不嬲都覺得我家妹妹一啲都唔好蝦，佢平時係屋企雖然係最細嘅，但亦都係最惡、最大聲😆
尋日帶Tyler同妹妹落樓下公園玩，佢哋亦都帶咗各自嘅 scooter。Tyler 一去到就去左玩爬玩具樹，而妹妹就自己企左係自己個scooter 上面睇嘢… 突然間，有個3歲嘅小朋友經過，佢好奇咁摸吓 Tyler 部 scooter… 點知手仔一掂，妹妹即刻好迅速同好惡咁對住個小朋友叫： No, No… 仲配合埋手部動作，手板仔「不准內進」嘅手勢🤚🏻
呢個小姐，直係唔好 hup，唔講得笑 🤣
2022年4月3日 星期日
2022年2月12日 星期六
Good quotes
今日睇咗一本書，有一段文字好想記錄下來，好maTch我而家嘅狀態同心情，為自己加加油 ～
————————————————————————
找一份自己喜歡的工作是快樂的關鍵。
人生有不同階段，每個階段都有不同風景。時間到了，與其死纏爛打，不如瀟潇灑灑。Just Move On!
————————————————————————
朋友，人生十樣有九樣野都係徒勞無功。戀愛如是，工作如是。所以，各位，如果你遇到可以抓緊的，請抓緊他/她/它，别放手。那可能是你真心熱愛的工作、或一個信念、或一個人。總之，别放手。
————————————————————————
人之所以會變得麻木，是為了保護自己，起初，心是熱的，却因此而吃虧了，受傷了，於是在慢慢把自己抽離，在周圍築起一道牆，其實，人生在世，就一定有機會受傷，不用害怕。經歷多了，就不會覺得那麼痛，甚至可以一笑置知，這就是成長。
————————————————————————
做自己擅長的事，不要勉强自己去做力不從心的事：
有些人壓力大是因為入錯行，明知自己不擅長或不喜歡某些事，却為了符合父母的期望、為錢、為賭氣、為証明自己能做到等各類原因而勉强自己，结果做的一塌糊塗，於是强迫自己改進，但因為天生根本就不是這方面的材料，越迫越糟，壓力大到崩潰。做人最重要對自己誠實，了解自己强弱之處，賭氣也賭掉自己的幸福，為咩？
————————————————————————
日復日，年復年做着同樣的工作，慢慢感覺自己不是人，而是機器。下半生，難道只可以這樣過日子嗎？
可以疲倦，但不要盲目。
休息一下，静下來，重新調整自己日後的方向吧！
————————————————————————
不需要焦急尋佳境，自有早春應其缝。對於人的機遇，我一直是這樣想的。
————————————————————————
人很奇怪，總是覺得别人運氣很好，自己就荆棘滿途。一般人都傾向放大自己問題，許多多無謂挫折其實没有什麼大不了，忍一忍，咬緊牙關闖過去就是了。
許多事情在想象中很難很難，所以連試都不試就放棄了，我們人生中有多少因此而做成遗憾？事在人為，請别再给自己借口了。
2022年2月10日 星期四
2022年1月27日 星期四
你想做 BB 定小朋友？
尋日同 Tyler 出街，等緊過馬路時，佢突然同我講：媽媽，你好耐無抱我啦⋯
之後我諗諗吓，又係喎，自從 tor 住妹妹，佢又愈來愈重後，真係好少抱佢。個一晚，佢坐喺度睇電視時，我就特登過去問佢：媽媽可唔可以抱吓你呀？佢有啲人surprised, 然後企上沙發我就抱起佢，再好似細過時咁錫佢面仔，佢個一刻，笑得好開心 ～ 但… 阿少爺真係好重…
Ps. 可能平時我哋都淨係抱住個細嘅，一抱就自然會錫一啖，Tyler 看在眼中都有少少「羡慕」。
今朝我好奇問佢，你想做BB定小朋友？
佢即刻答做小朋友 :p
我再問佢，咁你講吓做BB同做小朋友有咩好處？
佢話：
做BB可以抱同可以好懶 (搞笑）
而做小朋友就可食好嘢、買車同去街
似乎，大人同小朋友諗法都好現實
😆
2022年1月14日 星期五
驚驚
今晚發生左一單驚嚇事件… 而家諗起都猶有余悸。
話說食完晚飯預備左啲提子俾哥哥同妹妹食，妹妹個份我已經切到比較細，但可能無切薄片，佢又係心急人士，食咗第三粒時，突然我發現佢個表情有異樣，好似choking 咁，跟住佢望住我，眼神係好 fearful，好無助，我就知好唔對路，然後好快咁由 high chair 抱起佢，老公都 feel 到唔妥，即刻抱妹妹過去，向下斜住抱，再用力拍佢背脊，好好彩，唔夠幾秒，妹妹就吐咗粒提子出嚟，嘔左小小，但佢自己都嚇親，趴咗喺爸爸肩頭喊咗一陣…
今次真係好驚險，亦都檢討下自己唔夠 cautious, 感恩老公能夠當刻「學以致用」first aid video… 雖然自己都嚇到心慌慌，Tyler都嚇到唔敢食提子 😅
Fingers crossed, 希望唔好再有下次….. touchwood…
訂閱：
文章 (Atom)
