2014年3月2日 星期日

沒有六呎又如何?

From Sudden Weekly @ Feb 28, 2014

近年最識揀女友的,一定是王祖藍,揀了純如蒸餾水的李亞男,令不知幾多男士恨到口水流。王祖藍說過,李亞男是「徐子淇格」,以她條件大可以嫁入豪門做少奶奶。男的拜倒其裙下絕對合理,但大家都奇怪,為何她會揀王祖藍?

 亞男是華裔小姐冠軍,大方高貴;王祖藍其貌不揚,甚至是個年輕版黃光亮,行為舉止很卡通;她在加拿大長大,是父母的掌上明珠,溫室裏從來無風無浪;他屋邨仔出身,讀書時父親離世,家庭擔子從來不輕;她五呎九,他五呎三,兩人手拖手時總出現一幅奇怪的圖畫。這個原本看似錯配的愛情故事近日傳來婚訊,證明一個人的質地比甚麼都重要。

王祖藍沒有六呎高,但他有視野、有氣度。知道自己外形輸蝕,就在人格上強化自己。讀演藝時師兄師姐排戲,從不會揀他,他就去學昆曲、學京劇。入電視台初期包辦了九成幕後報幕工作,他很清楚自己的位置。他搞爛 gag、扮女人,但從來不是詐癲納福。他成長於仍有《歡樂今宵》那個年代,是真心覺得逗人歡笑的小丑是個偉大的職業。去年《老表,你好嘢!》大收旺場,是因為他在開拍前半年已推掉香港和內地的工作,專心度劇本。他咬着一口氣,一口深信港劇可以更好的氣。

你可能嫌他演技浮誇,但正正因為浮誇,你才會把他記住。他現在在內地很紅,但這條路也是打掉門牙和血吞。他第一次上《百變大咖秀》本打算扮蔡依林,一切都準備好了,就在開騷前幾小時被臨時取消,因為怕男扮女太敏感,說到尾那是台灣天后,而當時又沒有人知道王祖藍是誰。他滿肚委屈,但又不想失場,結果匆忙地度了兩個關於張學友和陳奕迅的 gag,再加他那 99.9%像真度的學友腔,觀眾拍爛手掌。有本事轉危為機,現在他已是「祖藍哥」了,這個「哥」字,何止六呎高?

王祖藍與李亞男,絕對是郎才女貌,只不過不是一般世俗人標準而已。別再老是笑人腳短了,五呎三,其實早已跑贏六呎。


幸福の北極光 - Day 3

最後一日o係 Chandalar Ranch, 我地決定 join 旅館o既 tour 去一個 Fairbanks 其中一個好出名o既旅遊景點 Chena Hotspring... 雖然團費高昂, 但o甘遠o黎到 Alaska, 點都去見識下吧~

大概中午時份, 旅館 owner Keith 開車車我o地去 Chena Hotspring, 大概 45 分鐘車程... 我o地原本要趕去 join Chena o既 Ice Museum tour, 可惜因為地面好多冰, 所以 Keith 說要開慢些少, 小心d, 結果我o地去到就 miss o左個1點鐘 tour... 無計, 只好自己周圍行一行, 等 1:30pm o既地質 tour...

Chena Hotspring 應該o係日本做o左好多 marketing 同廣告, resort 裡面好多 Japanese... 可能佢o地民族o既溫泉文化好深厚, 加上 Alaska 可以睇到北極光, 所以呢幾日無論o係 Chandalar Ranch 定係 Chena, 都遇到好多日本人, especially 係上o左年紀, 退o左休o既老伯伯同老太太... 真係好識享受生活 = )

我o地閑逛中行到去一處遊樂場... haha, 因為天氣實在太凍, d 遊樂設施全部結晒冰~ 、單槓、滑梯上全部有一層霜雪 cover 住, 好唯美o既感覺~ 公園傍邊有一個小小o既水塘, 因為處於溫泉帶o既原故, 所以熱騰騰冒住熱氣, 鵝呀, 鴨呀等好悠閒o甘游, 似乎, 住o係 Chena 入面o既人同埋動物, 都非常寫意!!

一點半左右, 我o地返去 tourist center 參加佢o既地質介紹團, 主要係 introduce o下 Chena 地區o既地理特色同埋呢度點樣以熱力發電o黎運作... tour guide 亦都帶我o地參觀 resort 裡面o既 green house... 佢o地入面餐廳o既部分蔬果就係從呢個溫室種植出o黎o架啦... 沿途, 我o地都見到一 d Alaska o既寒帶動物如 Reindeer, Squirrel and Goat...

大概3點, 另一個主要o既 tour 就開始啦... 就係去睇全世界最大o既Year-round Ice Museum... 裡面有好多得獎o既冰雕, Sculptureo既 size 同埋 quality 都好 amazing... 仲有一個好靚o既 ice bar... 都幾值得睇...

去完 Ice Museum 之後, 就係我o地o既重頭戲啦... 當然係浸溫泉啦~ 我都好鍾意浸溫泉o架, 去過日本, 台灣同中國... 但o係冰天雪地裡浸溫泉, 都係頭一次! 我o地換完泳衣後, 就行出去户外o既溫泉區... 嘩, o係 Alaska 天氣零下大概10度只著住件單薄o既泳衣, o係寒風吹住行出去溫泉個條短短o既路, 真係超級凍!! 所以我o地都急急腳走入熱熱o既溫泉... 身體一踏入溫泉, 一冷一熱o既反差真係好過癮... 呢個溫泉被岩石所圍繞, 而腳底下係天然o既沙土, 岩石上鋪住積雪, 遠處o既林木結上晶瑩剔透o既冰, 再加上溫泉冒出o既蒸氣... 四周真係好有詩意... o係呢個o甘有 feel o既溫泉享受住暖暖o既泉水, 閉上眼吹著山風, 真係好正!!

我o地就o係 Chena Hotspring 留o左大概 45 分鐘, 因為要返 Chandalar Ranch, 所以, 只好依依不捨o甘告別呢個溫暖o既國度...

今晚係我o地最後一晚o係 Chandalar Ranch 啦, forecast 預測今晚o既 Aurora Activity 為 Level 3, 比前2日都要強, 所以我o地好期待可以睇到比較 strong o既北極光~ 可能今晚o既 forecast level 高些, 所以o黎睇極光o既人都相對地多... 整晚極光團都人來人往... 有好多人可能係攝影發燒友或係專業人士, 佢o地所帶o既攝影器材在我看來都好 professional = P 有 d 上o左年紀o既日本團友, 話今次已經係佢o地第4次o黎 Alaska 去追逐極光了... 可想而知, 北極光o既吸引力係何等的厲害~

有時, 真係唔好完全信 forecast, 好似 George 話佢永遠唔會好 serious o甘信 forecast... 因為, 北極光係 predict 唔到o既~ 今晚雖然話係 Level 3, 但唔知點解, 我o地頭2個鐘完全見唔到極光, 之後出現o既極光亦唔及我o地前一日睇到o既強烈... 我等o左一段時間後, 因為室外實在太凍, 我就返房間取暖同休息... 突然間, 我 boyfriend 衝入o黎叫我快 d 出去屋外, 因為北極光出現啦...

極速出到去後, 好多人已經用佢o地o既相機, 調好 setting, 好忙碌o甘影緊極光... 遠望前方o既天空, 山林盡處, 一大片綠色o既光正在天上舞動, 用上舞動二字一 d 都唔誇張, 因為極光真係每一秒都有唔同o既變化, 每一秒都有唔同o既形態... 十分之奇妙... 無親身經歷過, 真係好難想像到佢o既神奇... 大家都被眼前o既極光所深深吸引...

極光o既燦爛雖然只係一瞬間, 轉眼即逝, 但佢留o係我o地o既記憶中, 將會係長久, 美好的... 人生, 就本應是這樣子?

剩落o黎o既晚上, 大家都無見到神之光再出現... 係有 d 失望, Level 3 應該不止於此?! Anyway, 其中一個團o既領隊係印第安人, 佢好好, 通常如果佢帶團o個晚無咩極光現身, 佢就會 entertain 佢o既客人, 會表演 Indian Loop Dance... 我o地都因此有機會欣賞一下呢種o甘獨特o既舞蹈... 當係多o左一項節目吧~

總括今次o既 Fairbanks 極光之旅, 我o地都好滿意同滿足了... 雖然睇到極光o既 Level 唔係最強, 但如 Eskimo 老太太話, 好多人專程o黎到, 但一日都睇唔到極光就要遺憾而回; 但我o地連續3晚都睇到極光, 算係非常之幸運啦 = )

這北極光之體驗, 我相信我倆都會畢生難忘, 亦都會成為我倆甜蜜o既回憶~

2014年3月1日 星期六

幸福の北極光 - Day 2

任何事都有2面, 住o係 Chandalar Ranch 雖然可以好方便睇到極光, 但佢o既唔好處就係好唔就腳, 離市中心遠, 無車o既人就唔好諗住出去玩... 當然, 你可以 join 旅館o既 day trip... 但價錢真係好貴... 去一個 5 小時o既 trip, 可能就已經要 2千多 HKD... -_-|||   結果 day 2, 我o地日間就留o係 Chandalar Ranch 休息, 同o下旅館 另一個 owner, 愛斯基摩人婆婆傾o下計, 了解o下佢o地民族o既生活同難處... 都幾有趣... 旅行我其中一項最 enjoy o既活動就係同當地人溝通, 可以學到好多o野... 真係讀萬卷書不如行萬里路.

我下午少有地下廚, 煮o左沙甸魚蛋飯, 熱騰騰的感覺, 雖然唔係餐廳 quality, 但在只有我倆的小木屋中, 身處地球北緯65度o既地方, 屋外盡是一遍白茫茫o既雪... 置身其中, 真係好舒服, 很愜意, 飯都特別好食~ 有概3點多, 我o地決定出外行下, 老太太叫我o地唔好行太遠, 因為如果唔小心走入森林裡, 迷路或者撞到熊呀, 鹿呀等野生動物, 就會好危險... 所以我o地打算只去小屋前o既 Elementary school  就好啦...

我o地穿好保暖衣服, 帽, 頸巾同貼好暖包後, 就 ready 出發啦~ 一出到木屋外, 見到廣闊o既雪地, 加上藍天, 遠處o既山林, 好美麗o既風景, 每一個方向o既景色, 都可以成為一張 postcard o既畫面... 我o地就o係呢片雪地玩起來, o係雪上行走, 都唔係一件容易o既事, 一踏上軟軟o既雪上, 腳就會深深陷進去, 一路o既雪, 都深至膝蓋左右, 每一步都需要一定o既力量... 所以走o左一段路後, 我都已經感覺好累啦... 走到一處比較平坦o既地方, 我o地試下平躺o係雪地, haha, 真係好得意, 整個人就進入雪地裡;躺在雪地上睇住天空, 天大地大, 四周就只有我倆, 感覺好幸福...

就係o甘行o下跑o下訓o下玩o下, 我o地終於到o左 Elementary school... 學校已經放o左學, 無學生o係校舍, 但o係後院小山坡上, 有爸爸媽媽帶住2兄弟o係度玩 sliding... 我o地見到佢o地玩得o甘開心, 所以決定加入, 攞左塊滑板, 坐上去, 就滑落山坡啦... 嘩, 個山坡都有一定斜度, 下滑速度越来越快, 前面仲要有個凹位,顛簸o左2o下, 都足以震到我頭痛啦~ 雖然幾好玩, 但, 唔係o甘安全, haha...

突然間, boyfriend 大叫o左一聲, 我以為佢做咩, 原來, 佢發現唔見o左部手機, gosh, 真係唔知點算, 究竟係我o地玩 sliding o既時候跌o左出黎, 定係我o地o係雪地玩時唔見o左?? 真係天曉得! 但係, 就算機會幾細, 都要試o下搵... 我o地諗返沿路所經過o既地方, 再 narrow down 最有可能會跌手機o既地方, 就開始回程o既搜尋行動... 但老實講, 機會真係唔高, 一來天已經開始黑, 日落o既光線太暗, 再加上佢架手機係白色同浅藍色, o甘 match 背景顏色, 真係將難度提高!

我o地分頭行事, 佢負責 search 左邊, 我負責 search 右邊, 一邊搵, 一邊欣賞日落o既景色, 天空因太陽下山o既餘暉照成粉紅, 淡黃色, 非常漂亮, 雖然有任務在身, 但都忍唔住要影低佢... 去 到 Chandalar Ranch 外o既雪地時, boyfriend 提醒我去搵一搵之前我o地訓低o個個 area... oh my god, 個電話真係o係個度!!!!! 我o地搵到佢啦... 真係好好彩, 一大片雪地都可以搵返部白色手機, o架機亦無因為太凍而壞o左, 只係需要充一下電, 就好返啦~ 呢 d 係咪叫做不幸中之大幸?!

晚餐煮o左腸仔意粉, haha, 呢3日煮飯o既次數, 都真係差唔多係我一整年o既次數 = P 可能, 當自己有o左自己家庭時, 就會愛上煮野食?! 食飽飽之後, 住o係我o地隔離o既美國叔叔, 同我o地 share 佢今日去o左 Alaska University Museum 同埋車展o既見聞... 佢同 boyfriend 兩個睇住本車 catalogue 時o既目光, 男人, 對車可能真係有種迷戀o既感覺~ 

10點多, boyfriend 就已經準備就緒, 帶齊佢o既攝影裝備, 出去等待北極光啦... 今日無好似尋日o既大團, 只有 individual o既旅人而已... Forecast 上係 level 2, 唔會太強勁, 所以我倆期望唔係好高... 但今晚o既極光真係超出我o地想像... 最開頭o既一個鐘, 已經見到前方不遠處有微弱o既綠光, 尋晚o既極光肉眼係睇唔到o既, 要o係 camera 中先睇到, 今日就強o左好多, 雖然唔係 internet 上睇到o既 sharp 螢光綠, 而只係好柔和o既淺綠... 亦都隱約見到極光好似流水般o甘流動, 不斷由右至左漂去, 好神奇o既畫面... 極光就有呢種攝人o既魅力, 佢o既存在, 立即會深深o甘吸引你所有o既注意力~ 好幸運, 我可以睇到 ''神之光'' !!

呢次''遇見'' 只維持o左 15-20 分鐘, 天空又回復佢o既平靜, 黑夜中, 佈滿o左星星, 平時o係城市, 絕對唔會見到o甘o既畫面, 天空中o既星星, 多不勝数, 拾頭一望, 360度的轉 (我在轉!), 每一角度都係大的, 小的星星... 我諗, 我會好懷念呢片 Alaska o既星空~ 

差唔多午夜時, 小屋右方我突然見到一道白光 (肉眼分唔清係唔係極光o既...) 所以我就叫佢用相機 test 一下究竟係極光定係普通光... 結果, 我o既 ''Finding'' 係準確o既... 係極光!!  Yeah!! 我o地今晚o既第2道極光啦~ 

o個一刻o既雪地中, 就只有我和他... 那道極光從右邊慢慢伸延過o黎, 不久之後, 隔離不遠處有另一道極光, 平衡著第二道極光一同伸延... 漸漸地, 呢2道極光都o黎到我倆正上方!! 你可以幻想一下那個景象嗎?? 天大地大, 在地球極北處, 只有我和他, 看到極光, 仲要係看到極光正正出現在你頭上o既機率是有少?? 真的, 真的太幸運了~ 

我和他相擁著, 一起拾頭看住慢慢漂過o既雙極光, 當極光漂過o既時候, 我真係可以見到好清楚極光如流水般在天空中流過, 穿梭著, 淡綠色的光帶走過星星群, 優美o甘慢慢移動... 那一刻, 真係太美妙了~ 我倆感到無比幸福... 有幸同你所愛的人一起在北極光之下, 被''神之光'' 所眷顧著, 真的真的感到很幸福, 要是時間可以停留在這一刻, 會有多好?

有一個古老的傳說,看見北極光會幸福一輩子... 但願, 我和他, 可以在北極光o既保佑下, 幸福一輩子 = )




幸福の北極光 - Day 1

西雅圖之旅後, 我倆決定下一個目的地就係阿拉斯加o既第2大城市 Fairbanks... 好耐之前都想去睇北極光o架啦, 特別係 2012-13年o既時候, 每11年太陽活動周期, 太陽粒子都會處於高活躍期, 上一年o既時候已經好想去, 但因為工作同埋假期o既原故無成行到... 仲以為會無呢個機會, 要至少11年後先有可能去睇, 但無心插柳, 因為呢個悠長假期, 我終於可以落實我期待以久o既北極光之旅, 有時, 真係世時無絕對o阿~

[註: Fairbanks 又稱為「極光之城」,是地球上最佳觀賞極光的地區之一,一年大约有243天、也就是约2/3的日子看得到極光,是極光出現機率最高的地方,每年都吸引大批的極光愛好者。由於地處於北極光環帶( Aurora Oval )的正中心,有山脈的天然屏障,避免了惡劣的天候,只要在此連續待上四個晚上,就有 97% 的機率看到北極光,相傳,看到北極光可以得到一輩子的幸福!]

由 Seattle 飛去 Fairbanks, 要差唔多 3 個多小時, 去之前我o地 research 過, 因為1月天氣仲係嚴寒, 就算唔落雪, 路面都會結冰而變得異常湿滑, 所以唔慣o係雪地開車o既人, 最好就唔好開車, 免生意外.. 結果, 我o地當然好聽話, 就只好叫我o地旅館 (Chandalar Ranch) o黎 pick up... 幸好我o地唔租車, 因為到 Fairbanks 以後不久已經入黑, 就算 Chandalar o既 owner George o係開回旅館途中都好小心o甘慢慢行駛, 安全至上~

George 俾o左1個小時左右我o地去超市 Fred Meyer 買接落o黎4日o既食物, 因為 Chandalar Ranch o既地點好偏遠, 而且我o地無車, 所以最好上糧, 費事到時又要出市區... 我o地買o左 d 水果, 蔬菜, 肉類, spaghetti, rice, bread, drinks 等, 當然, 我o地亦都買o左有名o既阿拉斯加長腳蟹, 一嘗當地o既美食~ 結果, 買o左滿滿 4 大袋食物, haha, 希望可以 finish 啦~

同我o地同車返 Chandalar Ranch o既仲有2個日本女生, 佢o地同我o地唔同, 仲o地唔會住係偏遠o既極光旅館, 而係住o係 Fairbanks city center, o甘會方便遊覽其他市內景點... 但佢地呢個選擇, ''代價''就係要另外参加極光團... 通常極光最大機會出現, 或者應該話最大機會俾人見到o既係大概晚上 11:00 pm - 2:00 am 呢個時段, 可能因為夠夜, 光害最少... 

極光團都真係唔平, 一晚一個人頭平均要 100 USD... 又真係唔會晚晚都見到, 所以好多人都會o黎 3-4 次去 max 睇到極光o既 chance... 而我o地就決定住o係極光小屋3晚 (我細佬 2年前去過睇極光, 佢 highly recommend Chandalar Ranch... 價錢相宜, 位置亦都好適合睇極光)... 當然, 住o既價位都唔低, 同埋當極光團o係度o既時間, 真係好噪o下... 但住o係 Chandalar Ranch o既好處, 就係你無時無刻都可以走出去小木屋 ''望天打掛''... 可以睇到極光o既 chance, 當然高好多, 因為無時間限制, 自由度高... 

就o係第一晚, 我o地就已經體會到呢個 ''地利'' o既好處... 我 boyfriend 比較幸運, o係極光團未o黎到o既時候, 佢望住遠方似有還無o既 ''懷疑極光'', 用佢o既專業相機影一影, 結果, 原來真係北極光呀!! 我o地就o係呢個似時而非o既情況下, 遇見我o地人生中第一道北極光啦~~ 雖然要透過相機先可以好清晰o甘見到佢o既真身... 但係至少, 我o地呢幕北極光の初見, 已經 capture 在我們的 DSLR 裡啦~

來自台灣o既極光團, 有成20幾30人, 呢日係佢地第2日睇北極光啦, 前一日都睇唔到... 但似乎佢地既''低迷''運氣持續... 一群人足足係天寒地凍o既雪地上等o左 3 個幾鍾, 只係不斷o甘見到黑漆漆o既天空, 都真係好氣餒, 當然, 可幸o既係仲有滿天o既星星陪伴住大家... 亦見到銀河系同埋北斗七星,  都真係非常之靚同夢幻. 但係, 北極光呀, 北極光, 你究竟o係邊度呀???

Chandalar Ranch o既安排好貼心, 極光木屋有2層, 如果大家等累了, o係室外待久了, 冷了, 都可以上2樓上層休息, 上層有 sofa 同一排排o既木椅, 佢o地亦會同時播放有關北極光同 Eskimo o既短片俾大家睇;  此外, George 一家也都安排o左 d 小食如 cookies, 熱飲如 hot chocolate 等, 讓客人可以充o下電... 再有精力出去零下10幾度o既黑夜中等候極光的來臨... 


就係等待期間, 台灣團友好攪笑, show 俾我o地睇佢o地日頭無聊o係 hotel ''自製'' 北極光o既照片... 分別係用酒店窗簾佈移動時o既影扮北極光; 再來係影 catalogue 上極光o既 poster 而製造成佢地既作品... 又真係好鬼似~ 絕對係等北極光時 kill time o既好節目... 大家既等待并無結果, 成晚都無極光再出現, 台灣團唯一只可以欣賞我o地 DSLR 2個小時前o既相片... 真係等成晚, 得個吉...

但願, 明天會更好~