妹妹今年第一年返學（唔計返嬰院），o係屋企附近返N 班，so far 都幾鐘意返學，返到屋企有時會唱吓老師教佢嘅歌仔，雖然仲係「五音不全」嘅 level, 但佢自己好 enjoy!
之前婆婆生日，到唱生日歌環節，佢聽到我地唱，可能認得 d melody… 突然佢好開心咁唱埋一份～ 但每次唱到 “ Happy birthday to you… happy birthday to you…” 佢句 to you 好似個發音好奇怪⋯⋯ 我地就叫佢 solo 一段… 呢個小朋友唔似哥哥咁怕羞，仲好 proud 咁大大聲唱： Happy Birthday 生日，happy birthday 生日！
個一刻，當我哋聽到「真相」之後，真係笑到肚都痛😂😂
陪訓同 tum 訓覺都係每一個父母嘅必經過程… 有幸有能力可以令自己小朋友快速入睡嘅，真係「三生有幸」😂，因為，只有小王子小公主訓著之後，父母先可以有真正嘅 ME TIME～
阿女好「痴」爸爸，猶其喺訓覺嘅時候，可能因為爸爸個膊頭好舒服，好有安全感！我同婆婆都無呢個令大小姐安心訓著嘅 skillset… 所以通常都係爸爸tum 佢訓…
但老公最近「投訴」，話咁落去唔得，太依賴佢，佢條腰都唔好，最近仲扭親手，所以佢開聲叫我「訓練」多啲同阿女訓 🫣
今日下午，我「隊」o左支210ml 嘅奶俾小公主後，就叫老公快啲出去，免得見到爸爸o係到扭佢抱訓；老公臨出房門一刻，突然閃過去窗口，拉實埋個窗簾，我順口話：唔駛啦，少少光，得㗎啦！
佢即刻義正嚴辭講：有時，就係因為一條光，令佢唔訓！如果佢訓唔到，唔好賴我！
哈哈… 專家果然係陪訓專家 💪🏻
大家係咪好疑惑咩叫糖與 C? 其實就係一啖砂糖一啖屎 😂
妹妹成日都可以做啲激到屋企人好嬲嘅事，訓地啦、推嘢落地下、lur飯lur水、打人等，總之數之不盡… 尋晚，我鬧完佢唔可以掉自己食飯隻义落垃圾桶後，佢居然發脾氣出去廳食自己隻拖鞋鞋底！
呢樣野真係超愈咗我嘅底線⋯⋯ 我忍不住重罰咗佢，結果，當然係喊啦。我哋不嬲 timeout 會去corner ，要求佢數30秒，再講出應該做返嘅行為… 但呢個超硬頸小朋友，完全口硬，點都唔肯就範，激死我！
就係咁，俾呢個女一日激幾次，真係無符，邊個叫係自己生出嚟呀～
但今朝，叫佢起身返學，佢突然爬去我腳上面訓係度，然後自己細細聲講：我鐘意媽媽 ❤️
嘩，真係冧晒，咩都唔嬲！
不嬲都覺得我家妹妹唔係善男信女，唔好蝦，尋晚，再發現多一樣「特點」，就係特別硬頸…
夜晚我哋 dinner 嘅時候，攞返前晚我去小南館食淨嘅酸菜魚，隔咗夜，味道更辣… 我食緊嘅時候，妹妹對我呢堆隔夜餸非常有興趣，不斷話要試，我梗係唔俾，同佢講：辣辣，然後加多個誇張嘅作嘔表情… 以為佢會打退堂鼓啦，點知，熱情不改！
我不斷 say no，佢就不斷扭要食，又大發脾氣… 於是，我哋決定「辣醒佢」… 俾一條粉佢試…老實講，大人我都覺得好辣下，可況2歲BB… 唔駛幾秒，妹妹已經辣到流鼻水，我即刻好嚴厲咁講：知唔知呀，呢啲就叫辣辣，小朋友唔可以食。
我即刻俾杯水佢，結果，佢竟然拒絕，唔領情！仲口硬話，唔辣！
之後佢爸爸叫佢再食，佢即刻走咗去，走去婆婆到問攞水飲…
呢個女嘅硬頸程度，真係出乎我意料之外…
今日同一個兒時好朋友講笑：我敢講你細仔大個咗一定多女朋友過我個仔！
於是，我地就打賭，佢哋18歲嘅時候，邊個多女朋友d 嘅個一個就贏！打賭嘅係一張去London 嘅機票🤪
我哋仲即刻 set左 個2034年8月16日嘅 calendar invite 提醒自己…
但我哋2個都覺得，到咗那年今日，我哋2位「老人家」應該會忘住個 pop up invite, 諗一整日都記唔起究竟係咩嚟 ～
我相信每個人一生都總會有些解不開嘅結，而家家確實有本難念的經… 呢個結、呢本經，就係我老豆…
可能我同我阿媽太 close, 佢同我老豆關係極差，亦因為咁，我同我老豆關係都非常一般…
今日，又為咗一d 非常無聊同 tedious 嘅原因，我阿媽同我老豆又吵大鑊，事原只係因為一罐煉奶！其實不嬲佢都好被動，亦好依賴我地，家事全都唔駛做，亦都唔識做（well better say he will use some really inefficient way to do it)… 我媽寧願自己做埋佢快過… 我地已經教咗佢好多次點開罐煉奶，佢每次都仲要人guide 佢，今次輪到我火起，好激動同佢講我d 道理，我阿媽都再次「説教」，結果，佢當然唔 get 到同唔明白我哋講嘢，佢自己都好激動，喊咗出嚟出嚟.. 仲好激動話：你地蝦左我幾十年…
啲小朋友全程都睇住，哥哥有啲不安咁繼續砌 Lego 唔敢出聲，妹妹居然問：呀咩（即做咩）？公公，呀咩… 喊？我都唔知點回應…
説實在，我都已經好累，唔知點同佢相處，睇住佢同我阿媽鬧左幾十年交，我自己直係好唔想再繼續呢個 cycle, 唉😮💨
K1/K2 嘅時候，聽到人哋話玩升小呢個遊戲真係唔係人咁品，少啲心血心力都唔得… o個時不為所以。自問唔係一個虎媽，但都唔想太hea 太無目標，所以都o係K2暑假象徵式咁開始補習，雖然無參加面試班，但個補習課程會包幾堂mock 嘅面試俾小朋友，叫做有少少 practice 咁… 此外，自己都會係屋企同佢做練習、reading, 等佢識多啲字…
我就係用咁嘅 resources 同方法，以香港媽媽 standard o黎講，都真係唔太進取… 我其實目標唔太高，Top tier 嘅唔會試，費事浪費時間 :p 我 aim 嘅係 second tier 比較活動教學，happy school 等嘅直資同私校。
我都有大包圍，報咗8、9間，因為知道仔仔非常慢熱、面試唔太有利… 結果面咗咁多間，大部分落空，第一個offer 係音小（一間d媽媽group 話用o黎練手嘅學校），之後嘅發展，只有3間直資有 waitlist… （但都滿意有間非常受歡迎嘅直資入咗third round), 但 surprisingly, 竟然有間我自己好鐘意嘅 happy school 私校正取！以無咩 intensive training 同太大投資下，加上慢熱性格, 成績對 relaxed 媽媽我都算過到自己。
政府自行都有參加，揀左 mother school, 但抽唔中 （我諗阿仔同我一樣無咩抽獎命)… waiting list 排第二，之後雖然 call waiting 得咗，但因為比較鐘意間私校，所以無 take 自己間母校…
由10月頭有第一個 offer, 到一直等等等等等另外2間比較心儀嘅直資，其中一間仲寫咗兩封求情信，haha, 呢個 game 真係勞心勞力… 直到人哋話既1月、3月同6月，係 waitlist 最有機會嘅月份，我都只有上EK睇 post, 見到人收到 call waiting 而自己個電話永遠都係d無奈嘅垃圾電話… 唉，個心真係愈來愈淡… 結果，都係無行！
6月頭係大抽獎放榜啦，我心中最理想嘅小學當然係學費相宜（最好係免費，haha!), happy school, 有愛心、活動教學，語言環境好，可以 benefit 到妹妹… 我諗，根本無呢種學校！
o係成個考學校嘅過程，我猶豫過好多次，亦都思想轉軚過好多次，我o係6月尾甚至考埋我從來冇諗過去讀嘅國際學校，居然阿仔仲攞到 offer, 仲要即日！（我諗移民潮真係好勁～）所以呢個升小遊戲，我真係咩種類嘅學校都試過，私校，直資，官津甚至IS! 我都覺得我太多心，好crazy… 但同時，呢個過程，亦教識我要取捨，冇嘢係 perfect, 只有最適合！
真正嘅真命天子竟然o係7月靜靜咁出現～ 仲要係完完全全嘅天意！話說我不嬲都心儀自己間 kg 嘅同系小學，但奈何我唔住o個一區，自行時又未諗好，有校友個5分又無理由唔要，結果係以 000 身份去叩門～ 呢間學校區內好受歡迎，好多人揀，基本上111先俾你 interview… 但可能今年多人走，我哋又o係佢幼稚園，所以最後都安排到面試！個面試需要小朋友 group play 同表演，再家長同校長見面… 仔仔個 part 就真係無咩信心，1:1同老師傾計都未必肯，何況要o係一堆小朋友加老師面前表演… 所以，結果都係預料之內，之後並無收到學校嘅 call… 叩門失敗了。
本來都已經無再諗，因為叩嘅人應該好多，上年嘅 stat 係280人申請先收10幾個… 機會渺茫… 但有時，神嘅安排好奇妙！我哋成家6月中中o左 Covid, 所以原本學校要我o地填小朋友入咗邊間小學嘅 survey, 我哋就遲交咗。當日補交左俾老師，佢下午打電話俾我問侯下：點呀，仔仔係咪打算入之前媽媽提過間私校？我就話：係呀，無計呀，叩門失敗o左。其實老師之前都知我非常想入幼稚園系呢間小學，佢好好人，主動話幫忙，睇吓可唔可以叫我o地校長幫幫手🙏🏻 結果，第二日，小學o個邊打o黎，收咗仔仔！
呢個長達10個月嘅升小遊戲，我終於搵到一間我覺得最適合仔仔、又平衡到家庭情況、可以令我 settle down 嘅學校。好奇妙既考小一旅程，有高有低，有開心、有失落、有迷失，有忘記了初心，有醒覺… 感受更深嘅係，好感恩有一個好錫仔仔嘅老師同入到呢間好有愛嘅幼稚園…
但願，仔仔會o係媽媽我千揀萬揀後終於settle down 嘅呢間小學，開心快樂咁學習，可以做個開心小學生～
Tyler 6歲嘅生日，o係一個非常特別嘅情況中渡過，因為，我哋成家人都中咗招。
上個禮拜四先係我阿爸 positive 咗，之後陸陸續續家人都中招，最擔心當然係無打疫苗嘅妹妹豬，2歲都真係好細個，病嘅其間，大小姐又唔肯飲水、飲奶同最麻煩完全唔肯食藥，只好用 pat pat 退燒藥，大人小朋友個2日真係又擔心又疲累⋯⋯好彩佢發咗2日高低燒之後，fingers cross 都無咩事… 之後到我自己中招，主要係喉嚨勁痛同失聲，重感冒咁… 大家用o左差唔多一個星期先慢慢回復正常⋯⋯
Tyler 生日前，舅父特登周末買咗少爺指定嘅玩具，佢開心到不得了，生日當日，我哋都特別安排同佢啲朋友仔zoom 同叫同學仔send 啲 video 祝賀吓壽星仔，舅父亦當晚幫我哋攞咗個靚靚火車蛋糕上嚟，雖然成家都要 house quarantine, 唔可以出街，但希望 Tyler 都可以感受到大家對佢嘅愛，同生日既快樂吧！
嗰一晚我陪佢訓覺，叫佢分享當日三件開心嘅事，佢居然問：媽媽，我可唔可以分享多過10樣呀！
睇嚟，佢真係好開心喎 :)
本來對武磊呢個球員無咩特別欣賞，但睇完呢篇報道，又對佢有好感🤣 可能link到我自身返工嘅情況，身同感受吧！
武磊最近透過直播跟球迷互動，被問及對剛贏得英超金靴的孫興慜有何看法。他表示：「大家怎麼看，我也怎麼看。我見很多球迷喜歡拿我跟他比，我覺得沒什麼可比性，完全不一樣。人家16歲就在歐洲踢球，真的是為亞洲爭光，亞洲球員在歐洲踢球真的不容易。」
武磊在愛斯賓奴踏入第四季，但出場時間依然有限，表現也不穩定。外界有聲音，建議武磊可考慮離隊，轉投有較多上陣機會的球隊，甚至回流中超。不過，武磊認為，轉會也要看能力，「不是說你有中國市場、拉個贊助就可以，沒那麼容易的。」
他表示不會因為缺少出場時間，就輕言放棄，心態好一點，別太自信也別看不起自己，有這麼好的環境就要好好珍惜。他謙虛指，明白自己根本沒有選擇權，「換一個地方也得需要再適應新環境，那可能到時候又踢不上，不能一直踢不上就走。如果我現在20歲出頭，可能每個聯賽都去看一下，但現在我要根據自身情況去判斷。」
今日同我個舊同窗、亦都係我八年嚟嘅好lunch buddy resume 返我地嘅 lunch date… 因我抖左半年後又再搏剎啦！
講起呢八年來，佢都好專一咁做同一份工，而我，就已經轉左第四份了… 😂
唔知道，我同佢呢個 lunch date, 仲有幾多年可以食呢？！
今日睇咗一本書，有一段文字好想記錄下來，好maTch我而家嘅狀態同心情，為自己加加油 ～
————————————————————————
找一份自己喜歡的工作是快樂的關鍵。
人生有不同階段，每個階段都有不同風景。時間到了，與其死纏爛打，不如瀟潇灑灑。Just Move On!
————————————————————————
朋友，人生十樣有九樣野都係徒勞無功。戀愛如是，工作如是。所以，各位，如果你遇到可以抓緊的，請抓緊他/她/它，别放手。那可能是你真心熱愛的工作、或一個信念、或一個人。總之，别放手。
————————————————————————
人之所以會變得麻木，是為了保護自己，起初，心是熱的，却因此而吃虧了，受傷了，於是在慢慢把自己抽離，在周圍築起一道牆，其實，人生在世，就一定有機會受傷，不用害怕。經歷多了，就不會覺得那麼痛，甚至可以一笑置知，這就是成長。
————————————————————————
做自己擅長的事，不要勉强自己去做力不從心的事：
有些人壓力大是因為入錯行，明知自己不擅長或不喜歡某些事，却為了符合父母的期望、為錢、為賭氣、為証明自己能做到等各類原因而勉强自己，结果做的一塌糊塗，於是强迫自己改進，但因為天生根本就不是這方面的材料，越迫越糟，壓力大到崩潰。做人最重要對自己誠實，了解自己强弱之處，賭氣也賭掉自己的幸福，為咩？
————————————————————————
日復日，年復年做着同樣的工作，慢慢感覺自己不是人，而是機器。下半生，難道只可以這樣過日子嗎？
可以疲倦，但不要盲目。
休息一下，静下來，重新調整自己日後的方向吧！
————————————————————————
不需要焦急尋佳境，自有早春應其缝。對於人的機遇，我一直是這樣想的。
————————————————————————
人很奇怪，總是覺得别人運氣很好，自己就荆棘滿途。一般人都傾向放大自己問題，許多多無謂挫折其實没有什麼大不了，忍一忍，咬緊牙關闖過去就是了。
許多事情在想象中很難很難，所以連試都不試就放棄了，我們人生中有多少因此而做成遗憾？事在人為，請别再给自己借口了。
尋日同 Tyler 出街，等緊過馬路時，佢突然同我講：媽媽，你好耐無抱我啦⋯
之後我諗諗吓，又係喎，自從 tor 住妹妹，佢又愈來愈重後，真係好少抱佢。個一晚，佢坐喺度睇電視時，我就特登過去問佢：媽媽可唔可以抱吓你呀？佢有啲人surprised, 然後企上沙發我就抱起佢，再好似細過時咁錫佢面仔，佢個一刻，笑得好開心 ～ 但… 阿少爺真係好重…
Ps. 可能平時我哋都淨係抱住個細嘅，一抱就自然會錫一啖，Tyler 看在眼中都有少少「羡慕」。
今朝我好奇問佢，你想做BB定小朋友？
佢即刻答做小朋友 :p
我再問佢，咁你講吓做BB同做小朋友有咩好處？
佢話：
做BB可以抱同可以好懶 (搞笑）
而做小朋友就可食好嘢、買車同去街
似乎，大人同小朋友諗法都好現實
😆
今晚發生左一單驚嚇事件… 而家諗起都猶有余悸。
話說食完晚飯預備左啲提子俾哥哥同妹妹食，妹妹個份我已經切到比較細，但可能無切薄片，佢又係心急人士，食咗第三粒時，突然我發現佢個表情有異樣，好似choking 咁，跟住佢望住我，眼神係好 fearful，好無助，我就知好唔對路，然後好快咁由 high chair 抱起佢，老公都 feel 到唔妥，即刻抱妹妹過去，向下斜住抱，再用力拍佢背脊，好好彩，唔夠幾秒，妹妹就吐咗粒提子出嚟，嘔左小小，但佢自己都嚇親，趴咗喺爸爸肩頭喊咗一陣…
今次真係好驚險，亦都檢討下自己唔夠 cautious, 感恩老公能夠當刻「學以致用」first aid video… 雖然自己都嚇到心慌慌，Tyler都嚇到唔敢食提子 😅
Fingers crossed, 希望唔好再有下次….. touchwood…
