美食譯苑

From Appledaily @ March 14, 2012

四喜丸子被譯成 Four glad meat balls，醉蟹成了 Drunk crab，童子雞變 Chicken without sex……以上這些曾經貽笑國際的中菜英文譯法終於可在菜單消失了！北京市政府外事辦和市民講外語辦公室近日聯合出版《美食譯苑──中文菜單英文譯法》，為 2,158道中菜「正名」，令外國食客摸不着頭腦的中式英文菜單從此 say goodbye。

「中餐菜名，不僅包含了原材料的訊息，還糅合了很多文化、歷史事件、人名等，形成了獨特的命名方式。」北京市外事辦有關負責人說，過去很多餐館的英文菜單都千奇百怪，不僅外國食客看不懂，就連熟悉「中式英文」的內地英文老師也雲裏霧裏。新出版的《美食譯苑》基本涵蓋了八大菜系的主流菜品，從家常菜到各式大餐菜品都收錄在內。有關英文譯法只給餐館作參考，不會強制推行。

麻婆豆腐譯 Mapo Tofu

北京外國語大學教授陳琳說，是次中餐英譯，專家團隊遵循了意譯為主的七項繙譯原則，力爭讓不懂中華文化的外國賓客一眼能看懂。

多數中餐菜品遵循以主料為主、配料為輔的繙譯原則，例如白靈菇扣鴨掌被繙譯為 Mushrooms with Duck Webs。以烹製方法為主的繙譯方式也較為多見，例如火爆腰花譯成 Sauteed Pig Kidney。還有一些菜的譯名以形狀、口感為主，例如脆皮雞的譯名就是 Crispy Chicken。

菜式中很多以人名、地名命名的特點也被保留。例如麻婆豆腐繙譯為 Mapo Tofu、北京炸醬面則為 Noodles with Soy Bean Paste Beijing Style。

佛跳牆是 Fotiaoqiang

中國特有的食品則用普通話拼音命名或音譯，例如餃子，從原來的 dumpling變成了 Jiaozi。類似的還有包子 Baozi、雜碎 Chop suey等。有些無法直譯或難以體現做法或原材料的，也用拼音。閩系名菜佛跳牆就音譯成 Fotiaoqiang，北京的豆汁譯為 Douzhir，後面再加注主要的原料名稱。此外，專家們還細緻到就連醬汁是否與主料混在一起煮，都清楚用 in和 with區分。
------------------------------------------------------------------

港食肆拼凑英文字 牛柏葉譯 Albert Yip

內地規管食肆中文餐牌的英文繙譯與用字，曾是英國殖民地的香港，普遍食肆的餐牌都有中英對照，多數都是直接將中文譯成英文單字，然後拼湊一起成為食物的全名，久而久之，約定俗成，此特色已成為本港典型的英文餐牌。

記者在網上及實地參考過本港多間地道餐廳的餐牌，包括名人茶餐廳翠華，根據它在佐敦白加士街的分店餐牌顯示，英文翻譯的食物名稱算是容易理解，例如翠華沙嗲牛肉炒河、被譯成 Satay Beef with Fried Rice Noodles。
另一間位於港島跑馬地區、有不少外籍人士聚居的茶餐廳，其網上餐牌一款五彩及第粥譯成 Scholar's Congee，扼要說明及第粥的典故；其招牌食品食神叉燒飯則直譯成 Gourmet's Barbecued Pork with Rice。

天水圍一間火鍋酒家的餐牌於前年曾鬧出笑話，餐牌上的火鍋配料如牛柏葉，被譯為 Albert Yip、手打魚蛋譯成 Hand fighting fish balls、粉絲譯作 Fans等，被網民在討論區等廣傳，成為一時熱話。該酒家經理事後解釋，酒家請了內地印刷公司為餐牌做翻譯，導致貽笑大方向公眾致歉。

啃老族

From Appledaily @ March 13, 2012

<老養小成風 啃老族福利擬取消>

內地調查顯示有 65%以上的家庭存在「老養小」現象！三成青壯年更是靠父母供養的「啃老族」。出席兩會的全國政協委員社會學研究所原所長景天魁，建議取消啃老族享受各種社會福利的資格，以激勵自立自強。

隨着「一胎化」政策邁入 30年，家庭規模縮小觀念轉變，近期一調查顯示，超過三成青壯年是「啃老族」，明明有謀生能力卻靠父母養。不光是供養關係、伺奉角色也已倒置，「啃老族」家庭都有「孝順父母」，寵得子女茶來伸手、飯來張口，即使結了婚也處處依賴。上海的施女士每天為不同住的女兒女婿洗衣做飯，女兒有工作不「啃老」她已很慶幸：「碰上了，花錢也就算了，操不完的心那才叫累。」

有學者認為「啃老」已成社會問題，要改變父母溺愛子女的現狀恐怕要幾十年的努力，需逐步放開生育政策，增加子女數量，對重建社會責任感有幫助。

血的教訓

Read this from a forum...

<血的教訓！分享炒燶 iPad 2 碌爆卡慘痛經驗>

收到一封讀者的來信，內容不是投訴或測試了甚麼新產品，是分享他及身邊朋友最近炒燶 iPad2 的經驗，還要欠下一大筆卡數。想提醒大家，炒賣 Apple 產品也是有風險的，越遲入場風險越大。以下是該名讀者的來信原文：

大家好，我叫做仁仔，看 unwire 已經一段時間，見到有部分讀者有玩 Apple 產品炒賣，所以我打算用我自己中途加入慘敗的血生生經歷同大家分享，勸勉各位炒機一定要看清自己能力。

事情由自己見到身邊好多朋友係 iphone 同 ipad2 度賺唔少開始，我亦諗住搵返少少外快，咁就係4-5月開始炒供應較少的 iPad 2，每日朝早就係留意有冇開賣同當日的收機價，自己 Set 個目標價 +$200 以上都走。我地玩開的朋友間同收機佬，都已經將 iPad 2 改晒花名，Wi-Fi 版叫做細 Y(16GB)、中Y(32GB) 同大Y(64GB)；同樣道理，3G 版叫作細豬、中豬同大豬。因為內地冇 3G 版，所以都係以炒豬為主，而初期因為個個一窩蜂走去入細豬，所以好正常供過於求。所以有見及此，我地圍內人都會轉向大手入中豬同大豬，每部個價執多一兩百。

玩左幾轉都叫有錢賺，雖然唔係好多，不過都可以食返餐自助餐架。點知快樂的日子真係唔長，係 6 月 27 日果陣 apple store 又突然開左，咁我就即刻買左 10 部大豬同 5 部中豬，諗住呢次冇死啦，當時個莊仲開緊盤口大豬每部 +$462 ， 中豬 +$260 左右，諗住每部執幾百都唔錯啦。

點知，我識咁諗時人人都識諗，到貨之後大量供應令 iPad 2 個價係咁跌，只係剩低 +$100 左右，根據以往慣例應該好快回升，咁我同班friend梗係死都唔放住啦，諗住放多陣等佢升返。相信大家都知個故事點發展啦，Apple Store 一路斷斷續續開賣，有時又隔幾分鐘開一開，好似 Apple 同炒家鬥多貨咁，一跌就跌到而家。所以，呢輪大豬最高減過 -$280，而且呢幾日 Apple Store 仲要玩長開長賣唔 CUT 單，擺明玩殘散戶啦，叫我地點頂呀!? 我身邊都有唔少朋友係咁，而家個個都苦口苦面， 而家D信用卡卡數到期，如果信用卡比 min pay D 息都唔少野，究竟應該忍痛止蝕定係繼續坐貨呢?

我自己雖然入晒肉，但都叫情況最好的一個。身邊有朋友入親都跌，又有朋友用十個戶口，十幾張信用卡係咁入。所以，最近大家應該都見唔少 Facebook 有唔少人原價放 iPad 2，希望套得幾多得幾多。在此奉勸大家，Apple 炒賣已經去到飽和，只適合可能初期滾大了本有大量 Cash Flow O係手的半專業炒家。我唔敢講個回收價會唔會回升，我都希望有呢一日，但大家在此情況下都係要入貨的話。在入貨時，記得留意自己風險承擔能力….唔係隨時破產！血汗錢、積蓄等就咁玩完。

唐唐又o黎料

今日睇到一篇有關唐英年的報道,好搞笑...

From Appledaily @ March 7, 2012

<志雲大師 07年噏中私生子>

唐唐日前接受無綫電視專訪，竟然默認有私生子，全城再度掀起私生子討論熱潮。但原來最有先見之明嘅，竟然係啱啱過咗檔去商台嘅陳志雲，心水清網友發現，唐唐 07年接受《志雲飯局》訪問時，已經問咗唐唐有冇私生子；如果志雲大師轉行，應該發過麥玲玲同蘇民峰。

「有都唔話得畀你聽」
志雲大師例牌會喺節目尾聲送禮物畀嘉賓，佢當年原來揀咗一套 8隻有大有細嘅 TVBuddy畀唐唐，因為唐唐係一個家庭觀念好重嘅人喎。好戲在後頭，志雲大師即場點算公仔數目後，陰陰嘴笑話：「唐老太、唐生、仲有你一家四口：三個千金，一個公子，啱唔啱數？」然後煞有介事話：「你出面冇其他仔女嘛？」遭突襲嘅唐唐即時語塞，一貫四萬笑容話：「如果有，都唔話得畀你聽……哈哈哈哈……」

當年觀眾可能當做笑話一則，聽完就算，但家睇番轉頭，唐唐嗰幾聲「哈哈哈」似乎係以笑遮醜，唯一值得慶幸係佢當時冇否認，否則今日就斷正。兩次都係衰喺無綫手上，唔通唐唐同無綫八字唔夾？
志雲大師噚日被問到點解咁洞悉先機時，笑笑口話都幾乎唔記得有問過咁滯。

私生子浮面，難得唐太不離不棄。唐唐噚日喺微博上載唐太招牌笑容照，仲寫上「多謝妳與我並肩作戰」，呢啲老婆去邊到搵吖！

期望

尋日睇第15集o既 [On Call 36 小時], 睇o左o甘多集, 最精彩都係今集, 以各人o既期望為重點... 劇中楊宜o既獨白, 更加係非常有意思:

每個人對生存都有不同的期望，有些是為了自己，有些是為满足别人。但是從来没有人可以保证這些期望，何時可以達成。如果期望真的没有辦法達成的话，是不是應该继续坚持下去呢？

能够達成期望確實會是很興奮的，即使只是一个非常细小的期望。它能够落實的時候，人生馬上就好像重燃希望，不過，有時候，期望可以是很虚無缥缈的，但却是我們的精神支柱，就像空氣。我們的身體，需要空氣才能够生存，而我們的心靈，就要有期望，才有力氣好好的生活。

每個人都想自己的期望可以達成，但世事往往不能盡如人意，有時候期望越大，失望越大，反而没有期望，就不會有不必要的痛苦。或许期望會带来痛苦，但正因為有期望，就算有多痛苦，我們都可以熬過去。所以，即使多怕失望，多怕痛苦，都不可以失去期望。

劇作家莎士比亞曾经说過，期望是唯一可以醫治痛苦的藥物，我更加覺得，當你悲傷的時候，期望就像一首能够安撫痛苦的音樂。能够達成期望當然是開心的事，但是有時候，我們的期望，會違背了其他人的期望，難免要做出取舍。放棄那方的期望也要付出代價， 但是除了你自己，没有人可以告诉你怎樣選擇。有一些期望可能與你無關，你會不懂為何有些人愿意牺牲性命，也要去追求一些不會有结果的期望，但用心感受，你便會學會，每一個期望或輕或重，也是值得尊重的。可是無論期望带给你安慰，快樂，或是傷心，能够期望或被期望都是幸福的事。因为我们還在生存着。就算有多少個期望落空，我們還可以有新的期望，直到生命最后一刻。

可怕理論

From Appledaily @ March 2, 2012

<牛津學者： BB不是人 可殺>

「如果新生嬰兒是傷殘、醫藥費太昂貴，或父母不想要他們，醫生應有權殺嬰。」牛津學者米內爾娃（ Francesca Minerva圖）這番「殺嬰有理」言論，震驚學術界和醫學界。


指殺嬰跟墮胎分別不大
身兼哲學家和醫療道德論者的米內爾娃，在權威的《英國醫學雜誌》（ British Medical Journal）撰文，指新生嬰兒和腹中胎兒一樣還沒有人生目標和夢想，實際「並非一個人」，甚至可能擾亂父母和社會的「人生目標和夢想」，在「人」利益為先的前提下，殺嬰跟墮胎「分別不大」。

論文題為「產後墮胎：嬰兒為何而活？」，先指父母在產後才發現嬰兒殘障，令家庭和社會承受「無法忍受的負擔」，接着大膽提出即使是健康寶寶，若父母沒時間和精力照顧，理應有權「扼殺」寶寶的生命。
論調顛覆醫學和倫理道德，醫學和學術界群起攻之，紛紛抨擊米內爾娃明目張膽將「殺嬰」合理化，極不人道。刊登論文的《英國醫學雜誌》編輯也被轟鼓吹「不道德論調」，但編輯回應：「我不是捍衞殺嬰，只是捍衞學術和理智討論的自由」。

亂世

今日睇到曾任權o係立法會道歉同埋差d喊出o黎, 再加上議員好狠o甘批判o既畫面...有時,真係覺得有些少無奈同感到佢o地o既可恥.

唔係話同情曾生, 佢亦都肯定有做錯... 不過, 好老實o甘講, o係呢個道德標準愈來愈低o既社會, 又有邊一個可以保證自己高度''廉潔''?? 香港人出名貪少便宜, 成日要搵著数，做o野做多幾年o既人, 我諗都會 experience 過掩飾錯處...側側膊o既情況...而有好多情況, 真係會有灰色地帶... o個 d 狂闹o既議員, 請問當自己都其身不正時, 又駛唔駛去到o甘盡, 懒正義o甘大叫下台, 弹劾??

成日要求人下台, 無o左個 leader, 肯定又會大亂... 香港大亂, 對大家真係無好處o架喎...

特首同政府高官呢 d 位, 真係超吃力不討好...