入境記

尋日半夜機去LA,好耐無飛過o甘長機程, 真係諗起都唔係好想去...

上到飛機時, 因為online check-in 遲o左, 所以, 只有坐中間位... o岩o岩起飛後3分鐘, 我感覺到我左邊位人兄不停o甘周身郁, 然後, o係安全帶signal熄o左o既一刻, 佢即刻離開坐位, 向後行, 我仲以為佢要去''放水'', 點知, 佢返黎坐低之際, 已經有2個空姐跟住行過o黎, 然後, 好認真o甘問佢有無事...

o個位人兄不停話好凍同埋呼吸唔到, 空姐即刻o係 First Class 度攞o左張好厚o既被幫佢蓋上, 然後, 再倒o左杯熱水俾佢, 只見佢飲完杯水放低個杯時, 隻手不停o甘震, 個身亦係度不斷o甘發斗, 大家見到都真係好驚...驚佢會有事, 個空姐阿頭問佢, 要唔要叫醫生, 如果好嚴重, 需唔需要飛返香港, 送佢去醫院, 個男人就話唔駛...佢話應該係有些少food poisoning...就係甘, 空姐們成程機都好密切留意佢o既身體狀況, 每30分鐘就過o黎同佢量一下體溫不特止, 連佢去幾多次厕所都数埋, 講真, 今次之後, 我真係覺得國泰o既 service 好好~ 好彩, 12個鍾後, 人兄都平安無事...

落機後, 過移民局，美國真係一個審核得好嚴厲o既國家, 每個人, 不論o係國民定係遊客, 都會問問題, 打指紋同埋影相...因為要做o甘多process, 所以需時甚久, 條人龙超長... 攪掂後, 在等攞行李之際, 突然好想去restroom, 所以, 問職員restroom o既位置, 原來, 要返回入境前個邊... 都無計, 就算再排過過關, 都要啦~
去完後, 見到四周無人, 所以, 便直接走過無人o既 custom 關口, 再返返去行李處... 完全無人理我lor... haha, well, 唔知呢個經歷, 會唔會俾到d想非法入境o既人士一d啟示呢?? Just Kidding!!

出o左機場, 等我 cousin, 點知等極都未o黎, 結果打到佢屋企, 我姨妈就好驚訝o甘話: 你唔係後日先o黎o架咩??

原來, 我係 e-mail 度, 寫錯o左日子!!

第一日o既LA之旅, 真係颇多故事呢~