今日真係最後一日o係北京啦(回流前), 希望可以順順利利飛返屋企...
一大早, 我 roommate 就已經要出去, 佢臨走時, 俾o左個 goodbye kiss 我, 我亦都同佢講, 唔捨得佢. 畢竟, 我o地都住o左o係同一個地方一年多, 韓國 roommate 未回國前, 我o地3個成日出去玩, 又一齊生活, 傾計, 其實, 感情真係好深, 好似屋企人o甘. 就算我o地生活o係唔同地方, 佢2個o係我心中, 都係好妹妹~ 亦都好懷念以前我o地3個傻傻o既生活~
講返我住呢個小區, o係之前o既 blog 都有時會提到, 係好老北京o既感覺, 一個好舒服o既 area, 雖然居住環境係舊, 但係人與人之間o既互動, 小孩子與老人一起玩o既情景, 小區四周都種满果樹,鮮花, 最愛坐在房間裡睇住窗外o既柿子樹春天時結果, 冬天時被厚厚o既白雪覆蓋. 有時, 睇住呢 d 周圍既人、物與事, 真係現代樓宇無法體會既...呢一切一切, 都會留係我o既記憶中!
再見了, 北二条, 我都唔捨得你~
沒有留言:
張貼留言