華人之城: 洛杉磯與溫哥華

上一篇提到, 我o係 LA 住過一段長時間, 但雖然如此, 我又真係從來未去過加拿大... 所以今次有機會去到 Seattle (Shuttle Bus 4個小時車程 to Vancouver), 就順道去一趟 Vancouver day trip, 過 o下境, 話晒都可以叫做去過o下 Canada o麻... haha...

晨o甘早就搭 6 點幾o既巴士, 開車時, 天都未光.. 好處係, 可以好容易就o係車上訓著... 差唔多9點幾, 就到o左 border 啦, 司機叫我o地過境時, custom 問咩都要如實回答, o甘就唔會有問題... o甘, 我都無o野隱瞞, haha, 話o甘快就順利過境...  之後, 再開o左 1個多小時, 就到達 Vancouver o既 Pacific Central... 係時候, 開始我o既溫哥華探索之旅!

我o既第一個目標係 Stanley Park, 係一個 friend 介紹o既, 話好值得去, 因為好少o係一個鬧市中, 可以有o甘大o既公園... 當日o既天氣好好, 藍天白雲, 又唔係太凍, 所以真係好o岩行公園... 我亦都租o左架單車, 好自由自在o甘o係 Stanley Park 入面騎... 公園真係超大, 我沿住海邊一路騎, 望見一片藍天, 浩瀚o既大海, 林蔭大道, 我跟住指示去o左公園中心o既一個湖, 叫做 Beaver Lake, 真係估唔到, 一個離 Vancouver downtown 只有20分鐘既地方, 竟然可以有一處o甘原始, o甘天然o既森林湖泊景觀... 我以為, 自己去o左好偏僻o既郊區... It's really amazing, what a wonderful park!

之後, 我去o左 Stanley Park 附近o既 Canada Place, 有 d 似 Sydney o既 Opera House... 我企o係海邊, 吹住海風, 見到海鷗o係空中自由翱翔, Vancouver, 真係一個好地方... 行過少少, 就係 Vancouver Downtown, 都係高樓大廈, 唯一比較特別o既係 Vancouver以前一個 historic site, 叫 Gastown, 有一個 steam clock, 好有特色... 會噴煙同發聲... 

去完 Gastown, 我就搭地鐵去市政府 building, 再去 Downtown 遊覽車一下 Central Library, Post Office 等 signature 建築物, 最後行程, 就係去 Chinatown 搵好野食... 因為要趕巴市, 所以o黎得太早, 出名o既 restaurants 都仲未開晚市, 所以只好隨便去一間快餐店食就算啦... o甘岩坐o係我對面o既係一位來自香港o既老華僑太太, 佢好興奮o甘同我講o野... 講o下佢呢 20年o係 Vancouver 生活o既事... haha, 都算有緣份... 

晚上6點半, 就趕上尾班車返 Seattle 了, 呢一次 Vancouver 一日遊都真係非常充實, 我行o左好多地方, 上到巴士, 腳都好酸軟... 但, 雖然只係短短o既 9 個小時, 我已經對 Vancouver 好有好感... 又可以有廣闊o既地方, 交通又方便, 地鐵網絡好多地方都到, 老人家唔識開車都可以自己活動...又有一個極大o既 Chinese society... 唔怪得o甘多中國人鐘意移民o黎呢度~

PS. 特別鳴謝我的好好男友, 晨o甘早5點幾就車我去車站, 夜媽媽10點幾再走 Seattle Downtown 一趟o黎接我 = )

當北京遇上西雅圖

一月中旬, boyfriend 要去西雅圖 business trip, 所以我就 tag along 去散o下心, 順便陪佢, 做個 ''跟得夫人'' ~ 佢會去2個禮拜, 而我o地之後都 plan o左去 Alaska 睇北極光, 所以呢個絕對係一個悠長假期, 非常期待！

我首先飛o左去北京同佢會合, 北京飛去西雅圖要差唔多13個小時, 唔知係唔係睇o左套電影 "北京遇上西雅圖" 的原故, 嘩, 真係好多中國人去o個度,  full flight 呀... 到o左 Seattle 之後, 天氣都幾凍, 係要著羽绒o既 level... 落住毛毛雨... 我o地租完車, 就開去30鍾車程o既 Hotel... 因為呢個算係屬於我倆o既第一次遠行, 所以佢 book o左間比較 family style o既 hotel, 讓我o地呢個二人世界o既 trip 可以更舒服, 溫馨些 = P

以前o係 LA 住o左8年幾, 如果問我,  Seattle 同 LA 有咩分別... 說實在, 外國地方真係度度都差唔多 (當然旅遊區除外)... Downtown, Shopping mall, Market, Park, 住宅 area 等等o既 setting 都大同小異... 而 Seattle 亦都好似 LA o甘, 有勁多中國人... 都有一個 sizable o既 Chinatown... 到處都會聽到廣東話同埋國語... 中國人o既 presence 真係厲害!

另外, Seattle 好近海, 所以有時開車去 Seattle Downtown, 就要經過一條跨海大橋, o係風和日麗時開車過橋, 吹住海風, 望下兩邊o既海岸 (唔好學呀, 唔太安全... haha)... 真係好 enjoy~ 有日, 自己一個無o野做, 開車去o左附近 Sammamish Lake, 當日天氣唔係太晴朗, 亦都有霧 (Seattle 其實真係可以稱為一個霧都, 好多時晚上開車, 1分鐘前都天清氣朗, 1分鐘後完全霧大到可以伸手不見5指), 環繞湖邊o既小屋, 呢一個情景, 真係令人覺得好舒服, 好似仙境一樣... 如果有一日可以o係 Sammamish Lake 旁邊有間小屋, 真係人生一大樂事呀!!

呢2個o係 Seattle o既禮拜, 真係好生活化, 唔係一個 tourist, 更多係似一個生活係o個邊o既人: 早上去 lobby 食早餐, 佢就返工啦, 跟住我就會返 ''屋企'' 上o下網, 睇o下電影, 睇o下書, 煮下午餐, 洗o下衫o甘... 其實唔駛返工要過一整日， 都好易過o架 ja... 雖然無無聊聊就一 day, well, 但都幾爽, 幾舒服...

周末o既時間, boyfriend 唔駛返工, 所以我o地就可以去遠 d... 我o地去o左o係 Seattle 好有名o既 Snoqualmie Falls... 沿途經過樹林山谷, 但早晨o既霧氣很濃, 開車都要好小心; 到o左Snoqualmie Falls 時, 霧氣厚得我o地只聽到瀑布o既聲音, 而完全見唔到瀑布, 加上一直落住微雨, 真係有 d 令人 frustrated... o甘遠o黎到, 唔通真係連瀑布o既真身都唔可以睇到就要走?? 只可以聽流水聲??

我o地決定等一等, 沿住一條 hiking o既山路, 由瀑布上游行落去下游... at least 睇唔到個主角, 都可以郊遊一o下~ 一邊行落山, 我o地一邊欣賞山中o既風景, o係 Seattle, 佢 d 樹唔知係唔係因為成日生活o係高湿度o既環境, 所以好多樹幹樹枝上都長满毛绒绒o既綠色藻類... 好可愛~ 行到去下游,衣, 霧好似無o甘大啦喎... 我o地走近瀑布, 終於, 見到 Snoqualmie Falls 啦~ 呢個瀑布真係好壯觀, 唔怪得甘多遊客都慕名而來, 幸好, 我o地無因為大霧而放棄, 終可親身 feel o下 Snoqualmie Falls o既氣勢~

除o左去 Snoqualmie Falls 之外, 我亦都跟o左 boyfriend 同佢老細同 teammates 去o左 Steven's Pass 滑雪... 都有幾年無滑雪, 今次主要都係玩 snowboard... 雖然學過 2 次, 唔知點解, 都係學唔識, 唉~

我亦都o係 Weekday 時,  自己開車去o左 Bainbridge Island 遊覽, 其實,  Bainbridge 無咩特別, 除左我真係好 like 同架車一齊搭船過海, 坐係自己架車橫渡海洋, 個感覺真係好得意, 我未試過... 此外, Bainbridge 島上其中 top attraction 叫做 Bloedel Reserve, 係一個 private garden and forest reserve, 我大概 spend o左 1 小時, 行o左日本式o既花園, 一幢西式o既別墅, 成個 area 有一大遍草地, 湖泊, 樹林, 慢慢係度閑逛, 真係好舒服, 如此生活, 夫復何求 ?!

有時 weekday o既晚上, 我o地都會開車出去周圍轉, 會去 Seattle downtown, Bellevue downtown, 有一晚, 仲去o左 Mercer Island, 諗住搵個海邊位可以影o下Seattle 夜景同埋佢o既 skyline... 結果去o左人o地o既私人沙灘同碼頭... 嘩, 仲見到超級遊艇... 原來,  Seattle o既有錢人, 就係住係呢度...

最後, 我想 highlight 一下, 我o地o係 Seattle o既時候, o岩o岩係佢o地 Football team - SeaHawks  打 Super Bowl, 佢o地今年非常神勇, 過關斬將入o左 Final, 我o地o係 SeaHawks 嬴左 Semi-final 個日, 有幸 in town, downtown o既氣氛真係好熱烈, 到處都係 SeaHawks o既 fans, 佢o地一邊大叫, 一邊互相祝賀, 見到佢o地, 真係好 excited... 好難想像, 當 SeaHawks 嬴o左 Super Bowl 後, Seattle 會有幾開心 = )

總括呢2個禮拜o既 Seattle 之旅, 我都愛上呢個城市, 生活好舒服, 環境都很不錯... 有時, 香港生活太累時, 都真係好 miss 美國o既空間同寫意 ~

我的《再別康橋》

--------------------------------------------------------------------------------
輕輕的我走了，正如我輕輕的來； 我輕輕的招手，作別西天的雲彩。

悄悄的我走了，正如我悄悄的來；我揮一揮衣袖，不帶走一片雲彩。
--------------------------------------------------------------------------------

再一次的 Last Day, 真的好想引用徐志摩《再別康橋》頭與尾的那兩句... 誰不想事業順利? 誰不願意穩定地在一間公司發展? 但是, 如果已經很確定在這公司看不到前景, 亦都每天上班也好像受刑般, 真的, 長痛不如短痛,  蕭蕭灑灑地作一個了斷, 勇敢的向前找尋自己想走的路...

離開的一刻, 沒有一絲的不捨, 因為, 我信我這選擇, 是正確無誤的... 同事們的道別, 送上的心意和小禮物, 都讓我窩心; 老細臨別時假惺惺的道別話, 但願, 我倆未來不會再相遇... 踏出公司的那一刻, 真有 "我揮一揮衣袖，不帶走一片雲彩''的感覺...

但願這路, 會引領我到我想到達的位置, Let's get going!!

2013 的最後之旅

每一年, 我o地屋企都會有一次 Family Trip, 當然我阿爸就不太感興趣外遊, 所以, 多數都係我, 我阿媽同我細佬三個人出團... 今年, 我o地決定自駕遊去沖澠~ 5日4夜o既行程, 出發前我o地都無點 plan 到, 就只係買o左本旅遊書, 再問o下同事, 上到飛機先認真o甘 plan, 主打係 HEA... haha...

第一日到沖澠, 因為香港航空, 所以 expected 地 delay o左差唔多2個鍾, 到o左沖澠, 都日落o甘款, 由於我o地開慣美國o既左軑, 所以第一日開車去酒店時都格外小心, 一路慢開到達酒店已經天都黑晒, 當晚, 去o左一間叫 通堂Ramen 食過晚飯後, o甘就 1 day 啦~

第二日, 我o地o既行程係要''遠行''啦, 因為沖澠除o左那霸市區外, 其他主要景點係要o係沖澠主島o既另一邊, 所以, 要開大概2-3小時o既車先到...我o地o係酒店食完早餐, 行o左市中心好有名o既名勝首里城, 牧志魚市場等, 就要開始開車向萬座毛方向進發... 4點幾, 終於到o左萬座毛, 雖然因為天陰陰o既關係, 萬座毛睇起上o黎無 postcard 上o甘靚, 但見到大浪拍打在大石之上, 加上一望無際o既大海作為背景, 真係好宏偉~ 我同細佬仲打算如果2日後天氣晴朗, 有藍天白雲o既話, 我o地就再o黎多次~

我 o地今次住o既係 Hotel Sun Marina, 都係一間唔錯o既酒店, 每間房都可以見到海, 朝早可以坐係 Balcony 睇海同吹下海風, 而且有自己o既沙灘... 當然, 我o地12月去天寒地凍, 沙灘上除o左群年輕力壯o既學生o係度 training 之外, 真係無咩人. 我o地3個真係可以好 free o甘享受呢個 ''私人包o左'' 既沙灘 resort... 好正!!

第三日, 我o地去o左同事 highly recommend o既菠蘿園 (well, 我去完之後, 真係唔係好 recommend 大家去, 因為真係無咩做, 好無聊o下, 只係一個買手信o既熱點已然), Orion Beer Factory 同埋海洋博 (Okinawa Churaumi Aquarium)... 海洋博就真係非常值得去一趟, 猶其係佢o既黑潮之海, 真係超級壯觀... 當初以為呢個 Aquarium, 應該同我之前去過o既 Aquariums 如海洋公園同埋 Boston o既 New England Aquarium 差不多, 無咩特別, o甘, 海洋館o既 setting 就真係好 similar, 但係, 黑潮之海裡面養o既魚, 真係大到你唔信!!

入黑潮之海前, 有一個 video 係介紹黑潮之海中o既海洋生物同埋附近o既 environment and landscape, well, 我o地睇呢個 video, 都係因為行得太耐, 所以想搵個地方休息下, 但當 video 完o左之後, 個 monitor 徐徐向上升起, 後面竟然係黑潮之海o既巨大魚缸, 有好多如鯊魚, 魔鬼魚等深海魚在大家面前游過, 呢個 surprise, 真係令觀眾們突然間好 excited, 紛紛衝出去黑潮之海!!

黑潮之海就在轉角不遠處, 我一轉彎, wow, 真係即刻呆o左... 因為o係我面前, o岩o岩有一條超勁大 (無錯, 真係超勁大!) o既鯨鯊游過, 真係大到好誇張, 我從來未見過o甘大o既魚... 真係要定一定神, 先可以相信係真o既~ 仲要唔只一條, 係有3條大鯨鯊, 好多好多條大鯊魚同埋魔鬼魚, 真係只係o黎睇呢 d 大大魚, 都值回票價! 唔怪得沖繩呢個 Aquarium, 係世界第三大... 我o地3個就係o甘o係黑潮之海睇住 d 大魚游來游去直至佢收館... it's just amazing!

第4日, 去o左睇一d沖繩好出名o既 wedding chapels, 再去埋殘波鉀, 我o地就要開遠車返那霸, 所以午餐食o左沖繩料理後, 就開始回程, 傍晚去o左 Outlet血併o左3個小時, 各有收穫; 晚上去o左 downtown 食好出名o既守禮燒肉, 有和牛同 AGU 豬, 分別用 Grill 同埋 Shabu o既食法, 真係好正!!

最後一日, o黎到日本, 又點可以唔去溫泉呢, 我o地 follow 旅遊書o既推介, 去o左人猿之湯, 個溫泉o係山上, 居高臨下面對住無敵海景，浸住熱騰騰o既泉水, 真係人生一大樂事!

呢5日4夜o既沖繩之旅, 絕對附合我o地 HEA o既主題, 亦都把沖繩值得去o既地方去o左, 我o地3個都好满意今次的行程... 呢個地方, 可以 encore ~

命運靠自己轉彎

首先, 向大家說聲馬年快樂!

Read this online today... very nice article~

●每个人的人生都有两条路，一条用心走，叫做梦想；一条用脚走，叫做现实。心走得太慢，现实会苍白；脚走得太慢，梦不会高飞。人生的精彩，总是心走得很美，而与脚步能合一。

● 忍让，第一次叫气度，第二次是宽容，第三次就变成了软弱。

● 只要别人和你在一起，你让别人感觉很舒服，你必成大业！

● 学着看淡一些人和事物，这才是对自己最好的保护。

● 生命不是一场赛跑，而是一次旅行。比赛在乎终点，而旅行在乎沿途风景，好心情才会有好风景。

● 生命太短暂，哪有时间遗憾，一分钟都不要留给那些让你不快的人或事。若不是终点，请微笑一直向前！

● 误解的本质:被误解的人一点儿都不吃亏，误解别人的人，是他丧失了机会！

● 不要因为暂时的得到而失去未来的拥有，靠牺牲别人得到的更不会长久。没办法，这是天道。

● 人生，总有太多期待一直失望，总有太多梦想一直落空，总有太多言语无人可诉。其实，有些事，轻轻放下，未必不是轻松；有些人，深深记住，未必不是幸福；有 些痛，淡淡看开，未必不是历练。坎坷路途，给身边一份温暖；风雨人生，给自己一个微笑。生活，就是把快乐装在心中，然后，静静融化，慢慢扩散。

● 这个世界不是所有的人都懂你，被不懂的人误解无须争辩，我们选择沉默；有时被最爱的人误解，我们难过到不想争辩，也只有选择沉默。生命中往往有很多无言以对的时刻。不是所有的是非都能辩明，不是所有的纠葛都能理清，有时沉默就是我们最好的回答和诠释。