不一樣的婚禮

今日, 雖然係重陽節, 以中國人o既 mindset 就唔應該係呢日結婚, 但我個 friend 真係百無禁忌, 愛情大過天... 亦都造就佢呢個命為 203105 (男仔係女仔既生日-> 2月3日 求婚, 而佢地就係男仔既生日-> 10月5日結婚) o既 project 成為一個不一樣o既婚禮.

我個 friend 係香港人, 係北京讀書時認識o左依家o既老公, 係保定人, 雖然2個人o既家庭同成長背景都有好大差異, 但可能係緣份, 佢2個真係 sweet 到爆, 眼中只有大家... 愛已經可以主宰一切！ 我有時好好奇, 點解佢2個可以o甘無畏無懼, 完全唔擔心現實o既難處? 當然, 女仔o既屋企可以 allow 佢唔駛憂錢係其中一個重大原因, 另外, 我搵到一個更重要o既 factor, 就係佢好幸運o甘有一個好 sweet 好 supportive o既 family 同埋非常恩愛o既父母, 令佢對愛充滿信心... 我都好希望, 我終有一日可以好似佢o甘~

講返佢過婚禮, 最 touching o既唔只係睇到呢對新人o既愛... 而係, 我個 friend 同佢爸爸媽媽好深厚o既感情... 因為 25 號將會係佢父母o既結婚 30 周年紀念日, 所以佢特登整o左個 video 送俾佢2個... 由佢爸媽小時候, 到成長過程, 再到相識, 拍拖同結婚; 之後再生o左個女女, 然後係個女同佢地o既生活點滴, 到佢同佢老公相識, 拍拖同結婚. 最後一個 shot 係佢地一家四口... 呢個名為 '' 2 Becomes 4'' o既 video, 真係好感動...

可能我一直都好渴望一個好 sweet 既 family, 見到呢一家子... 真係令我好羨慕 = )

Banquet 上, 真正o既主角唔只係個新娘, 佢媽媽亦都非常搶鏡, 呢晚換o左3/4套晚裝, 成日拖住個女周圍敬酒同 socialize, 真係好攪笑~ 上得最多台o既, 係佢地一家4口... 而好多圍台中, 亦都係佢爸爸媽媽o既親友同同事... 攪 wedding 可以攪到o甘親子都係第一次見, 正呀~

PS. 我個 friend o既媽媽正好係我中學o既家政老師, 真係世界真細少咯 !