初雪

上個禮拜三, 北京終於迎來了60年o黎最遲o既初雪...我星期六先回去, 但當晚又下了一場大雪, 因為係凌晨o既時份先落, 所以, 一大早聽見樓下o既鏟雪聲先知道尋晚有雪落...

我同我 roommate 上午去o左頤和園去影雪景, 一進園, 就見到好多人, 沿路上也見到好多攞住長鏡呀, 超 heavy 腳架呀, 好 pro同好貴相機o既 ''攝影師'', 中國人真係好有錢, even 50-60歲o既叔叔嬸嬸, 都拎住 Canon o既 550D以及同 or 高級型號既機... 令到我呢位拎住手機o既''門外漢'' 有d尷尬~

頤和園o既雪景真係好靚, 樹上佈满雪, 有時風吹過, 雪花輕輕o甘飄下, 好似下雪一樣, 好有詩意... 上到佛香寺, 由高處望落去, 地上那個湖因低溫而結冰, 遊人在寬敞的湖上散步, 玩樂... 此情此景, 真係好 warm... 大家好似進入o左一個冰雪世界o甘... 好神奇...

日落時, 以我 roommate o既形容詞, 個太陽今日''好給力'', 意思就係, 個日落景好正, 唔係成日會見得到, 一個又大, 又圓, 又紅 (真係紅色架, 仲要識閃!!) o既太陽伯伯, 高掛在橋的上方, 柳樹在風中搖曳著, 人們都站在冰湖上欣賞這美景 (o甘有詩意o既景色, 等我都要用返 d文化d 既辭彙, haha)... 今日呢一個郊遊, 真係無o黎錯 ~

我愛北京的初雪和白色世界!!