都會好不安於我o既駕駛安全性, 但無計!


我開o左大概一個鍾度, 因為o岩o岩日落, 個 scenery 真係好正, 但係, 我無帶太陽眼鏡, 所以開個時真係非常刺眼,好辛苦... 視力同我自己o既'能見度'都只有 80 %... 為o左大家o既安全, 我都係俾返我 cousin 開餘下o既路好 d ...


再過1個多小時, 終於到啦!


我o地即刻入去買飛... 嘩, 雖然係世界性o既自然景點, 但睇一睇 d 企餓返歸就盛惠45 AUD, 仲要個 exchange rate 超高 (@ around 1AUD: 8HKD)... o甘老遠o黎到, 點都要去啦... 傍晚o既天氣真係好凍, 又大風, 好彩佢地都有良心... 收得貴, 但都好貼心o甘一人一杯熱 Chocolate! 暖 lup lup o甘攞住杯o野o係手, 一邊坐o係海灘傍o既看台, 大家静静o甘等 d 企鵝仔返黎, 聽住海浪聲, 都幾特別~


等o左20多分鐘後, 終於有動靜啦~ 有一群為數6-7隻o既企鵝先頭部隊, 小心翼翼o甘一步步沿住樹叢漸漸行近我o地, 目的地當然係看台後o既洞穴啦... 見到d 企鵝仔好似好驚o甘舉步維艱... 我 cousin 忍唔住同我o地講: ''都唔明佢o地驚 mud, 日日都係o甘返屋企架啦, 都無事無幹!''


Um...又有道理喎~


其他o既企鵝仔都陸續從海中返o黎啦...突然間, 個 area 熱鬧o左好多, 企鵝o既吱吱聲充滿山頭, 佢o地細細隻, 走起上o黎跌跌撞撞o甘, 真係好可愛; 有時, 有幾隻比較八卦o既, 會企定定o甘望住我o地... 雙方(人同企鵝)都 freeze 住左, 真係好攪笑...


以我呢一個企鵝頭號 fans o黎講, Phillip Island 真係一個可以一去再去o既地方... 見到企鵝仔o甘得意, 路程幾遠都值得呀~

青島奇趣

其實,呢個青島trip已經係2個月前o既事啦,只不過呢排有d忙同埋無咩心情, 所以都無update到...

話說, 5月尾, 我o地公司有個 Training Session, 於是 Greater China team o既人都去到青島, 一方面係 team building, 另一方面就係 training, 都幾好! 青島我上年畢業時同屋企人去過, 係一個好 relax o既城市... 又係靠海, 我其實都幾鍾意呢度o架, 各位有機會o既, 不妨到此一遊~

話說回來, 除o左 daily o既 office hour 之外, 其餘時間, 都係玩呀, 食呀, hea 呀, 都幾梳乎... haha. 有一晚，大家歎完青島有名o既海鲜之後, 苦惱緊去邊度玩... 我o地老細就提議去唱 K, well, o係中國, 呢個活動完全係 default o既娛樂節目, 唔唱先出奇 = P

但係, 我o地 Hotel walking distance, 又真係無咩好似 CEO Neway o既正式 K... 問o左幾個 staffs, 終於有一個同我地講, 其實酒店 basement 有間 "club house" 係有 K 唱o既... 於是, 我o地就一窩峰o甘跑去... 好奇怪, 呢間o野, 真係好 high o甘, 而出出入入o既, 都係 d 中年叔叔... 我o地10幾個比較年青o既人, 有男有女o甘走入去... 好似有 d 格格不入, 點解會有o甘o既感覺呢??

我o地落到去 lobby, 就派o左2個同事去攞房, 一男一女... 其他人就玩 card games... 等o左30分鐘, 都未有人話有房... 但係又真係唔覺間o野有好多客...於是, o個一男一女o既同事, 又去問... 返黎之後, 佢o地話, 終於明白點解啦... 個 reception 問佢o地, "你o地係唔係男女分開房玩先？ 如果係, 就即時有..." 當然, 我o地話係一齊玩... Reception 就話, o甘你o地再等下 -_-

大家突然間都明白啦! 

呢間, 應該係 Night Club, 而唔係 Club House... o甘當然有女o既, 佢o地唔係o甘願意招待... o甘, 我老細又非常想唱, 於是, 決定改變攞房o既 strategy, 派o左我o地另一高層, 望落高大有型, 最緊要係中年男人, 望落似係有錢o既幹部!! 結果, 唔駛2分鐘, 就成功攞到房！果然係要用d計...

入到房, 已經有3個小姐等緊我o地... haha, 都係頭一次去呢d地方, 有公司科水見識o下都唔錯! 原來, 呢間夜總會, 係青島最 top o既... d 小姐係唔係好靚? haha, well, 可能佢都知我o地班人唔係專為'個d'而o黎, d Quality 一般啦...但佢地o既一般, 其實都有香港有名o既靚模o既 Quality o架... 

呢3個小姐都好現實o下... 有個女同事覺得有 d 凍, 所以叫佢地幫忙調低個溫度, 點知佢只顧同男同事倒酒o, 完全唔理我個女同事...男既出聲, 就有求必應, 真係無o野講~

o係酒精o既帶動下... 男高層A慢慢 show 本性啦... Mr. A 攬住 d 小姐跳舞呀，面贴面倾計呀, 摸面、腰、pat pat等... 佢仲叫其他細 d o既男同事 (可能有女同事在場, d無o甘老手o既男同事, 都有些少把持)唔好浪費錢, 快d攬女... 係佢o既推動下, 有一個'玩家'同事都唔再'把持', haha, 去 utilize 公司o既娛樂費~ 女仔們睇到, 都真係無眼睇... 但係d中國o既同事可能睇慣o左... 只係 comment: 男人飲o左酒, 係o甘o架啦(面帶極度無奈).跟住, 只係自顧自o甘 enjoy 唱 K!!

結果, 呢個3個鍾, 12個人o既 'Happy Hour', 盛惠7500 RMB, 只係小姐們o既小費, 都1000 RMB一個... 都咪話唔貴...

但係, 的确係一個好難得o既經驗...

風球下的争執

From a blog:


看完呢這個報導,我真係覺得該班乘客極度野蠻, 只會擔心自己能否回家, 疏略前線工作人員的安危, 回想起過去讀書時期, 即大約10年前, 眾人皆知掛8 號風球後,所有交通公具將會全部停駛, 今時今日港鐵因應時化變遷, 8號風球依然為乘客服務, 但乘客從不體諒, 認為是應份的, 他們沒有考慮到司機的安全, 什至自己的安全, 本港曾有試過打風把船隻吹上岸, 基本上沒有想像會發生的事情均有機會發生, 何況鐵路? 巴士? 乘客們因沒有地鐵接載回家, 鼓譟並投訴沒有接駁巴士, 當時正值9號風球, 你作為一間交通工具機構願意吹反巴士的風險嗎? 當日如果有接駁巴士,一輛巴士如載200人, 萬一反了就會做成200人傷亡, 到時又會指責港鐵安全意識不足, 要求提交報告及道歉, 試問作為一間為市民服務的機構, 是否就要無了期受到外界指責? 

9號風球不只是司機潛在危險, 還有一班因斷電纜而要外勤搶修的維修人員, 因樹木倒塌而要出外鋸斷樹枝的工作人員, 他們比起外勤直播天氣的記者還要危險, 他們沒有得到讚賞, 還因這次事件承受壓力, 嚴重打擊士氣, 自私的市民你們可以說職員受薪, 要付出, 要工作, 但如果你們的子女在港鐵工作, 你會擔心嗎? 還會這樣口出狂言嗎?

基本上5時40分發出8號東北烈風或暴風信, 至深夜11時20分發出9號烈風或暴風增強信號, 中間有6小時容許你們乘車回家, 亦能夠選擇其他交通工具, 為何一定要乖搭港鐵? 你們更可以留在原地的安全地方, 為何永要把責任推在港鐵身上? 颱風當晚東鐵壞車以致乘客被困車箱,我可以理解, 但只是在站內的市民為何見到數百人滯留在站內還要等?

據明報報導 "至凌晨2時44分，港鐵以拖車把3列失靈列車及數百乘客拖到火炭、大學及大埔墟站。港鐵職員雖已為乘客提供飲用水，並派發紙皮讓乘客可在站內休息，但不少又倦又怒的乘客斥責港鐵職員﹕「我由8號風球等到10號風球，你卻話無車？我點返屋企？」"
上述一段文字的乘客, 請問你是什麼時間的8號風球開始等, 為何你知道9號-10號風球還要繼續等, 港鐵宣報因安全理由要停駛, 你依然要等, 責任在何處? 加上過了每晚的尾班車, 你仍然在站內等候"相信"有車...責任又在哪?

這次事件港鐵因應外面天氣惡劣開放站供市民休息已經仁至義盡, 反遭人說安排不週, 請問下次如有同類事件是否要全部市民趕離車站, 你們才滿意呢? 港鐵亦因為某些野蠻乘客而付予的士車資而被指責賠償準則不公, 對不起...這個不是賠償, 只是為了最快解決某些野蠻乘客的最快方法, 你願意被標籤為野蠻人嗎?

就此事件可見香港市民質素逐漸下降,~自私, 野蠻
希望有為此事要求港鐵賠償及道歉的市民反思, 並祝你們的下一代不會在港鐵工作

最後更要求立法會議員鄭家富收回"道歉論" ,並向港鐵員工道歉
可以嘅話，傳出去！

自由花

唔知點解, 今日腦里面不斷哼住呢首歌- <自由花>


忘不了的，年月也不會蠶蝕 
心中深處始終也記憶那年那夕 
曾經痛惜，年月裏轉化為力 
一點真理，一個理想永遠地尋覓 

悠悠長長繼續前航不懂去驚怕 
荊荊棘棘通通斬去不必多看它 
浮浮沉沉昨日人群雖不說一話 
不想清楚分析太多真心抑意假 

但有一個夢，不會死，記著吧 
無論雨怎麼打，自由仍是會開花 
但有一個夢，不會死，記著吧 
來自你我的心，記著吧 

忘不了的，留下了不死意識 
深深相信始終會變真某年某夕 
如此訊息，仍賴你跟我全力 
加一把勁，將這理想繼續在尋覓 

悠悠長長繼續前航不懂去驚怕 
荊荊棘棘通通斬去不必多看它 
浮浮沉沉昨日人群雖不說一話 
不想清楚分析太多真心抑意假 

但有一個夢，不會死，記著吧 
無論雨怎麼打，自由仍是會開花 
但有一個夢，不會死，記著吧 
來自你我的心，記著吧 

但有一個夢，不會死，記著吧 
無論雨怎麼打，自由仍是會開花 
但有一個夢，不會死，記著吧 
來自你我的心，記著吧 
但有一個夢，不會死，記著吧 
無論雨怎麼打，自由仍是會開花 
但有一個夢，不會死，記著吧 
來自你我的心，記著吧 
但有一個夢，不會死，記著吧 
無論雨怎麼打，自由仍是會開花 
但有一個夢，不會死，記著吧 
來自你我的心，記著吧 
但有一個夢，不會死，記著吧 
無論雨怎麼打，自由仍是會開花 
但有一個夢，不會死，記著吧 
來自你我的心，記著吧