衝上雲霄

都唔記得係從幾時開始啦, 每次搭飛機時, 總係有 d 驚同埋不安o既感覺, especially 起飛同埋遇到氣流時, 真係有少少 phobia o架... 但偏偏呢2年就要成日飛o黎飛去...haha, 可能係俾我 practice o下~

上個禮拜, 由Kuala Lumpur 飛返香港, 差唔多4個鍾o既機程. 我已經習慣o左, 一上到飛機, 便mp3不離身, 以音樂o黎 cover 個恐懼, so far, 都有唔錯o既效果... 但係, 每次起飛前, 都要避過空姐o既耳目, haha, 我係有d唔o岩, 唔 turn off 電子設備, 但係, 真係唔想聽到起飛o既 engine 聲 ma, 原諒我吧 = P

飛到一半, 突然又有我最驚o既氣流, 今次真係有 d 勁, 有個空姐極速o甘跑過o黎, 問可唔可以坐o係我隔離, 然後就即刻縛上安全帶 -_- 好彩, 只係幾分鐘架機就平穩返...唔該氣流大哥唔好再來訪啦~

差唔多到香港, 飛機預備下降, 我望出去窗外, 嘩, o個景象真係好靚好靚, 靚到有 d令人窒息o既感覺. 呢幾日, 剛好係月圓之夜,飛機降落之中, 我和月亮o岩o岩好同一個高度, 所以感覺到和我同一水平線上o既呢個又圓又光o既月亮, 近到可以伸手可及...再望落去, 因為香港有驟雨, 天空中有唔少黑雲, 俾月光照耀住, 黑和白o既層次分明, 雲o既不同形狀亦都展現出o黎, 有無睇過電影公司 Pixer o既 開場片? 有個小朋友坐係雲端釣魚o個個畫面呢, 就係o個個感覺了~ 至於海上, 因為都入夜, 所以唔係好多船航行, 寧靜且平滑o既海面o係月光o既照射下, 海面o既浪紋, 一望無際o既海洋, 呢一切o既景像, 真係真係 Breathtaking!!

我終於領略到 Breathtaking o既真正意義啦!!

螢火蟲之夜

继續馬來西亞o既行程, o黎到第4日, 我o地夜晚plan o左去睇螢火蟲, 於是5點零去o左一間河畔o既海鲜餐廳食晚餐先出發. 呢餐真係超抵, 食o左濑尿蝦, 3隻蟹, 一碟帶子, 2個 non-seafood o既小菜, 加埋椰青, 都係每位20蚊港幣左右... 仲要d味道都幾好食, 加埋個河邊日落靚景, 真係超值呀~

食飽飽過後, 開車去螢火蟲之地, 唉, 司機大佬竟然大迷路, 開o左成個幾鍾先到, 好彩o個度仲未 close, 如果唔係, 真係激氣... 個螢火蟲trip 係4個人一隻小艇, 有一個船夫帶大家出去條河o既2旁... 當船愈o黎愈離開岸邊, 四周亦都漸漸變得漆黑一片, 如果我o地唔講o野, 真係好似唔存在o甘o架... o係船上, 只聽到虫o既叫聲, 留心o甘望向2旁o既樹叢, o依, 有好多一點一點o既光, 好似聖誕樹o既燈o甘, 一閃一閃...真係好得意, 亦都好靚!!

突然間, 有一隻小小o既螢火蟲飛過o黎, 停係船中央, 我o地因此可以好近距離睇到螢火蟲, 佢個尾, 真係好似螢光棒o甘發光, 一閃一閃, 我静静o甘望住佢, 真係好神奇~ 後來睇資料, 話馬來西亞呢種螢火蟲, 佢o地虫與虫之間o既閃光, 係會 sync together, 唔怪得會好似聖誕燈o甘啦...

又係另一個難忘o既行程... 雖然有人話我o地去o個日因為係月圓o既关系, 所以可能唔會睇到好多螢火蟲, 但係係o遠離繁囂o既世界其中一個無人角落裡, 在漆黑中欣賞住螢火蟲o既光芒...已經好享受...

PS. 第2日, 有個朋友話o個個位, 係海和河流的交汇點, 所以應該會有幾多鳄鱼, 嘩, 好彩我o地去完先聽到je, 如果唔係, 坐係o個隻o甘單薄o既木船上, 真係有排驚~

Rufflesia

齋聽個名,係唔係點諗都諗唔到係咩呢?? Rufflesia o既中文譯名係屍花, 個名聽起上o黎真係好得人驚! (haha, 又要引用曾特首對香港樓價o既名句 tim...)

WIKI o既 Definition:

泰坦魔芋，它會發出一種令人作惡如屍肉腐败的味道又稱為“屍花”，它還有更形象的一個名字“屍臭魔芋”。原產于印度尼西亞蘇門達腊的熱带雨林地區，是世界上最大的花，花朵的直徑長1.5米，高则將近3米。這種植物一般能活幾十年左右，在它的生命期内只開两三次花，且开花的時間很短，数年才開花一次，每次约两天顶多数日，長出果實后很快就枯萎。屬天南星科魔芋类植物，盛開時能散發腐肉般的味道吸引昆虫前来傳粉。

話說6月份因為去參加一個中學同學o既婚禮, 而一行10個同學和其親屬遠道去o左馬來西亞觀禮, 第二日o既行程係去怡保當地o既church參加佢o地o既wedding, 感覺最深係個男仔真係對佢o既屋企人好好, speech o既時候講起佢去世o左o既媽媽, 感謝佢o既養育之恩, 真係好感人, 大家都聽到眼湿湿...牧師最後亦同我地個friend講, ''恭喜你嫁o左俾一個好好o既男人; 一個願意為女人流淚o既男人, 一定係好男人'' AGREE~

入返正題,參加完婚禮後, 當日o既下午, 已經開始我o地呢班閒人o既馬拉遊玩之旅...真係要再次多謝一對新人對我o地o既照顧同行程安排, 令我o地樂而忘返, haha~ 屍花o既 trip并唔係一帆風順, 因為同學個老公好擔心我o地d香港女仔捱唔到去尋找屍花o既森林之路, 怕我地會受傷趺倒... 所以好細心o甘安排o左個hea d 既行程...誰不知, 大家對屍花o既熱情太強, 真係好想好想去, 結果, 用o左一晚o既時間, 盡最大努力去convince 佢去相信我o地係有能力handle 倒去森林探險o既~ 憑住 Carmen, Ben 同埋 Apple 既堅持, 終於說服到'老闆'放我o地去森林睇屍花, yes!!

其實, 屍花之路, 無我想像中o甘難行, 只係地上泥濘,泥漿較多...一d無運動慣同埋行慣山o既buddy就比較吃力... 我o地穿過樹叢,山澗,竹橋... 行o左大約個半鍾, 個土著導遊就指住前方o既一棵大樹樹腳, 我o地終於搵到全世界最大o既花啦...走過去, 見到一朵好大好大, 紅色但係總體感覺幾奇怪o既花, 個shape 真係有d似外星生物...遠古時朵o既花...大家都好興奮, 同屍花合照... 我多手'dok'o左一o野, 佢個外皮好似絨布o甘, 但係有d'鞋'手...而探頭睇到花既內部, 當然係見到d好嘔心既虫虫啦...

成個森林, 我o地雖然行o左老年o甘遠先搵到呢僅僅一朵屍花, 但係, 對我o黎講, 呢個experience 真係好特別, 好難忘,因為, 我從來未見過d o甘o既o野, hahaha~

極品

最近愛上一種水果, 就係山竹啦~

自從上個禮拜我朋友老公o係馬來西亞攞o左一大袋當地山竹俾我o地食之後, 當晚, 我真係食到停唔到, 不停食o左5,6個, 真係好清甜, 又多汁...正呀~ 雖然山竹o既外表真係唔係o甘靚, 完全唔起眼, 但係一打開粗糙o既外皮後，入面白白o既果肉, 真係完全令人意想不到~

返到o黎香港, 我阿媽亦都因為大造,超市有好多山竹,而買o左好多...佢切開其中一個時, 有好多蟻o係入面, 真係嚇o左一跳。我阿媽話, d 山竹真係好食到連蟻都唔放過o既美食, haha!!

烏鎮

上個禮拜去o左上海, 10年前去過, 上一年亦都留o係o個邊做o左個幾月intern, 所以, 只係舊地重遊...但係, 依然有一個地方好有感覺, 就係烏鎮啦~

烏鎮係上海周邊o既水鄉, 相比起其他熱門o既水鄉如周庄, 烏鎮遊客比較少, 也比較無o甘商業化...亦都保留得有原本o既風味多d...去到水鄉, o係條主河兩旁o既古老屋仔同埋一些石橋, 學堂, 小商店等, 成個combination 所营做出o黎o既感覺, 真係好似返返去o個個年代o甘... 好鐘意呢個時空交錯感~

除此之外, 夜晚更加靚, 四周圍都著住燈, 我o地坐o係一間河畔o既小客棧裡,一邊食住家常小菜, 一邊欣賞夜景, 真係好難忘! 走在古城o既街道上, 抬頭看到色彩繽紛o既燈籠高高掛於牆上, 小店放著懷舊o既手工藝品和地道食物. 在過o左一條橋後, 遠處有一座亮住紅燈o既9層塔, 烏鎮o既夜景, 真係好得~

第2日, 雖然落住雨, 但係o係古城漫步, 有機會睇到雨中o既景色, 又完全係另一種感覺... 在雨下霧中o既烏鎮, 確有另一種美~

爛鬼設計

尋日真係有d黑仔, 剛出門口去機場途中, 發現個 'gip' o既左轆壞o左, 結果要打的去三元橋 Airport Express, 點知,去到先見到由地面落去地鐵站o既路程, 竟然完全無電梯, 設計個地鐵站o個個人, 唔係覺得搭機場快線o既旅客, 會兩袖清風o甘出行下?? 有無腦架??

結果, 我要'稱'住個爛 'gip', 超級重...行成幾十級樓梯, 真係好想打o個個設計呢個站o既人...

一直相愛

最近好喜歡既一首歌...

<一直相愛>

主唱：許志安
作曲：雷頌德
填詞：林夕

聽一首歌也是緣份　否則怎麼似共渡過患難
幾分鐘　縱有限　印証歲月無限　最痛變浪漫

一起聽歌也是緣份　彷彿彼此已暴露過心事
一聲聲　每個字　似記得一輩子
同樣有過那個共鳴後　就像　相知
就算各有現在的身分　就算感想　已經不相似

﹡合唱中　你可想到了那段年代
人生幾可的感動還在
無可取替卻笑著回顧
成長時落淚後獨有的感慨
你早擁有我每段年代
願當初的心一直同在　一直相愛
如動心的不止是回憶　多精彩

﹡REPEAT

當天即使似爛泥吧　今天應知道活在你當下
歌聲的　見證下　你我都長進嗎
曾共高歌真心真意的　現在　好嗎
學會如何慢慢不想他　或接受著　美中不足嗎