十月底去o左北京幾日, 因為十一月三日, 係我倆求婚一周年紀念日, 好想舊地重遊一番~
當日, 我o地去返一年前佢向我求婚o既地方, 就係清華o既近春園, 同上一年一樣, 十月十一月o既時節, 秋色正濃, 好幸運地, 正因 APEC 正在舉行期間, 北京市每日會限制單雙號車牌出車, 所以街道上非常舒暢, 也少o左好多廢氣, 霧霾散去了, 難得藍天配上黃金色o既樹葉, 整個街道傍一遍漂亮o既黃金色, 真係好靚 = )
我o地手拖住手, 重新走過一年前o既一段路, 藍天伴住黃葉, 漫步於柳樹湖邊, 一年前甜蜜o既回憶, 同埋我p地呢一年一同走過o既經歷湧上心頭; 不同o既係, 我o地無名指上, 已經多o左一隻介子, 我o地亦由戀人成為夫妻啦!!
今日o既天氣雖則好晴朗, 但係, 風好大, 亦都好凍, 我無帶外套, 所以老公就俾o左佢件 Jacket 我, 可能就係因為o甘, 佢冷親, 當晚沖完涼後, 突然好唔舒服, 發冷又發燒, 食o左成藥都未好, 好可憐... 見到佢o甘, 真係好擔心...
第二日一早, 好似仲未退燒, 我就去o左附近 Pharmacy 買o左退熱貼同感冒藥, 亦買o左白粥早餐, 等佢食得舒服 d... 佢成日就係o甘瞓, 我就坐o係佢隔離陪住佢, 幫佢換下退熱貼, 餵o下藥, 甘大個女, 都真係第一次o甘用心照顧一個男人... haha... 當我下午出去買野返屋企之後, 佢醒o左, 突然間對我講: "你係唔你覺得好無聊呀? 對唔住呀, 我病o左, 唔可以陪你玩..."
我真係好自然o既反應, 我靠向佢耳邊話: ''傻瓜, 我o地都已經結o左婚, 以後都唔只係玩啦... 係一齊生活啦...''
諗起我呢個 reply, 真係好 sweet... hohoho~~
亦都真係了解得到, 執子之手, 與子皆老o既意思.
