神隊友

妹妹不經不覺已經4個幾月啦, 由o岩o岩出院細細粒要我地擔心唔夠磅o既奀B, 到而家擁有一雙大肥脾的可愛BB女!  呢幾個月無想像中o甘辛苦, 除o左少o左睡眠時間之外， 妹妹都算容易凑。。。希望乖乖的性格可以继续维持... lol~

上個禮拜，因為喂奶換邊時唔小心用力，所以扭到膊頭，發唔到力同小小郁都會好痛，搞到抱 BB都好吃力，亦都怕抱住突然間無力跌到妹妹，唔太敢抱她， 一個喂緊母乳但唔可以抱BB的媽媽，主要功能完全用不上，感觉都真係好無奈...

好彩有我隊友（親愛的老公）的帮忙，每一次要抱 BB， 他都好醒目的走過黎幫我做‘’運輸機’‘， even 晚上凌晨時分， 妹妹一喊，我一拍下正在熟睡既佢， 佢就會自動波o甘起身幫我抱妹妹落o黎我個喂奶墊， 見到佢訓到甘舒服時， 有時真係唔太忍心叫醒佢。。。 但大小姐肚饿要食奶都無辦法...

生完二胎後， 真係有同老公係一個 team 既感覺， 而家處理兩個小朋友既事情，很多時都要分工合作， 一個搞哥哥，一個搞妹妹， 分頭行事， 都需要互相 cover， 好似今次扭親手時，更加覺得老公好重要、 好好， 有一個神隊友真系非常非常必要~

多謝老公的 support，願我地兩個小朋友健健康康開開心心o甘成長啊！

二寶時代

2020年才過了8個月,  Covid 仲困擾著大家,  經濟也不好, 在這些時勢要活得舒懷談何容易... 但很感恩, 今年六月初, 我們的二寶終於來了!

妹妹的到來, 雖然沒有像大仔那時的 impact, 因為始終已經有經驗, 但生活上都真的變得忙碌, 自由時間大減... 幸好請到一個好陪月, 頭兩個月并沒有想像中辛苦... 有時候看到哥哥和妹妹的互動, 又真係好 sweet, 好溫馨, 希望他們兩長大以後可以相親相愛, 互相扶持直到永遠, 這願望亦是我生二胎的原因和動力, 哥哥和妹妹將來可以有彼此相伴相隨~

 

Tyler 哥哥

今晚和Tyler 訓覺o既時候, 通常要講2個故事先肯訓覺... 我o地講o既故事并唔係故事書或童話之類的, 而是我o地 ''老作'', 隨心隨時o既即興小故事 = P

今晚第二個故事係有關於火車o既, Tyler 突然間同我講: 媽媽, 我大個o左要做火車司機, 開火車! 跟住, 我就問佢, o甘爸爸媽媽做咩好呀? Tyler 就話: "爸爸做幫手剷煤o既師傅啦, 媽媽就係 Controller 啦 (Thomas & Friends 既Fat Controler!)"

我心中覺得呢個畫面好有意思... 我又再貪玩o甘問佢, o甘妹妹做咩好呀? (妹妹其實仍然在肚入面, haha!) 可能佢仲未好想像到妹妹o甘細個可以做 d 咩角色或任務, 所以回答唔到~

之後, 我提佢, 不如妹妹做乘客啦？佢有一刻好興奮: "好呀, 我可以開火車載好多乘客呀" 但係,  Tyler 即刻沈默o左2秒, 然後好認真o甘同我講: "媽媽, o甘樣唔得, d 乘客會攞o左妹妹走, 唔得架..."

我當時都幾 shock, 我無諗過Tyler 會o甘細心, 3歲半會思想o甘細密, 最surprised 係... o甘有妹妹心, 會擔心佢o既安全, 都真係有 d 感動~

之後佢話: "不如希希做司機車你o地去旅行, 爸爸係剷煤師傅, 媽媽做乘客同妹妹一起坐火車, 抱住妹妹, o甘其他人就唔會攞o左妹妹啦!

個一秒, 你知道嗎... 媽媽我感到好 sweet 呢!