黑仔日

今日要返北京預備開學啦...心情有些不太好, 可能自從6月起, 真係飛得太多, 我計過, 3個月搭左8次飛機, 仲要我係幾怕搭飛機o既人...所以, 今朝起身, 都真係唔想返去, 好想留係屋企...可能人大左, 真係要 settle down o既??? 沒有好似細個時o甘有精力四處闖蕩, haha~

就係拖住o甘o既心, 早上在出發前去了屋企附近o既眼鏡鋪fix一下我o既眼鏡, 好可惜, 可能太早, 行左3間都未開, 好彩第4間時, 終於有一間開o左... 然後趕返屋企, 拿拿臨執好行李,便去巴士站, 好可惜, 應該係 miss o左班車, 等o左20分鐘, 唉, 時間真係失晒預算…到機場時, 已經係12點半, check-in 過後, boarding pass 上寫住o既登機時間係12:40, haha, 但個一刻, 已經係 12:35… 個地勤都叫我快d去閘口… 誰不知, 過關後, 在等無人駕駛時, 竟然突然間通知大家, 無人駕駛壞左, 無電!!!!! 嘩, 真係未試過, 亦都無諗過無人駕駛會無電囉, 真係 bairrrr ~~ o甘, 點好?? 已經o甘趕時間, 仲要有突發事… 我即刻問個staff, 佢竟然叫我同另一個同機 o既乘客行過去, 話10分鐘就 ok… 於是, 我地行呀行, 又要拖住件 hand carry, 今日仲要有 d 頭痛…激氣… 結果, 我o地半走半行, 都要成20分鐘, 超累…

好彩今程機都幾穩定, 無咩大氣流… 落機時,唔知攪mud, 要d乘客行落機, 再搭接駁巴士後再要行上飛機跟terminalo既connecting bridge, o甘, 點解架機唔直接停係個bridge 呀, 要d乘客走上走落...連一個中國人都忍唔住同一個外國遊客講: ''This is China Service. They just can't let the plane stop at the empty bridge!!''

落機後去o左搭機場大巴, 因有一件大行李, 兩件 hand carry, 所以打算放件大o既係巴士o既行李storage, 點知, 其中一個櫃已經满左, 另一個, 係壞左, 開唔到…..shoot, 又要好辛苦o甘抬舊又大又重o既行李上車…好煩… 到o左總站, 又等左20分鐘的士… 都唔明點解成條街都無車…唉…

回到家, 已經很累,很累… 點解一日內可以o甘黑仔??

希望,明天會更好啦...好彩, 今晚,有我的超級巨聲 ~~ GOGOGO ~~

Hubert & Mag Lam: ~ Support ~