Molecular Gastronomy, 中文即係份子料理. o係電視就睇過下, 感覺好似係將d 食物, 整到唔同o既形態, 食緊咩都唔係好清楚o甘… haha, 上個月一個舊同事講起佢o係香港一間好有名o既份子料理餐廳 (Bo Innovation)o既 dining experience, 就心思思想去試一試… 網上睇網友推介, Dinner 真係超級費, 要成至少2千大元先落到樓… 所以, 如果想’’淺嘗’’一下 份子料理係咩東東, Lunch 就化算好多… 於是, 尋日下午, 就約o左坐我前面o個2位好同事, 一行3人興致勃勃, 期望好高o甘去Bo Innovation 食個高貴o既 Lunch = P
去到 於灣仔o既 Bo Innovation, 人唔係好多, 多數都好似o黎體驗一下… 我o地一見到個餐牌, Lunch Menu 上有 Chef Menu 同 Set Lunch… Set Lunch 唔係好貴, $268 再加一, 有一個 Main Course, 2個小食 (點心類別) 同甜品… 我o地因為想多試唔同o既 dishes, 所以 order o左唔一類o既種類o黎 share (係, 我o地都知道去 Fine Dining 實在唔應該 Share 食物o既… Well, 唔理得o甘多啦, haha~)
落 order o個時, 我同事問 waiter 大佬, 邊幾個 choice 最可以體現到 份子料理o既精髓呢? 谁不知佢o既回答真係’’大失所望’’: 無o架, Lunch Set 係體現唔到o架, 因為唔係用份子料理o既製造方式!’’
嘩, 大佬, 唔係o下… 專誠黎到, 竟然 Lunch Set 係完全體現唔到份子料理?? 玩o野呀??
之後, 佢就攞住個 Menu, 翻到去第一頁，指住Chef Menu， 你o地可以點呢 d， 呢 d 就係份子料理 style… OKKKK, o甘即係要 side order 啦… 又要俾佢’’殺’’一筆… 無計, 洗濕o左個頭, 都要硬食吧… 於是, 我o地3個就 follow 個 waiter o既 recommendation, 點o左3個 ‘’小籠包’’… ‘’小籠包’’係 Bo Innovation o既主要推介… 最出名o既菜色…幾多錢? 唔貴呀, 誠為 $90 一細粒!!
開始上菜, 先o黎點心… 有黑松露蝦蛟, 鵝肝煎鍋貼， kaffir lime sauce 墨魚丸， 香蒜雞春卷，黑松露腸粉 … 雖然不是分子料理， 但是，味道確實幾好， 都係用高級材料，好特別， 有很多菜式，真係無想到可以用這種味道o黎做， 好creative！
接下來係主菜， 我們點了一個類似鎮江糖醋排骨加溫泉蛋的菜，還有用乞丐雞做法o既鵪鶉 （聼起來有點嚇人），最後係小龍蝦加芥末再加椰菜花 risotto (d 芥末係呈泡泡狀, 真係好得意同埋好有美感)... 呢個dish真係好正,小龍蝦好鮮味, 泡泡芥末軟淋淋... I LIKE IT!! 仲有鵝肝鍋貼, 因為不嬲都鍾意食鵝肝, 所以, 好欣賞! 其他如墨魚丸呀, 春卷呀, 腸粉呀, 就無咩太特別...
話說回個粒粉子‘’小籠包’’, 唔好以為價錢高, size 會大d, 真係差唔多好似粒湯圓 ga ja... waiter 話粒湯圓仔係由小籠包o既湯汁製成, 再由一種叫 ''Alvie'' (don't know how to spell, but pronounce like this) o既植物造成個薄膜包住d湯汁， 而係‘’小籠包’’上面o既一條紅色幼長條, 係由醋同姜丝造成, 讓食客真係好似食緊小籠包o甘o既味道~ 我o地放個小籠包入口後, 準備咬開個皮之際, 本能反應係有d怕d湯汁熱親個口, 但係, 呢粒根本唔係小籠包, haha, 所以, 當d汁''爆開''係口入面o既時候, 係暖暖o地, 雖然口感係湯圓, 但味道完完全全係小籠包 = P It's really quite amazing!! 而呢一口’小籠包味o既湯圓, 2秒就吞o左 $90... 值唔值, 真係見人見智啦~
唔知點解, 坐我o地隔離o個枱o個2個男人, 周不時望住我o地食o野, 又好似好不滿o甘... 其中一個個頭好似好亂, 望落好似係''地盤佬'', 但又擔住支雪茄, 好 enjoy o甘同佢個 friend 食 lunch... um... 個 setting 有 d 怪, 呢個人亦都好似同個地點有些少格格不入o甘...呢2個人, 令我地有d confused... 食得有些少唔安樂...
食完 Bo Innovation 之後, 返到屋企去 youtube 搵相關o既視頻, 原來呢間 restaurant 係 2010 年 World's Best Restaurant o既第 65 位, 係 Michelin 2 Stars... 我於是 forward 個 clip 俾我2個同事睇, 其中一個好快就 whatsapp 我, ''喂, 今日坐我o地隔離o個個''地盤佬'', 好似係個主廚喎!!'' Oh My God, 係喎, 諗諗下, 真係應該係佢... 我o地真係有眼不識泰山呀! 仲要o係大廚面前 Share Lunch, 切到佢 d 佳餚一忽忽, 一開三o甘... 仲要我同事食某幾個 dish 時流露出不太满意的表情... Aiya, 我地真係''對唔住'' 星級大廚, o甘 ruin 佢o既美食... 唔怪得佢成日望住我o地黑面啦...唉~
在此, 真係要同佢 say sorry!!
