工作動力

好耐都無呢個感覺啦...如題, 呢幾年, 愈做得o野耐, 愈感到無動力... 由以前o岩o岩出o黎做o野, 好有火, 同好有理想; 到做o下做o下, 日日o既工作都無咩大成功感時... 漸漸地...就會''麻醉''自己, 同自己講, 其實, 好多人都係o甘o架啦, 份份工都係做耐o左就千篇一律, 返工,只係為賺錢, 為糊口... 所以, 事業呢2個字, 亦慢慢從思想中有另一種意義...

我相信, 呢個係絕對正常o既反應, 但係, 係唔係我同你都想o既結果? 又唔一定...邊個唔想事業有成, 做有意義o既工作?

呢幾日,我o地公司有個高層o黎o左香港, 事緣我o地要攪個 Banking o既 Talk, 個高層係 Wells Fargo o既猛人... 好老實講, 我地呢 d Small Potato o既, 有幸接觸到呢 d 勁人, 機會真係唔多... 好幸運, 佢非常之 down to earth, 完全好好傾, 同埋好肯同後輩交流...share 佢既人生經驗. 我前日帶佢去香港 local o既 retail banks, 等佢''落區''睇o下本地o既銀行係點運作... 佢好有經驗, 入到去, 好快o甘 locate 到重點... 又教o左我好多有關o既 bank design/structuring o既知識... well, 雖則唔係100% apply 到現有工作上, 但係, 人生難得有甘o既 chance... 聽下高人o既 insights 都真係好令人激動...

尋日, 我o地公司係 Ritz Carlton o既 luncheon, d audiences 雖然有些少參差, 但係總體黎講都 fulfill 到我o地 education 同埋 branding/promotion o既目的... 而高層演講時亦都好有台型... 好壓場... 又學到野啦 = )

呢幾日, 感覺好有衝勁, 可能難得有呢 d 比較唔一樣既工作同埋 exposure... 久違了o既工作動力呀~