走火警, 走唔走?

這個禮拜, 真係好''火'', 好旺火災...繼清華學堂被燒後, 尋日又到上海發生嚴重死傷o既火災... 真係可能秋天太乾燥, 加上風又大, 當然, 中國o既防火意識差絕對係主因...

今日下午到學校上堂, 上o左2個半鍾, 差半個鍾落堂之際, 突然間課室外面有d好奇怪o既''bong bong'' 聲, 維持o左1分鍾, 然後轉為叮叮聲... 跟住, o係大家好迷茫究竟係咩事o既是侯, 有個同學就話啦, 可能係警鍾響, 接著, 便有2個同學走o左出去睇下究竟係咩事, 回來後 confirm 係警鍾...

okay, 正常o既老師, 係唔係會即刻協助疏散學生到安全o既地方? 唔理個 alarm 係真有火, 定係演習...係唔係? 但係, 我地老師真係好''正'', 佢話: ''好, 我呢 part 差唔多完架啦... 等我講完先走啦...'' 跟住, 我睇到有 d 外國同學開始鄒眉, 有人就再講, 個 alarm 仲響緊喎, 個老師再重複話, ''我好快就講完啦, 如果你o地而家走出去, 返o黎既時候就要落堂, 就講唔晒...'' 嘩, 大佬, fire alarm 響緊, 可能真係火警喎, 再講, 就算係 fire drill, o甘都要 follow policy 去走火警o架下... 佢o地o既安全意識真係好唔得...

結果係點?? of course, 電視都有教, 有危險o既時候, 一定要 SAY NO... 成班真係無咩人打算理佢, esp. o個 d exchange students, 大家一窩蜂o甘離開課室... 就係o甘, 就提早落堂啦~

喂, 你o個幾張 powerpoint slides, 換我o地幾十條命, 點計都係要走啦!!

PS. 忽發奇想, 我o地最初聽到o既 ''bong bong'' 聲, 係唔係因為個 alarm 太耐無用, 所以 ''kick'' 住o左, 發出 d 怪聲??