《N個月前寫左，而家先得閒 post》
不經不覺，原来我都無上o黎update呢個blog差不多两年啦！呢两年o黎，變化好大，我由做女變左做人媽媽，亦都由清閑在家到從新回到银行返工，時間真係過得好快，我仔仔已經19個月啦……
點解我會又想起o黎呢個blog？我當初寫呢個blog嘅目的，就係好想記錄低我生命中不想忘記既時刻，因為自問係一個無咩記性嘅人， 所以，有時候會喺呢度回味返以前嘅記憶，真係好讓我懷念、温暖！
話说我仔仔尋日，做了一d好窩心嘅舉動，突然令我好想永遠記錄呢一刻…
我哋一家三口星期日去逛街街，打算買一個鞋柜，當我哋到左二楼家俬鋪后，見到一d比较省位置嘅鞋柜，Tyler亦都好有興趣咁到處睇，到處摸，探索一番。最後我地都搵唔到啱心水嘅款，所以就走啦。我老公同bb先行出去，因為我仲想問一下那個老板仲有無其他款色。到Tyler 到左門口，佢突然發覺我無跟住佢地一齊，佢就轉身大聲咁叫媽媽、媽媽… 我嗰一刻好想玩下佢，我就睇住佢，摇摇手，同佢講bye bye：） 结果佢好似見到一個頑童，老師叫壞學生唔聽話嘅表情，然后一個人好潚洒咁走過来，一句野都唔講然後拖住我的手，拖住我走啦！
haha，那一刻，除了surprised自己個仔點解可以咁老積同成熟之外，真係覺得超级sweet！佢會咁樣想起媽媽，记得我，好驚我唔同佢一起走，所以很緊張咁要拉我一起！
有時候，呢d little monent， 真係够你懷念一輩子呢！
